IBRANI 9:4 - Allah Wene Fano Wene Hupla Inane

⁴ O andoma amusu amben fano mene Allah noleti lagaukwa oba emas mene hilingik mene inom, peti Allah ninom hundik welago iluk agap mondogat emas mene laberek mene inom, welagaikhe. Peti andi elonggoma re, sumburu manna ninggi lagaukwa mene iwak emas mene elonggoma kwalek andi inom, ap Harun arige tomuk asimit wulifi lagaikhe mene andi inom, wene Allah nen komotninafikhe wene lisu helep oba palek andi inom, welagaikhe.

IBRANI 9:4 ပူးပေါင်းရင်းမြစ်များ

1RAJA-RAJA 8:21

A'nogo wutirik, Allah nen ninombalak o Mesir en woginarek waga logolik, Wene Warogo woginafikhe mene helep oba lisu palek a'nogo Peti elema kwalek a'nogo fogoin oba obuluk wuti aro,” iluk yagaisasikhe.

1RAJA-RAJA 8:9

Peti andi elonggoma re, yi mene ti mene ekhe kwale'lek, we, helep pire afuni inunggulenu Israel mene o Mesir en Kanaan wesuogoluk wagunem, nineisena Tuhan Tom Sinai ba nen wene Warisasikhe mene at Musa nen kwalogo fesikhe mene a'nogo nek kwalek welagaikhe.

2 TAWARIKH 5:10

Peti Wene Warek andiba re, amu mene ekhe kwalek welagaikhe lek, we helep kagalek pire, it afuni Israel mene o Mesir en Kanaan logoin iluk ebe khalem lagunem en Tuhan en it inom wene wat-wat agaukwa mene a'nogo, Tom Sinaiba a'nogo nen at Musa nen helep kwalfesikhe mene andem enek kwalek welagaikhe.

KELUARAN 26:33

A'nogo hilingfembik he, kain andi mene O Sabu engga salek mene a'ma kolhu mene erarek mene omanogoba kol feino. A'nogo hilingfoumo re kain andi nen O Senggelek ekhe Horek mene a'nogoba inom, obalik ekhe Mondogat Horek mene andomaba inom hulire'ma, elonggo fikhit he Peti Wene Warek helep pire meneba palegengge kwalek a'nogo logouwageluk andoma kwelabi logoin.

KELUARAN 31:18

A'nogo At Tuhan nen Musa inom Tom Sinaiba nen ane arat isikhesik he, At Allah nen helep pire kagalek meneba Allah awene melalek a'nogo onggwarek enggi nen palogo Musa wogetikhe.

KELUARAN 32:15

A'nogo herakfisasikhemo, at Musa nen wene Allah nen komorogo, yi'nogo hilingiti logoino, ti'nogo hilingiti logoino, iluk helep ebe pire meneba palek abel fena-fena wanhikhe mene andi waluk tom oba nen ambotkwe pi wagaikhe.

KELUARAN 34:29

At Musa nineisena Tuhan emberek tom Sinai oba logolik wene ebe 10 nen mene komorogo wogetunem emberek inane ikhi lagaukwasik nogo nen he, at Musa elokhonggen oba ombak-bak mondok yararet hugu kwelek wene komotninafikhe mene a'nogo waluk pi wagaikhe. A'nogo meneat he, at Musa onggwarek elokhe oba ombak-bak yararet hikhi lagaikhe andi onggorat pi wagaikhe.

KELUARAN 37:25

Bezaleel en he e akasia meneba obalik dupa nolhuba mezbah ekhe fanorogo wutikhe. Wuti logolik mezbah ebere unggut hilingisogo, uan hogore 45 sentimeter en liabek mene re 90 sentimeter oba wutikhe. Unggut enggaminogo hilingik mene aremnogo amboloba re andimuk mezbah ebe inom seberogo hundik logouwageluk hilingfesikhe.

KELUARAN 39:35

E Peti Wene Warek helep pireba palek mene kwalegengge a'nogo inom, e pia inom, amboloba sebelek mene inom,

KELUARAN 40:3

A'nogo wutfembik Wene Warek 10 nen a'nogo Peti elema kwalegengge O Sabu wuri'mo kwelakfeino, a'nogo kwelakfembik he kain wurilik mene elokhoma kologo feino.

IMAMAT 16:12

endu re, yi mene ti mene An faget warogo nolnetarek oba andoma mene lemesak oba endu enggen earogo hokhorogo wanimbik he, amben fano mene waluk fanorogo sagalogo wul hakhogo hilingfuluk inenggi pireba yinggilogo waluk he, An Nonggwarek Nawi hulumo hore'ma andoma kwikhi logouwago.

BILANGAN 17:10

A'nogo hilingitukwasik hobuk Tuhan ane Musa oba ikhi logolik, ”Harun arige tomuk andi re nekhengge Peti Wene Warek were'ma era'lu fei kwin. Fei kumo tomuk andi andoma were'ma afuni inane mul-mul enek ikhi logolik wene sagali'lagwi mene andi, iren hilingiri'lagwi mene andi palfugu lek halok he, wa'laga logogun iluk inendawinggen wenggelengge logogin o.” iluk yagatikhe.

BILANGAN 17:5

Ap An nen wenagaisogo figi mene andi arige tomuk enek he asimit wulibigin. Andi hilingisigin oba nek he it afuni nen hundik-handik hat hoba inane mul-mul yagaheri'lagwi mene andoma lek palfogoin o.” iluk isikhe.

BILANGAN 17:8

Ohealek hubet weirogo Musa Tuhan Awi sabu wuri'mo a'nogo kugunemen he, tomuk Harun nen mene it inunggulenu Lewi mene a'nogo asimit wilibik welagaikhe. Wilibi'mo re tomuk a'nogo owil mumungsek logolik owil igisogo enggen he e ketapang enggen mondok wurik agaikhengge ugu welagaikhe.

ULANGAN 9:11

A'nogo wo'netikhe andi re, nenggi 40 nen arat welagagisik oba nen wene warogo wo'ninafikhesik helep sabia mene pire andiba lisu palogo wo'netikhe andi.

ULANGAN 9:9

A'nogo hilinghinafikhe andi re, nineisena Tuhan nen wene warogo wo'ninafikhe wene a'nogo helep sabiaba lisu palogo fesikhe mene wanigiluk tom oba lagasigisik nenggi 40 nen sumburu inom, i inom mondok ninggi'lek andoma welagagi andi.

WAHYU 11:19

A'nogo ugunem isigirik yethigi hak he, pogoroba Allah awi wuri'mo kwe hu'lagunem he, Allah nen wene komotninafikhe wene lisu palek peti elonggoma kwalek welagaikhe a'nogo weinam aga. A'nogo weinam agunem he, eilabut hobugalep yararethigik, unggunggu ane pak ilugen ane lulu lagik, lugul lang-fanget higik, meiso sogonggen hokho mene pelafik ninggik ugunem yethigi o.

WAHYU 8:3

A'nogo werek kwelek, malaikat hunogoat mene ekhe nen, lemesak emas meneba hilingik engge waluk he, yi mene ti mene Allah faget noletarek oba wagasik mendek welaga. A'nogo were'ma, Allah nen he, at againafuri mondogaren samban agarek mene inane inom, kemenyan inom, inomat nolesuageluk, kemenyan hokhorogo wogetemo, yi mene ti mene Allah noletarek oba andi, ebe at kain welagarek oba obuluk a'nogo elokhoma were'ma fei lagunem yethigi.