IBRANI 9:1 - Allah Wene Fano Wene Hupla Inane

¹ Attak he, Allah nen wene warogo againafuri woginafikhe wene andi higithogo, iren at endawimo fanorogo hilingiti logouwageluk yagaisasikhemo. ”Yi'nogo hilingiti logogun, ti'nogo hilingiti logogun,” iluk wene inelu welagaukwa. Nen, o su mene elama faget hilingiti logogun oba afuni nen wutukwama welagaikheat.

IBRANI 9:1 ပူးပေါင်းရင်းမြစ်များ

KELUARAN 25:8

An nebe nagainafuri andi inanggele'ma andoma logogin nen he, iren An nobaget O Sabu fano hore'ma ekhe wusuakhogo yagaisan.

YEHEZKIEL 43:11

Nen, it inobabut hilingiti lagaukwa mene andoma ambisangma inenggali mondogat hili'lagunem enek he, An naiba ari wusugun mene faget yi'nogo wusugun iluk it inoba fakhogo yagaisano. Andi re, o ebe obabut hilingik mene inom, ebekhe ambe palekwe wilifik kwigik ugukwe inom, o ebe sap palogo wusugun mene inom, awene melalek inom yi'nogo ti'nogo iluk werek aple inom andoma faget yagaisano. Andoma mondogat palfoumo re iren ineilenggen higik, yi'nogo ti'nogo halhu mene faget fut figik, wene melalek werek mene andoma hologo hilingitik, ugun.

IMAMAT 18:30

Arigini'mo Tuhan nen ikhi logolik, ”Afuni Kanaan mene nen hit o andoma oan kwigi'le'ma hilingiti lagaukwa hakhogo hilingiti logogun lek. Hit he hinonggwaregen hinobabut ariginik mene andi hilingisugun oba emerogo fakhegep hanogore, An nen wene melalek yagahisikhi lagi mene yi fifurogo hilingiti logoni, iluk An hineisena Tuhan Allah nen igi o, iluk ikhe yagaisan,” iluk yagatikhe.

IMAMAT 22:9

Hineisena Tuhan nebe Anaro, nen it andi re An nonggwarek faget enogo fakhasigimo re, it imam mondogaren he An nen wene melalek enogo fuluk yi'nogo hilingiti logogun iluk yagaisikhi lagi mene andi futfuluk hilingiti logouwak. Nen, iren a'nogo hilingiti'lek An Tuhan nawene melalek mondok horek mene andi sagalogo fogoin halok he, inebe wa'lasugun.

BILANGAN 9:12

Nogoin engge andoma mene ekhe tindelogo fogoin mene re o hubasimbik wei igin hanogo, nen wam warogo An wo'nesugun mene andoma oak misik iluk ogo ekhe sombosugun lek. Seni Paskah andi fogerati logolik he, wene melalek werek mene higithogo nek hilingi'no.

LUKAS 1:6

At agwe emberek andi re, nineisena Tuhan nen he, ”Yi'nogo hilingi'no, ti'nogo hilingi'no,” iluk, yaganisigik, komotninafik, isikhe mene a'nogo, mondok higithogoat hilingiti lagaukwama re, at Allah nen he, ”It andi inobabut fano mondok,” iluk, enegat eilenggen isikhi lagaikhe.

ROMA 9:4

It afuni Israel mene, eberogoat Allah nen wenaginafikhe mene andi nen he, at againafuri asuageluk woginafik, at Ebe fogeratarek mene andi irat yagaisigik, wene warogo irat woginafik, wene komotninafikhe wene a'nogo irat wogisigik, ”An yi'nogo fogetnafi logoino,” iluk irat yagaisigik, ”Hobuk yi'nogo hilinghinabigin,” iluk abok irat yagaisigik, isikhe andi.

KOLOSE 2:8

A'nogo ugu were'ma, afuni ekhe inendawimo wenggelek mene hak, wene we mene ineranhogoat yagahisikhi logolik, lalhinabinogo iluk he, hinobabut hebelogo logoino o. Wene andi re, Kristus nen isikhe mene higithogo ili'lagwi fuk. We, afuni ta'larik-ta'larik wagu kwelek, inombalagen he: ”O yoma yi mene ti mene himbirengge re, munggwarengge inobabut weak mene andi aro,” iluk ikhi lagaukwa mene higithogoat lalhinabi'lagwi andi.

IBRANI 8:13

Aren, ”Wene ket mene warogo woginabigin,” iluk isikhe andi re, wene fageat mene legetfeigeluk isikhe. Yi mene ti mene fageat mene eil weak agunem weak-weak herakfisagarek andi hak, wene attak mene legetfeigeluk isikhe andi.

IBRANI 8:2

A'nogo werek andi, Allah awi su mene afuni nen elama faget wutukwaba werek fuk. Lego. We, Allah onggwarek awi ebe mene wutikheba andoma logolik nit faget hilingiterego.

IBRANI 8:7

Wene attak Allah nen, ”Fano hilinghinabigin,” iluk wene warogo wo'ninafikhe andiba higira'le'ma re, wene andi obali'mo, ”Fanothinabigin,” iluk hobuk ilep legaro.

IBRANI 9:24

at Kristus o Allah onggwarek awi iluk afuni nen oba lirogo wutukwaba andi kwisikhe fuk. Lego. We, pogot ebeba kwisikhesik Allah were'ma andoma nit faget werego.