IMAMAT 1:3 - Allah Wene Fano Wene Hupla Inane

³ Nen, aren waluk wogosi waga logogin mene andoma ebe wam sapi misik halok he, wam ebe ai meneba nen oba agambut palek lek mene halok wogeti logogin. Aren waluk we'luk Tuhan Awi sabu wuri'mo solombonma andoma fei wagunem he, Tuhan endawimo ap andi oba endawimo agaiyek fikhi logogin.

IMAMAT 1:3 ပူးပေါင်းရင်းမြစ်များ

KEJADIAN 22:13

A'nogo yagatikhemo, at Abraham eilenggen era'lukwe yethasikhe re, wam domba ai mene ekhe andimuk oba nen e anggele'ma hobal lagaikhesik were'ma eilenggen hasikhe. Hasikhesik wam a'nogo warogo re amlogo obali'mo eisena Tuhan faget noletikhe.

KEJADIAN 22:2

At Allah nen he, ”Hamlogo Ishak misigat tago hendawinggen hundik mene andi waluk he, o Moria lan o. Andoma lagen halok, an nen punu ekhe yagahesigin oba, andoma hamlogo andi an faget warogo endumo nolne'no o,” iluk yagatikhe.

KEJADIAN 22:8

A'nogo yagatikhemo, at Abraham en he, ”Allah onggwaregen wam domba eak ekhe wo'nisagain o,” iluk yagatikhesik emberegat pikhit lagaukwa.

KEJADIAN 8:20

At Nuh nen wam yi mene ti mene warogo Tuhan faget noleti logogin mene obalik helep sengget watikhe. A'nogo watikhesik, sue, wam, paik, yi mene ti mene enggi lek mene inom, werek mene inom, nenggarek mene inom nenggarek lek mene inom omanogo inunggulenu tomok misiktek warogo fesikhesik eisena Allah faget noletikhe.

2 TAWARIKH 29:32

Iren waluk lagaukwangge andoma re, sapi ai mene ebe 70 nen inom, domba 100 nen inom, domba eagwi 200 nen inom, waluk Tuhan obaget warogo nolesi lagaukwa.

2 TAWARIKH 35:12

Wam warogo Tuhan wogetu mene faget wene melalek buku Musa weneba palek werek mene a'nogo higithogo hilingisuageluk he it afuni andoma kabogesi wagaukwa mene omanogo, it ap misik inagainafuri inom faget he, wam warogo nolengge noluageluk, wam ebe misikdek higik wogisilik lagaukwa.

MAZMUR 110:3

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

MAZMUR 40:8

Andi nen an nen ikhi logolik he, ”Eberogo an waga lagi, buku yinggilik mene andiba re an nobaget palek werek.

KELUARAN 12:5

Hiren he, wam domba a, athe kambing a, ekhe wendeberogo fogoin higit mene at he, ebe ai mene umur satu tahun mene esi ebe mondok fano mene halok wendeberogo fogoin o.

KELUARAN 24:5

A'nogo hilingisogo fesikhesik, ap alage Israel mene ekhe nen yi mene ti mene nineisena Tuhan endawimo agaiyekhogo warogo noleti logolik, Allah ninom lambuluogeluk wam sapi ekhe warogo senggelogo fouwageluk inayonggo fesikhesik, lakfisasikhe. Lakfisasikhemo a'nogoat hilingitukwa.

KELUARAN 29:18

Domba senggelek mene abirengge andi waganogo mezbah amboloba liak fuluk An nobaget endu nologo wo'nesumo, nolugun mene amben andiba An nendawimo healigin.

KELUARAN 29:4

At Harun againafuri inom he An nawi sabu salek mene tenda a'nogo solombonma andoma asi we'luk he inebe sobaloak iluk yagaisano.

KELUARAN 29:42

Andi nen hobuk huli hilingirik laga logogun aple andoma ogore, hiren warogo nolnetu mene andoma re waluk An nelokhoma Nawi Sabumo tenda solombonma andoma fei waga logogun. Andoma nen An nebe nagainafuri ninom ambi a'luk, hat hoba nane mati logogin.

KELUARAN 32:6

A'nogo yagaisasikhemo, it afuni Israel mene ohealek huberat siakhogo re, wam Allah faget warogo endu nolesugun mene inom, nen Allah inom lambuluogeluk waresugun mene inom, waluk wagaukwa. Wagaukwasik enggen amusu ninggik, sumburu ninggik, ikhi lagaukwasik he, inebe menlagaukwasik inendawimo hai en, we, lugulugwi higit palogo yugunat hilingiti lagaukwa.

