IBRANI 9:15 - Allah Wene Fano Wene Hupla Inane

¹⁵ Andi nen he, wene warogo attak wo'ninafikhe mene andiba logolik, nit komore'lek weak hilingiti lagagu andiba ninebe hele warek hangge welagagu. A'nogo were'ma, at Allah nen Kristus wa'lagaikhe andiba hele fikhalninafikhesik he, nit aren wolnisasikhe mene halok ninom hune'luk, fano mene etok mondok logogin mene wo'nisageluk, wene ket mene warogo wo'ninafikhesik, Kristus ebe hulisanem menfesikhe.

IBRANI 9:15 ပူးပေါင်းရင်းမြစ်များ

MAZMUR 37:18

Tuhan nen he, afuni at ane hologo hilingiri'lagwi mene andi inebe ferinarek were'ma re, it inonggwarek inalolegengge mene andi mondok-mondok eise asimbik logogun.

DANIEL 9:26

A'nogo 62 kali 7 tahun logombik, ap Allah nen wenagaisogo menfagain mene andi weak hilingiti'lek meneat ebe wasugun. A'nogo wasumo, ap enupogot omame hokho mene agoromi tentara mene nen o kota Yerusalem inom, Allah awi wurik andi inom, meisalogo mondok leget fisagain. A'nogo logogun andem oba elugun kobokhogo re, Allah nen isikhe higithogoat, i fu nen yi mene ti mene waluk lagarek andi hak, weim yafik, yi mene ti mene mondok weaget figik, ugun.

MATIUS 19:29

Halok he, an nenu hokho asuageluk sa nen awi wurik inom, oe agot inom, erugwi inom, eisena agaisa inom, againafuri inom, eabu siok inom, herakfisaluk waga halok he, obali'mo Allah nen onggo ebe mene mondok hokhorogo wogetik, nabulal-habulal wogetik, igin o.

MATIUS 22:3

Isati logolik afuni inayonggo fesikhe mene na wesuageluk, at amingmingengge mene ekhe mel yagaisasikhe: Afuni inayonggo figi omanogo wesuagen woginabi lani o, iluk, yagaisasikhe meneat he, it inayonggo fesikhe mene andi inabiren wagi'lek kamo isukwa.

MATIUS 25:34

A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,

MARKUS 10:17

Wene a'nogo yagaisaluk he, at Yesus o andoma nen kwe pikhit lageluk lagunem, ap ekhe fungusegat oba wagaikhe. Wagaikhesik eindep awi yagaisogo awe a'ma hu'lasi wagaikhesik he, mel yagatikhe: ”Guru noe. Wene yaganisikhi lagen andi, hat fano o. An nabulal-habulal hilingnabuagen he, an nobabut ninggi'nogo hilingiti logogin,” iluk yagatikhemo,

LUKAS 18:18

A'nogo yagaisikhi lagaikhemo re, it ap Yahudi mene inoe kain ekhe nen Yesus mel yagatikhe: ”Noe. Hat guru fano mene logolik wene yaganisikhi lagen andi, mondok fano o. An nabulal-habulal eise asigen he, an nobabut ninggi'nogo hilingiti logogin,” iluk yagatikhemo,

LUKAS 22:20

arat nasukwama nen he, iwak enggen amusu hinago a'nogoat wogisikhi logolik he, ”Yi re, an namep aro. Allah nen wene ket mene warogo wokhinabigin, isikhe a'nogo afuni hokhorogoat faget namep wulagaisogo noasugun andiba, ebe asigin o,” iluk sumburogo wogisasikhesik he, mel yagaisasikhe.]

YOHANES 10:28

Nombo'ne nugu kwelek, it ineluk mondok logouwageluk inelugerinafi logogin andi nen he, it inebe wa'lasimbik nong asugun lego. It an nenggiba werek kwelek, it ap ekhe nen telogo woginabumo elo'lego.

KISAH PARA RASUL 20:32

Wene Allah obabut fano nen wo'ninaferek wene andi hinenggi ninghogo fisogo logobagaigeluk, yagahisigi. Yogondak he, at Allah omame werek mene nen, wene andiba hinendawinggen wurigethinafik, yi mene ti mene at againafuri wogisageluk fisasikhe mene wokhisigik, elok hilingisigin mene enggiba hinobagagi o.

