IBRANI 9:16 - Allah Wene Fano Wene Hupla Inane

^16-17 Ap ekhe nen, ”An naminingengge yi'nogo sumburogo a'no,” iluk ikherek mene ebe eluk werek kwelek, aminingengge agaikharek fuk. We, at ebe wa'laga halogat, ”At arat wa'laga,” iluk sele'ma ugu halogat, aminingengge it ekhe agaikharego.

IBRANI 9:16 ပူးပေါင်းရင်းမြစ်များ

ROMA 5:12

Wene andi re, mel hangge. Ap misigat mene weak hilingitikhemo re, weak ero at oba nen afuni mondogat weak ninoba agaikhe. A'nogo ninoba agaikhemo re, ninebe mondogat weak hilingirik wagunem, wurep oba re, ninebe mondogat wa'larik wagorek andi.

ROMA 6:23

Weak hilingitarek andi onggo re, wa'lagaikharek andi. Nen, ninoe Enupogot Yesus Kristus ninom hundik were'ma re, Allah obabut fano nen onggo legat nineluk mondok logouwageluk hilingninaferek andi.

1 KORINTUS 15:22

At Adam ninom hundik logolik he, ninebe mondogat wa'lagorek andi hak, nit Kristus ninom hundik were'ma re, Allah nen ninebe mondogat nineluget ninabigin aro.

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

IBRANI 9:15

Andi nen he, wene warogo attak wo'ninafikhe mene andiba logolik, nit komore'lek weak hilingiti lagagu andiba ninebe hele warek hangge welagagu. A'nogo were'ma, at Allah nen Kristus wa'lagaikhe andiba hele fikhalninafikhesik he, nit aren wolnisasikhe mene halok ninom hune'luk, fano mene etok mondok logogin mene wo'nisageluk, wene ket mene warogo wo'ninafikhesik, Kristus ebe hulisanem menfesikhe.

YAKOBUS 2:10

Hit ekhe wene Allah nen komotninafikhe wene a'nogo mondogat fisogo logoligat he, misigat ekhe sagalogo hebisegep halok, ”Wene andi mondogat sagalogo hebisaga o,” iluk, eberogoat wene hinoba agama werego.