KELUARAN 35:21

ap sa nen ekhe endawimo abologet hugunem halok, Tuhan Awi Sabu andi faget wusugun mene iluk yi mene ti mene waluk fei wagaukwa. Andi fena iren wene kabogeti logolik hilingitu mene faget iluk inom, imam inasu kwatu mene faget inom, waluk kabogesi wagaukwaat.

KELUARAN 35:29

Afuni Israel mene, hemi ogo ap ogo, inendawimo fogoin anggugu mene inebe mondogaren yi mene ti mene Tuhan nen wene melalek Musa bene nen yagaisasikhe mene a'nogo higithogo Tuhan faget kabogesi waga lagaukwa.

KELUARAN 35:5

Tuhan faget fugu mene waluk fei waga logoni. Fei waga logolik he, ap ekhe endawinggenma lebetunem emas, perak, perunggu;

KELUARAN 36:3

A'nogo yagaisasukwasik at Musa nen he, ap Israel mene nen O Sabu Tuhan faget andi wusuageluk kabogesi wagaukwa mene omanogo wogisasikhe. Oba nen he, afuni Israel mene nen yi mene ti mene omanogo hubet-habet hundik-handik Musa ambit kabogesi waga lagaukwa.

KELUARAN 38:1

Hun Bezaleel en he e akasia meneba obuluk warogo endu nolhuba ekhe wutikhe. Andi wuti logolik he uankwe inom horokwe inom he 2,2 meter en, liabek mene re 1,3 meter en wutikhe.

YESAYA 1:11

Tuhan nen ikhi logolik, ”Hiren wam yi mene ti mene kabokhogo fuluk wo'neti lagep mene andoma re nagaiyek hambik wanigin iluga? Hiren domba warogo nolneti lagep mene inom, sapi eak asei nobagakhi lagep mene inom, sapi ai mene inom domba inom, kambing inom amep nobagakhi lagep mene andoma re An he nabiro.

YEHEZKIEL 20:40

Andi re, o kweang Israel en meneba An nandom unggul horek meneba andoma nen, hit hinunggulenu Israel mene mondogaren An nobaget fogetnabugun. Andoma nen he, An nen nagaiyek hit hinoba figik, hiren An nobaget fuluk wo'netu mene omanogo nendawimo fanoba wanhik, nobaget fugu mene inom, mondogat fanongge enogo fuluk wo'netu mene inom wanhik, ikhi logogin.

YEHEZKIEL 40:39

O senggelek hokhoma andi re e meja enggaminogo mene talek welaga. Nen pire re esanggo hilingik mugusogo hilingik welaga. Nen meja talek amboloba andoma nen enek wam domba, kambing inom, Tuhan endawimo agaiyek hoageluk warogo nolhu mene inom, Tuhan nen inaweak onggorabethogo fouwageluk kinoti logolik nolhu mene inom, ap inangge obali'mo fugu mene nolhu mene inom, senggelhigik welaga.

IMAMAT 1:10

Nen warogo fei wagu mene andi domba inom kambing inom halok he, wam andoma re ai mene nek agambut palek lek mene nek fei waga logogun.

IMAMAT 14:10

Linggene inenggi 8 meneba re, ap a'nogo nen domba ai mene pire inom nen he mene misik umur satu tahun oba mene ebeba agambut palek lek mene halok waluk wesigin. Andi nen fena re zaitun amusu sepertiga liter inom, tepung zaitun amusu inom munenek engge 3 kilogram inom waluk wesigin.

IMAMAT 16:7

Wam kambing ai mene ebe pire a'nogo An nawi su mene wuri'mo andi kweba fei waga logouwago.

IMAMAT 17:8

Afuni Israel mene ekhe nen ogo nen it pok mene oba nen hinom femhogo hinanggele'ma werek mene nen ogo wam warogo nolengge noletu mene iluk ogo nen wam amu mene faget iluk ogo,

IMAMAT 17:9

Tuhan obaget warogo fei lagain iluk anggugu halok he aren Tuhan Awi Sabu salek mene solombonma nek fei waga logogin. Nen, aren ambi obalik amumu nen warogo fugu halok he at andi re Allah amlogo mene werek luk he anggogoin lek.

IMAMAT 23:12

Hiren gandum enggen palek andi An faget nobagakhi logolik he, wam domba eak ai mene tahun misik oba mene agap oba agambut palek lek fano mene halok warogo endu nolnesugun mene inom nobagakhi logoino o.

