IBRANI 9:3 - Allah Wene Fano Wene Hupla Inane

³ Nen, o hulu ti'mo suba huli warek andi enu re, o hulu mondok ebe wesama u hak, Allah onggwarek awi ikhi lagaukwa.

IBRANI 9:3 ပူးပေါင်းရင်းမြစ်များ

1RAJA-RAJA 6:16

Nen, o andi elonggoma nen, o ebe ambol fikhit andoma re ambe ekhe e laik hangge meneba hulirogo ohulumo nen he tum palek huli wutikhe. O senggelek andi enu re Obalik Mondok Hore'ma, ebere elonggo hilingik higithogo 9 meter hangge wutikhe.

1RAJA-RAJA 8:6

A'nogo arat warogo fisasukwasigen he, it ap Allah eisewerek mene omanogo nen he, Peti a'nogo O Senggelek Mondok Hore'ma, Allah onggwarek awi hulumo a'nogo waluk kwisukwasik, obuluk hilingik oba kerub inalik hilingik omanogo inogolabi a'ma fesukwa.

2 TAWARIKH 3:14

O Senggelek Mondok Hore'ma a'nogo faget he kain porogo pelafu mene kain linen meneba, eil mep mene inom, ungu meneba inom, enggen eil hak meneba inom, igisogo fesukwa. A'nogo itukwasik he kain a'nogo ebene alilingge re kerub ilirenggerogo hilingfilik lagaukwa.

KELUARAN 40:21

A'nogo kelfesikhesik, Tuhan nen, ”Yi'nogo hilingi'no,” iluk yagatikhe higithogo, peti andi o Allah awi su mene wutikheba a'nogo elonggoma fesikhesik, laberogo su kain mene hulirogo kologo pelabi wagaikhe.

KELUARAN 40:3

A'nogo wutfembik Wene Warek 10 nen a'nogo Peti elema kwalegengge O Sabu wuri'mo kwelakfeino, a'nogo kwelakfembik he kain wurilik mene elokhoma kologo feino.

YESAYA 25:7

Punu andiba nen he yi afuni ti afuni inunggulenu lombok inendawimo heiselhunem sebelinarek werek mene a'nogo ohena hakhogo waganogo lakfisagain.

YEHEZKIEL 41:4

A'nogo nen aren o senggelek andi elonggo ilirengge walhikhe mene re, wurik menere unggut enggaminogo hilingi'mo, uan fikhit inom horok fikhit inom amu-amu re higithogo nek sepuluh meter en hilingik welaga. A'nogo hilingfikhesik aren an yaganeti logolik, ”Obalik Mondok Horek oba a'nogo re yi o,” iluk yaganete.

BILANGAN 4:5

Tuhan nen wene melalek yi Musa wogetikhe: O inawi sabu omanogo meisalugun mene horok agu halok he, at Harun inom, againafuri inom he Tuhan Awi Sabu a'nogo elonggoma kwi laluk, su Peti Wene Warek kwalegengge a'nogo elokhoma nen korokhogo pelabi we'luk he su kain andiba re Peti andi salfikhi logogun.

MATIUS 27:51

Wa'lagunem, Allah awi wuri'mo su kain mene o senggelek ti'mokwe palek welagaikhe mene a'nogo tulem heirogo pelangerik pi wagik, lugul langethigik, helep heirogo kagalagik, isikhemo re,

IBRANI 6:19

Aren he, ”Fanothinabigin,” iluk isikhe andi lek asigin lek. ”Ebe asigin,” iluk anggikhi lago mene halok, e so i nen waluk lanogoluk ninghogo yakfuluk welagaikharek andi hak, ninendawinggen pogoroba o senggelek hulu ti'mo meneba Allah were'ma andoma tibetfembik hambukhogo logouwogo.

IBRANI 9:7

A'nogo kwikhi lagaukwa meneat he, o senggelek ti'mo mene andi nek he, at Allah eisewerek inoe kain mene andi nek onggwarek weak hilingiti lagaikhe mene faget inom, againafuri Israel mene inobabut hebele'lek nong-hongsek weak hilingiti lagaukwa mene faget inom, inanggo warogo amep waluk, o mo lagagik, pigik, ugu kwelek tahun ebe lombok enggi misik faget kwikhi lagaikhe.

IBRANI 9:8

A'nogo hilingiti logogun iluk wene komorogo welagaikhe andi oba lirogo, nit furogo futfouwageluk Allah Areagun en, mel yaganisikherek: ”O hulu kweba senggelek andi werek kwelek, Allah onggwarek awi ebe mene kwe huti'lek yagarek welagaikhe,” iluk yaganisili'logo.