ROMA 5:10

Nit attak he, Allah ninom weim palek were'ma re, hobuk at amlogo wa'laga logolik, Allah ninom lambukhogo ninobagaikhemo welago. A'nogo were'ma, at ebe eluk logolik he, telninabigin lek nogo? Attak telninabu lek mene telninafikhesik he, yogondak ninom hundik logolik telninabigin aro.

ROMA 5:6

Nit he, Allah ebe herakfisaluk yatma'at asi lagagusik, ninebe lebelek were'ma, at Allah nen he, ”It a'nogo werek andi faget, Kristus yi sambul wa'lasigin,” iluk anggasikheba higithogoat At ebe watukwama wa'lagaikhe andi.

ROMA 5:8

A'nogo meneat he, at Allah ninebe endawi nen hilingiterek andi enegat asuageluk, nit weak hilingitu were'ma, Kristus ebe wo'nisasikhemo ninobali'mo wa'lagaikhe andi.

ROMA 6:23

Weak hilingitarek andi onggo re, wa'lagaikharek andi. Nen, ninoe Enupogot Yesus Kristus ninom hundik were'ma re, Allah obabut fano nen onggo legat nineluk mondok logouwageluk hilingninaferek andi.

ROMA 8:28

At Allah endawimo anggaluk nit ninayonggo fesikhesik, nit at ebe ninendawi welago mene halok, at ninom logolik, yi mene ti mene fano asuageluk, hilingnisili'logo ninelu o.

ROMA 8:30

Attagat Allah nen ninebe wena'ninafikhe mene halok, ninayonggo fesikhe. A'nogo ninayonggo fesikhe mene halok, wene ninoba mene korogo wokhaluk, hobuk ninom ninambotkwe hunogo ninobagaikhemo welago. Ninebe a'nogo hunogo ninobagaikhe mene halok, at ebe fogeratu mondok welagaikharek mene andi hangge asuageluk wo'ninafikhe.

ROMA 9:24

A'nogo anggikherek mene andi, nit afuni Yahudi mene nek wena'ninafikhesik ninayonggo fesikhe fuk. It endakwe mene ninomat wena'ninafikhesik inayonggo fesikhe aro.

2 KORINTUS 3:6

Allah nen wene ket mene ninoba watikhe andi, niren waluk loageluk, arenat ninomamet ninafikhemo elok waluk logoin welago. Wene attak komorinafikhe mene lisu palogo fesukwa higithogo hilingiti'lek halok, andiba inebe inoaterek. Meneat he, Allah Areagun en inelugerinaferek andi nen, nit wene attak lisu palek mene waluk lagi'lek, we, at Areagun en yaganisili'logo mene waluk laga lago andi.

GALATIA 3:20

Afuni pire minggilogo huli warek were'ma re, ap ekhe hulisanem logogun aro. A'nogo meneat he, At Allah onggwaregen pikhit wene abok yaganisikherek andi nen he, At alegaren wene onggo lek yaganisikherek andi.

EFESUS 1:7

A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.

2 TESALONIKA 2:14

Ninoe Enupogot Yesus Kristus fogeratu mondok welagaikharek hak, hit a'nogo hinom fogethinabuageluk, Allah nen fano wene niren yagahisa wagagu andiba hinayonggo fesikhemo welagep.

1 TIMOTIUS 2:5

Allah ebe misigaro. Nen, Allah ninom nit afuni ninom hulisanem logolik lambulninabi'logo mene ap ebe Yesus Kristus andi misigaro.

2 TIMOTIUS 2:10

Andi nen he, it afuni ekhe Allah nen wenaginafikhe mene halok, Kristus Yesus inom hunisumo inebe telinafik, ineluk fano mondok logouwageluk fanorinafik, uageluk he an a'nogoat weagetnafu kwelek nafe morogo welagirek andi.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

TITUS 3:7

At Yesus obabut fano nen wene ninoba mene korogo wokhaluk, Allah ninom ninambotkwe hunogo ninobagasikhemo, nit ninendawimo nen he, ”Nineluk mondok logoguno,” iluk anggikhi lago andi higithogo eiseweregat asuageluk Allah Areagun wo'nisasikhe iluk,

IBRANI 10:34

it ekhe hele warogo kwelakfisugunem hinendawirinafik, ikhi lagagip andi. A'nogo hilingiti logolik hinendawimo nen he, ”Nit mene ningsek fano mondok logogin mene werego,” iluk anggikhi logolik he, hit mene yi mene ti mene helugunem hinendawimo weak agi'lek hinagaiyek anggikhi lagagip andi.