IMAMAT 23:18

Roti andi inom mangorogo re, afuni Israel mene nen wam domba eak umur satu tahun mene ebe 7 nen, sapi ai mene ebe oan mene misigat inom, nen, kambing ai mene pire inom, An nobaget nobagakhi logogun o. Wam andoma ebe lombok he, agap oba agambut pale'lek mene halok, An hineisena Tuhan nobaget nolnesuageluk nobagakhi logolik, yi mene ti mene nunggu mene ekhe nobagagik, i anggur amusu ekhe nobagagik, ugun o. A'nogo nobagaluk nolnetunem amben nen he nendawimo nagaiyeget fikhi logogin.

IMAMAT 3:1

Ekhe inom ikhi logolik, ”Ap misik mene ekhe nen Allah ninom sebesugun iluk sapi misik ekhe warogo fei wagu halok, sapi andi holou mene halok ogo ai mene halok ogo fano, oba nen he agap oba endephogo ekhe agambut palek lek mene halok.

IMAMAT 4:15

Fei wagunem he it inogogwi kaindek inunggulenu andi mene inobaget mendek welagaikharek mene omanogo nen wam a'nogo ungguloba inenggi sebel fuluk aremnogo nenat wati logogun.

IMAMAT 4:23

a'nogo hilingiti iluk wenggelogo wesigin oba aremnogo weak-weak at aweak lek hilingisogo fouwageluk wam kambing ai mene misik agambut palek lek mene wati logogin.

IMAMAT 4:3

Ap weak hilingitu mene andi re Imam Agung inoe a'nogo weak hilingitunem it afuni Israel mene inom at ombo'ne weak hilingitu halok, Tuhan nen aweak legaphogo fouwageluk aren wam sapi ai mene ket kotorek mene agap palek lek mene misik warogo Tuhan obaget fikhi logogin.

IMAMAT 4:32

Ap ekhe nen ambi at aweak lek hilingisogo fouwageluk domba misik ekhe warogo fei waga logogin mene andi re, domba holou mene agapma agambut palek lek mene halok.

IMAMAT 5:15

”Nen, ap misik ekhe nen wenggelek legengge nen Tuhan obaget palfigi'lek hundik-handik fikhi logogin ilugen, figi'legengge hilingitu halok he ap andi nen fei wesigin lek mene andi higithogo fouwageluk obali'mo waluk nolesi wesigin fano. Nolesi wesigin mene andi re domba ogo kambing ogo ai mene halok misiktek higik, agap oba agambut palek lek mene halok o Tuhan Awi Sabu sale'ma onggo werek higithogo fuluk fei waga logogin.

IMAMAT 5:18

Nen hilingitu mene onggo iluk obali'mo fei waga logolik he, wam domba ogo, kambing ogo, ai meneba nen agap oba agambut palek lek mene halok o Tuhan Awi Sabu sale'ma onggo werek higithogo mene fei waga logogun. Nen, it imam omanogo nen he wam a'nogo warogo ap a'nogo aweak faget nolhunem he, at aweak Tuhan nen lek hilingisogo fikhi logogin.

IMAMAT 6:2

”Ap misik ekhe nen agaila'lak inangge oba fogoin oba nen inonggwarek nekhengge wogisagain lek halok inom, athe ane nen lebelogo hinakhagain halok inom, nen agaila'lak inangge longgo umo aren herasigin oba nen hombuk palogo labeligin halok inom, aren Tuhan eilhanem weak hilingisigin andi nen he, at aweak faget warogo fei waga logogin.

IMAMAT 6:8

Ekhe Tuhan nen Musa yagati logolik, ”Hun Harun inom at amlogomi inomen wam ebe abirengge warogo nolhi logolik halok, it imam omanogo nen mezbah amboloba fuluk, endu fagaisogo kwelakfuluk he hup inukhogo omanogo herak fugunem logogin mene faget wene melalek yi yagaisan.

IMAMAT 7:16

Meneat he, ap ekhe nen an yi'nogo hilingiti logogin iluk tekhogo ilugen ogo, nen we endawi fano nen fei lagain anggaluk ogo, lambulogo nobagauwageluk warogo fei wagu halok he, fena abirengge linggene andi sambul enek nogoin lek oba nen he, we fena ohealekwe faget fakhaluk nogoin fano.

IMAMAT 8:18

A'nogo hilingitukwasik, at Musa nen domba ai mene inaweak faget warogo nolhu mene iluk a'nogo wanhikhemo, at Harun inom at againafuri inom inenggi wam a'nogo unggul oba sebel fesukwa.

