IMAMAT 1:1 - Allah Wene Fano Wene Hupla Inane

^1-2 At Tuhan Awi sabu tenda mene salogo werek oba omanogo nen, it afuni Israel mene nen wene melalek fik-foukhogo hilingfuluk hilingiti logogun mene faget iluk Musa woletikhesik wene melalek oba fikhi logolik yi'nogo yagatikhe: ”Ap misik ekhe nen Tuhan faget warogo nolhu mene fei waga logolik halok he, aren domba inom sapi inom kambing inom waluk wogosi waga logogin fano.

IMAMAT 1:1 ပူးပေါင်းရင်းမြစ်များ

2 RAJA-RAJA 16:13

Andi nen mezbah a'nogoba Ahas nen wam inom nen gandum enggen inom nolhikhe. Nen, aren ogore wam Allah nen fanot nabuageluk warogo nolhu mene a'nogo amep inom anggur inom mezbah ambolkwe omanogo kweisalhikhe.

2 TAWARIKH 29:32

Iren waluk lagaukwangge andoma re, sapi ai mene ebe 70 nen inom, domba 100 nen inom, domba eagwi 200 nen inom, waluk Tuhan obaget warogo nolesi lagaukwa.

KELUARAN 19:3

It o a'nogo wutukwasik werek kwelek, at Musa Allah emberek ambi asuogeluk tom andiba lagasikhe. Lagasikhemo At Tuhan ebe tom andiba nen Musa oba afuni Israel Yakub en tagongge mene andi yagaisa pi wesuageluk mel yagatikhe:

KELUARAN 24:12

Hobuk At Tuhan nen Musa mel yagatikhe: ”An noba tom oba lagaime o. Lagai wagunem yoma nen he, wene komothinafi mene mondogat helep ebe pireba lisu palhi mene yi afuni Israel mene yagaisanogen wokhesigin o,” iluk yagatikhe.

KELUARAN 25:22

O ariginik oba andoma An hat ninom ambi a'luk peti amboloba kerub pire fena-fena were'ma andoma nen it afuni Israel mene inobaget An nen hat wene melalek yi'nogo hilingi'no ti'nogo hilingi'no iluk wokhesigin,” iluk yagatikhe.

KELUARAN 29:42

Andi nen hobuk huli hilingirik laga logogun aple andoma ogore, hiren warogo nolnetu mene andoma re waluk An nelokhoma Nawi Sabumo tenda solombonma andoma fei waga logogun. Andoma nen An nebe nagainafuri ninom ambi a'luk, hat hoba nane mati logogin.

KELUARAN 3:4

A'nogo anggasikhesik, eilenggen hageluk lagunem, At nineisena Tuhan engga sebele'ma omanogo anggele'ma nen eilenggen hasikhesik he mel yagatikhe: ”Musa, Musa,” iluk yagatikhe. Yagatikhemo, at Musa nen he, ”Wu i, an nebe yi welagi,” iluk yagatikhe.

KELUARAN 33:7

A'nogo hilingitukwasik, at Musa nen nineisena Tuhan awi wusigiluk he, it afuni Israel mene inawi sabu tenda andomaba nen endakwe ale'ma pa'nakhogo wuthikhesik he, enu o andogoti logogun oba iluk salhikhe. Andi nen he, it ekhe nineisena Tuhan nen komo wene ikherek mene holu inamolo mene halok he, wulibi laluk o andi laga lagaukwa.

KELUARAN 39:32

A'nogo hilingitukwasik he, yabu At Tuhan Awi Sabu a'nogo mondogat wutukwa. Nen it afuni Israel mene re, at Tuhan nen wene yi'nogo hilingi'no ti'nogo hilingi'no iluk Musabene nen wene melalogo yagaisasikhe mene a'nogo higithogo nek hilingitukwa.

KELUARAN 40:29

Nen, kwe andi elokhoma re, yi mene ti mene Allah faget endu noleti logogun mene ekhe hilingisogo fesikhe. A'nogo hilingisogo fesikhesik, amboloba re, Allah faget wam warogo endu noletik, nenggarek mene ekhe fisigik, isikhe.

IMAMAT 7:38

At Tuhan nen it afuni Israel meneba wam warogo noluageluk o Sinai leimo nen, at Musa Tom Sinaiba nen wene melalek andi oba fesikhe.

IMAMAT 9:16

Andi nen ombo'ne re wam nolengge nolhu mene faget a'nogo waluk he awene melalek werek higithogo wogetikhe.

BILANGAN 1:1

Tahun pirenek meneba were'ma tanggal satu tugi pirenek mene folelhunem afuni Israel mene o Mesir herakfuluk wulibi wagaukwasik, o Sinai leimo Tuhan Awi wuri'mo omanogo nen Allah ane Musaba yi'nogo yagasi wagaikhe:

BILANGAN 7:89

Hundik-handik at Musa Tuhan Awi Sabumo kuluk Tuhan inom wene i kugunem he, At Tuhan ane Peti Wene Warek ambe sa'lip sebelek mene amboloba malaikat kerub pire ilirenggerogo were'ma honggole'ma aremnogo nen ane ugunem esanggo holhi lagaikhe.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

ULANGAN 27:6

At hineisena Tuhan Allah faget nolhuba obalik andi re helep amu mene faget ekhe wanharek mondok lek mene we anuet meneba nek hilingiti logogun, hilingfuluk wurik mene amboloba andi re yi mene ti mene Tuhan obaget nolhungge mondogat nolino.