IBRANI 10:36

Hiren Allah endawimo amolo anggikherek mene hilingitunem, aren, ”Hit wokhisagain,” iluk abok yagahisasikhe mene andi wanubagaigen he, hinafe morogo hilingiti logoino.

IBRANI 11:13

It afuni inenu ilik waga lagi andi mondogaren, ”At Allah eberogoat,” iluk inendawinggen at oba himbiret fuluk welagaukwa andiba, Allah nen abok yagaisasikhe andi ebe wanhi'lek meneat he, afuni nen yi mene ti mene yatma were'ma ineilenggen yethaluk, inendawimo inagaiyek anggagarek andi hak, it inendawinggen oba nen, ”Eberogoat wanugun mene werego, iluk anggikhi lago andi nen, kweangma yoma it ekhe mene inawilokwe pugulogo laluk ap pok hak welago,” iluk fakhogo ikhi logolik inebe wa'larik lagaukwa.

IBRANI 12:24

Yogondak Allah nen nit ninom hunesuogeluk wene ket mene warogo wo'ninafikhesik, Yesus ebe wo'nisasikhemo hulisanem werek andi inom were'ma wagebo. Andi re, Habel oe nen watikhemo amep wene weak mene hilinglagaikhe mene andi oba wagep fuk. We, Yesus ebe watukwama amep oba legeisogo figik warogo fano wene hilinglagaikhe mene oba wagebo.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

IBRANI 2:14

Aren he, ”Afuni andi an nagainafuri,” iluk isikhe andi re, nit afuni wa'lagorek mene faget isikhe andi nen he, at ebe wa'laga logolik, nit afuni wa'lagorek mene ero at Iblis enggiba welagarek mene andi, at Yesus nen at Iblis ebe mabenet fisigik,

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

IBRANI 6:13

At Allah nen he, Abraham yagati logolik, ”Hat hobuk yi'nogo hilinghabigin,” iluk abok yagati logolik: ”Hat hebe fani-fanorogo hilinghafik, hagainafuri nen tagongge mene mondok hokhorogo sik-pikhogo wokhetik, igin o,” iluk, ap hunogoat mene enupogot le'ma re, Allah onggwarek enuba hombuk palogo yagatikhe.

IBRANI 6:15

A'nogo yagatikhemo, Abraham endawimo puk agi'lek nenangorogo welagaikhe andiba, wene abok yagatikhe mene andi, arat ebe agaikhe andi.

IBRANI 7:22

Allah nen, ”Yi'nogo katokhogo fano hilinghinabigin,” iluk wene ket mene warogo wo'ninafikhe andi, ebe asigin iluk at Yesus ebeat menfuluk wo'nisasikhe andi aro.

IBRANI 8:13

Aren, ”Wene ket mene warogo woginabigin,” iluk isikhe andi re, wene fageat mene legetfeigeluk isikhe. Yi mene ti mene fageat mene eil weak agunem weak-weak herakfisagarek andi hak, wene attak mene legetfeigeluk isikhe andi.

IBRANI 9:16

Ap ekhe nen, ”An naminingengge yi'nogo sumburogo a'no,” iluk ikherek mene ebe eluk werek kwelek, aminingengge agaikharek fuk. We, at ebe wa'laga halogat, ”At arat wa'laga,” iluk sele'ma ugu halogat, aminingengge it ekhe agaikharego.

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.

YAKOBUS 1:12

Hit ekhe Iblis nen hinendawimo kagaligeluk yi enggin ti enggin hinoba fugu kwelek, hinafe morogo logogun halok, hinendawimo hinagaiyekhogo logoguno. A'nogo hinafe morogo logogun halok, Allah nen he, ”An nebe hinendawi mene halok hineluk mondok logogun mene wokhisagain o,” iluk, abok yaganisasikhe a'nogo hit hinobabut palogo nenat wokhisagain o.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.

1 YOHANES 2:25

Nen, at onggwaregen, ”Wokhisagain,” iluk abok yaganisasikhe a'nogo re, ninebe nabulal-habulal hilingninabigeluk isikhe o.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.