IMAMAT 9:2

at Musa nen Harun yagati logolik, ”Sapi ket kotorek mene ai mene halok inom, nen domba ai mene ekhe inom pirenet agap oba agambut palek lek mene halok wanimbik he, sapi ai mene andi re hinaweak legaphogo fagain mene nen domba andi re warogo nolhu mene faget iluk ebe pirenet Tuhan wogo'ni.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

MALEAKHI 1:14

An Hineisena re, Raja Lego Mondok welagimo re, yi afuni ti afuni inunggulenu lombok o kweangma welagaikharek mene An nenu agaukhogo fogetnafarek andi nen he, ap sa nen anggo ai mene agambut palek lek mene An nobagaikhe mene werek kwelek meneat he, munenogo herakfikhi logolik weak mene nobagaikhe halok, eranenat lalnafe andi nen he, homan ugu logouwago,” iluk ikhe.

BILANGAN 15:3

Hiren Tuhan obaget warogo nolhu mene inom, inane menfugu mene faget onggo inom athe inendawimo nen anggaluk warogo nolhu mene inom, linggene we mene faget iluk hilingiti logolik warogo nolhu mene faget inom nolhi logolik he: sapi ai mene inom, domba ai mene inom, domba halok ogo kambing halok ogo warogo nolhi logoino. Nen warogo nolugun mene andoma amben nen he Tuhan endawimo agaiyek hikhi logogin.

BILANGAN 15:8

Warogo nolhungge andi re sapi ai mene misik halok ogo, athe inane menetu mene faget onggo halok ogo, athe lambulogo fisugu mene faget halok ogo,

BILANGAN 19:2

wene melalek yi afuni Israel mene yagaisano iluk miminginafi logolik he: Sapi helou oba nen ebe esi mep mene halok ebene agambut palek lek mene enggin engge oan hatherek lek mene ekhe waluk,

BILANGAN 23:19

Allah re, afuni nen, Nambigen igi e, igik, ineranen wene igik, agarek andi hak ikherek mondok lego. At Allah re, An nen yi'nogo hilingisigin, iluk abok yagaisaluk he, ebe tiphogoat hilingiterego. Nen, Aren ugunem ebe arat hilinglagarek enego.

BILANGAN 23:27

Hobuk at Balak en Bileam mel yagatikhe: ”Nit o ekhema louwogo. O andoma nen, haren afuni Israel mene an faget homan fisanogen iluk Allah nen hilinghobagau mene faget hanogo,” iluk yagatikhe.

BILANGAN 23:3

A'nogo nolfuluk, at Bileam en he, Balak mel yagatikhe: ”An Tuhan nemberek ambi asimbik wene ekhe yaganesigin a? Lega, iluk lambik werek kwelek he, hat hebe hanggo warogo nolhoba era'lu aremat logoin o. An lambik, neisena Tuhan nen yi wene ti wene ekhe yaganete halok, yagahesi wesigin o,” iluk yaga'luk he, Bileam ebe tom punu ekheba amunek lagasikhe.

BILANGAN 23:30

A'nogo yagatikhemo, at Balak Bileam en yagatikhe hagat hilingitikhe. Aren he, wam warogo Allah nolesugun oba obuluk wutikhe omanogo ebe lombok amboloba re, wam sapi ai mene misik inom, nen domba ai mene misik inom emberek wuthigik warogo nolik lagaikhe.

BILANGAN 28:11

Tugi ket folelhu kwelek andem oba Tuhan obaget warogo nolhi logogun mene andi ebe re: sapi ai mene ket kotorek mene pire inom, domba ai mene misik inom, domba eagwi ai mene umur satu tahun oba mene ebe lombok agambut palek lek mene nek wogeti logogun.

BILANGAN 28:19

Hiren he Tuhan obaget warogo nolhu mene iluk sapi ai mene ket kotorek mene pire inom domba eak ai mene misik ekhe inom, nen domba eagwi ket kotorek mene ebe sabiren inom ebe lombok he inagambut palek lek mene warogo nolhi logogun.

BILANGAN 28:31

Warogo fikhi logogun mene andoma inom, anggur agai hinago wogeti logogun mene andoma inom he, hiren hundik-hundik warogo nolhi logogun mene inom, weragaisogo fuluk noleti logogun mene inom, omanogoba mangorogo faget he andoma inom fikhi logogun.

