IMAMAT 1:10 - Allah Wene Fano Wene Hupla Inane

¹⁰ Nen warogo fei wagu mene andi domba inom kambing inom halok he, wam andoma re ai mene nek agambut palek lek mene nek fei waga logogun.

IMAMAT 1:10 ပူးပေါင်းရင်းမြစ်များ

KEJADIAN 4:4

A'nogo fisasikhemo, at Habel ogo re, anggo domba mene ekhe eak attak tatikhe mene wanhikhesik he, warogo nen senggelogo asei fano mene re Allah faget fisasikhe. A'nogo fisasikhemo, Allah agaiyek Habel oba fesikhe.

KEJADIAN 8:20

At Nuh nen wam yi mene ti mene warogo Tuhan faget noleti logogin mene obalik helep sengget watikhe. A'nogo watikhesik, sue, wam, paik, yi mene ti mene enggi lek mene inom, werek mene inom, nenggarek mene inom nenggarek lek mene inom omanogo inunggulenu tomok misiktek warogo fesikhesik eisena Allah faget noletikhe.

KELUARAN 12:5

Hiren he, wam domba a, athe kambing a, ekhe wendeberogo fogoin higit mene at he, ebe ai mene umur satu tahun mene esi ebe mondok fano mene halok wendeberogo fogoin o.

YEHEZKIEL 43:22

Ohealek he haren kambing ai mene agambut palek lek mene ekhe inaweak horogo leget fugu mene faget warogo nolhi logolik, mezbah andi amep oba hora'no. Sapi ai mene kotorek mene a'nogoba hilingisigin mene aremnogo higithogo nek hilingi'no.

IMAMAT 14:10

Linggene inenggi 8 meneba re, ap a'nogo nen domba ai mene pire inom nen he mene misik umur satu tahun oba mene ebeba agambut palek lek mene halok waluk wesigin. Andi nen fena re zaitun amusu sepertiga liter inom, tepung zaitun amusu inom munenek engge 3 kilogram inom waluk wesigin.

IMAMAT 16:3

Wene palek werek andi higithogo at Harun nen An Nonggwarek nawi hulu senggele'ma hore'ma andoma kwigiluk halok he, wam sapi ai mene it weak hilingita mene An nen horogo legetfisoageluk, wa'netik, nen domba ai mene lolnetik, imbik halok enek kwikhi logouwago.”

IMAMAT 16:5

Ma re, it afuni Israel mene nen weak hilingita mene An nen horogo legetfisoageluk, wam kambing ai mene ebe pire nobagalugen, nolneti logogun mene wam domba ai mene misigat halok wanhik, waluk he, at Harun wogosi waga logouwago.

IMAMAT 23:12

Hiren gandum enggen palek andi An faget nobagakhi logolik he, wam domba eak ai mene tahun misik oba mene agap oba agambut palek lek fano mene halok warogo endu nolnesugun mene inom nobagakhi logoino o.

IMAMAT 3:1

Ekhe inom ikhi logolik, ”Ap misik mene ekhe nen Allah ninom sebesugun iluk sapi misik ekhe warogo fei wagu halok, sapi andi holou mene halok ogo ai mene halok ogo fano, oba nen he agap oba endephogo ekhe agambut palek lek mene halok.

IMAMAT 4:23

a'nogo hilingiti iluk wenggelogo wesigin oba aremnogo weak-weak at aweak lek hilingisogo fouwageluk wam kambing ai mene misik agambut palek lek mene wati logogin.

IMAMAT 4:3

Ap weak hilingitu mene andi re Imam Agung inoe a'nogo weak hilingitunem it afuni Israel mene inom at ombo'ne weak hilingitu halok, Tuhan nen aweak legaphogo fouwageluk aren wam sapi ai mene ket kotorek mene agap palek lek mene misik warogo Tuhan obaget fikhi logogin.

IMAMAT 5:15

”Nen, ap misik ekhe nen wenggelek legengge nen Tuhan obaget palfigi'lek hundik-handik fikhi logogin ilugen, figi'legengge hilingitu halok he ap andi nen fei wesigin lek mene andi higithogo fouwageluk obali'mo waluk nolesi wesigin fano. Nolesi wesigin mene andi re domba ogo kambing ogo ai mene halok misiktek higik, agap oba agambut palek lek mene halok o Tuhan Awi Sabu sale'ma onggo werek higithogo fuluk fei waga logogin.

IMAMAT 9:2

at Musa nen Harun yagati logolik, ”Sapi ket kotorek mene ai mene halok inom, nen domba ai mene ekhe inom pirenet agap oba agambut palek lek mene halok wanimbik he, sapi ai mene andi re hinaweak legaphogo fagain mene nen domba andi re warogo nolhu mene faget iluk ebe pirenet Tuhan wogo'ni.

MALEAKHI 1:14

An Hineisena re, Raja Lego Mondok welagimo re, yi afuni ti afuni inunggulenu lombok o kweangma welagaikharek mene An nenu agaukhogo fogetnafarek andi nen he, ap sa nen anggo ai mene agambut palek lek mene An nobagaikhe mene werek kwelek meneat he, munenogo herakfikhi logolik weak mene nobagaikhe halok, eranenat lalnafe andi nen he, homan ugu logouwago,” iluk ikhe.

BILANGAN 19:2

wene melalek yi afuni Israel mene yagaisano iluk miminginafi logolik he: Sapi helou oba nen ebe esi mep mene halok ebene agambut palek lek mene enggin engge oan hatherek lek mene ekhe waluk,

BILANGAN 6:14

wam henagan agap oba agambut palek lek mene halok waluk he Tuhan wogosi laga logogun. Domba eak ai mene misik ekhe satu tahun oba mene andi re, warogo nolhu mene faget, nen domba eak helou mene satu tahun oba mene andi re, inaweak legasuageluk mene faget, nen domba eak ai mene ekhe re warogo lambulogo fisugu mene faget, fikhi logogun.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

1 PETRUS 1:19

Athe, onggo hokho meneba palogo telhinafikheo. Wam domba eak weak meneba fuk, we, domba eak mondok fano mene Allah faget amep wulagaisogo waresu hak, at Kristus amep wulagaisogo wa'lagaikhe andiba, hinonggo palogo telhinafikhe andi.