IBRANI 7:5 - Allah Wene Fano Wene Hupla Inane

⁵ Nit afuni Israel mene wene Allah nen komotninafikhe wene a'nogoba yaganisikhi logolik, ekhe mel isikhe: ”Yi mene ti mene inenggi wenagaisogo fenakwe minggilogo 10 ba lagai wesigin mene an nobagagunem he, ap an eisewerek it Lewi nen tagongge mene nek wanhi logouwago,” iluk komorinafikhemo lisu palek werek. It inebe misigat mene ap Abraham en tagongge mene inerugwi inagaila'lagenat fugunem wanhi logouwago, iluk isikhe andi.

IBRANI 7:5 ပူးပေါင်းရင်းမြစ်များ

KEJADIAN 35:11

Salhikhesik Allah nen ekhe inom yagati logolik, ”Hat hagainafuri hombawi inom hokhorogo taginafi logogun. Haren taginafigin mene inoba nen afuni inunggulenu hokhorogo asugun, nen, ap raja-raja inomba re hat asigin, iluk An Allah Nalong Welagirek Mene a'nogo nen yagaheti.

KEJADIAN 46:26

At Yakub en tagongge mene woginarek o Mesir lagaikhe andi inebe mondogat he, 66 en. Mene re, at againafuri inagagwi inenggi wenati'lek.

1RAJA-RAJA 8:19

Oba nen he haren wusigin lego. We hat hamlogo tasigin mene nen An nawi andi wusigin o, iluk wene waretikhe.

NEHEMIA 13:10

A'nogo hilingitigisik were'ma nen he, it ap Lewi inap inom, it musik hilingitarek inap inom, afuni nen it nunggu mene faget wogisa wagu legen he, o Yerusalem herakfuluk it ineabu lombok lagaukwasik andoma were'ma isasigi.

KELUARAN 1:5

At Yusuf attak o Mesir lagaikhesik were'ma, at Yakub againafuri inom inebe mondogat he 70 nen hobuk lagaukwa.

KELUARAN 28:1

Wene ekhe yagati logolik he, ”Hat hoe Harun inom at againafuri Nadab Abihu inom, Eleazar Itamar inom wolisaluk he, iren An neilhanem hilingitu mene imam logolik an nobaget yabu hilingiti logouwageluk inamu penogo fisagain.

BILANGAN 18:7

Oba nen he yabu mezbah oba andoma hilingitu mene inom, nen O Senggelek Mondok Hore'ma a'nogoba werek mene faget inom he, we hat inom it hagainafuri hinomen enek yabu imam mene andi logolik hilingiti logogun. An nen hat hoba yabu imam mene andi hilingiti logouwageluk hobagasigimo re, haren eiserogo logolik hilingiti logogin mene re andi. Afuni it andi inoba andoma hilingiti logouwageluk werek lek mene oba nen yi mene ti mene mondok horek mene andiba horokhogo asi lagu halok he wene inoba fuluk pinggi inoati logoino.” iluk yagaisasikhe.

ULANGAN 26:12

Tahun hit hinenggi wenati lagep mene a'nogo wenati logolik, tahun henaganek meneba, yi mene ti mene enggen palhik, tatik, ugun mene andi hinenggi wenagaisogo 10 ba asi laga halok, 9 nen hit aga logolik, ekhe misik 10 mene andi re nineisena Tuhan faget fisaluk he, ap Allah eisewerek mene inunggulenu Lewi mene inom, ap pok mene inom, yenggerugwi suarek mene inom, hemi sogwe mene inom, wogisikhi logoino. A'nogo wogisikhi logogun halok, hit hinawi kota logogun oba andoma mondogat it andi nen, Ninamburu yi mene ninamolo e, iluk anggogoin mene andi re, elogat helambik ninggi logogun o. A'nogo arat hilingitep halok he,

IBRANI 5:4

It a'nogo hilingiti logouwogeluk, ”An nebe Allah eisewerek kain logogin,” iluk inonggwaregen menfakhagarek lego. We, at Allah nenat, ap Harun ayonggo fesikhemo menfesukwa andi hak, Allah nen inayonggo fugu halogat menfisagarek.