BILANGAN 29:13

Inenggi attak meneba re Tuhan obaget warogo nolhi logolik he, sapi ai mene ket kotorek mene ebe 13 nen inom, nen domba eak ai mene umur satu tahun mene pire inom, nen domba eak ebe umur satu tahun oba mene 14 nen inom ebe lombok inagambut palek lek mene warogo wogeti logogun. Hiren warogo wogeti logogun mene andi amben en he Tuhan endawimo healhi logogin.

BILANGAN 29:2

Hiren Tuhan obaget warogo nolfuluk wogeti logogun menere sapi ai mene ket kotorek mene misik ekhe inom, domba ai mene misik ekhe inom, domba eak ai mene sabiren engge inebe hundomok he umur satu tahun menere inagambut palek lek mene halok, At obaget fuluk wogeti logogun. Warogo nolfuluk wogeti logogun engge andi amben nen he Tuhan endawimo healhi logogin

LUKAS 1:35

at malaikat a'nogo nen he, ”Allah Areagun hoba louk i wesimbik he, kunmo kwagarek hak, nineisena Tuhan Allah omame hokho andi awe a'ma hobagagin. Hobagaumo re, heak Allah alegat amlogo tasumo re, afuni nen, At andi Allah amlogo, iluk ikhi logogun o.

YOHANES 1:36

A'nogo were'ma, at Yesus kwe andi kwe lageluk wagunem Yohanes eilenggen yet hasikhesik he, mel yagaisasikhe: ”Allah anggo domba mene a'nogo waga a'li yet hani,” iluk yagaisasikhemo,

YOHANES 10:7

A'nogo futfigi'lek werek kwelek, hobuk at Yesus nen he, mel yagaisasikhe: ”Wene eberogoat ekhe yagahisak. Wene domba andi inanggwe re, an nebe aro.

YOHANES 10:9

Kwe re, An nebe aro. Ap sa nen, An nebeba kwikhe halok, ebe tegelek fano mondok logolik, wulifik kwigik ikhi logolik he, engga fano mene nek ninggi logogin o.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.

2 KORINTUS 9:7

Afuni inendawimo inagaiyek mondok anggikhi logolik it ekhe fisagarek mene andi, Allah nen inebe endawi welagarek andi nen he, hit hinebe lombok hinagarek hinendawi werek kwelek, it ekhe nen hinendawimo ninghogo kagalhunem fisogoin elo'lego. We, hit hinendawimo fano logolik, hinonggwarek hinendawimo nenat kagalogo fisogoino.

ULANGAN 12:27

Wam Allah faget fisaluk nolesugun mene inom, afuni nogoin mene inom, waluk laluk he, wam Allah faget warogo noleti logogun oba fisaluk, amep he, obalik andiba kweisalhunogo o.

ULANGAN 15:21

Andiba nen he wam a'nogo ambi agap palek logolik, eisok holurogo, eil humunogo, athe agapma amu mene ekhe hokhorogo hilingik halok he, wam andi At hineisena Tuhan Allah faget iluk waluk fei waga logogun lek.

ULANGAN 17:1

Wam sapi, domba ogo agambut palek mene andi re At hineisena Tuhan Allah endawimo mondok abitsek enggere At obaget iluk fei wesu fuk.

IBRANI 7:26

Nit ninendawimo nen he, ”Ap ekhe Allah eisewerek nit faget fano katokhogo yi'nogo kain logolik hilingiti logoilebe,” iluk anggogorek mene, Allah nen ninoe Yesus andiat menfesikhemo werego. At obabut he, weak ekhe hilingiti'lek, fano tegelek mondok were'ma, afuni weak hilingitarek mene inendawimo nen tegelogo pogot abel ponggwe po'lima liakfesikhemo nit faget werego.

IBRANI 9:14

It inagap endakwe mene faget wam amep elo'lek meneba elok fano horinafi lagaukwa. Halok, nit Kristus amep esin meneba, ”Wene hinoba lek,” iluk ninendawimo selekhogo elok mondok ninobagaikherego. Nit Allah eluk welagarek mene endawimo fanorogo hilingiti logouwageluk, wam esi fano mene Allah wareti lagaukwa andi hak, at Kristus Allah Areagun etok mondok welagarek mene omameba, wa'laga logolik, ebe Allah wogetikhe andiba, nit attagat lek asigin mene tulemat hilingiti lagagu mene, aren, ”Wene hinoba lek,” iluk, at amep oba ninendawimo selekhogo ninobagaikhemo welago.