IBRANI 7:25 - Allah Wene Fano Wene Hupla Inane

²⁵ A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

IBRANI 7:25 ပူးပေါင်းရင်းမြစ်များ

AYUB 22:17

It ap ariginik mene andi re At Allah Omame Mondok Hokho mene a'nogo ninabiro, iluk kofologo herakfuluk logolik iren ikhi logolik he, ”At Allah nen nit ninoba yi'nogo ti'nogo ekhe hilingninobagau lek hak,” iluk anggikhi logolik hilingiri'lagwi.

AYUB 23:3

We an At Allah ebe werek oba andoma nelu logoilepma nen he, an lelesik At ninom ambi asu mene agwi.

YESAYA 45:22

Hit afuni mondogat kweangma welagep mene yoma sani! Hineisena Allah re An namuat welagi, amu mene ekhe werek lek, andi nen he hit hinagap telasubagaigen An noba sugulogo waga logoni o.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

YESAYA 53:12

At onggwarek endawinggen nenat, nebe noasuak, iluk anggasikhesik, ebe afuni weak hilingitarek mene ninom misi'mo inenggi wena'ninabuak iluk anggikhe. Aren afuni hokhorogo inaweak hatesik, inaweak legetfisoageluk inobaget samban ili'logo. Andiba re aren hilingite onggo An nen yi afuni ti afuni hokhorogo at enggiba wogetik, at ebe ap kain enu werek hilingisogo figik, igin o,” iluk ikhe isikhe.

YESAYA 59:16

It ekhe nen menlasi we'luk inebikhit agaikharek mene a'nogo, ekhe werek le'ma hikhesik he Tuhan oba fogikhe. Andiba re At onggwarek omameba re it inagap telinafik, inalonget fisigik, ikhe.

YESAYA 63:1

Ap ekhe kagalek welagaikhe mene ane re yi'nogo isikhe ”Ap ekhe asu eil mep mene laberogore, ebene asungge lik loukhogo liagaisogo oba mondok along palonghogo o Edom fikhiren o Bosra wesigiluk weri'logo andi re sa nogo?” iluk heinok ugunem he, Tuhan nen onggo ikhi logolik, ”An he hineisena Tuhan, hinebe telhinabigin mene a'nogo nen, Wene fano wene waluk wagi o,” iluk ikhe. A'nogo ugunem hobuk ap kagalek welagaikhe mene a'nogo nen heinok wokhikhi logolik,

YEREMIA 3:22

Yago hit mondogat Tuhan herakfisasigip mene yoma sani, hinambotkwe sugulogo we'ni o! Aren hit higithinafik, hit hinebe tiphogo hilingiti logobagaigeluk hilinghinobagagik igin werego. Hiren ikhi logolik, ”Yogo o yogondak he At andi nit nineisena Allah hilingi'mo re nit At ambit waga lago.

DANIEL 3:15

Eberogoat halok, yogondak pinggong omanogo anethugu kwelek an nen tugwi kembu wuti mene andi hineindep awi yagaisogo sagaum iluk fogerasugun a? Hinabira? Hinabit halok he, an nen hit hinebe endu amulok wabunak nunggunem hambokhogo kwelakhinobagaumo re kembu ningginik mene nen an nenggim engge andi elok telhinabu hak anggegep? Mondok elo'lego,” iluk yagaisasikhe.

DANIEL 3:17

Ma re, haren ninebe endu amulok wabunak nunggunem andi kwelakninobagegen halok, nit nineisena Allah fogeratorek mene andi nen, hat homameba endumo kwelakninobagagunem, Aren elok telninabigin aro.

DANIEL 3:29

Andi halok, afuni nen, Nineisena ebe yi aro, iluk agarek mene ekhe Allah nen it telinafe andi hangge ekhe hilingitarek mondok lek andi nen he, hit afuni hinunggulenu lombok, hineisok erokwe lombok, hinane lombok, ekhe nen he, Sadrakh, Mesakh, Abednego, ineisena Allah it fogeratarek mene andi faget weak iluk abok weak ugu halok, inebe libik-labakhogo inoasimbik, inawi wurik mondok meisa'-lambukhogo potfisogoin o, iluk an nebe nenat wene wulafi andi,” iluk yagaisasikhe.

DANIEL 6:20

A'nogo eluk welagaikhesik, o healhu kwelek aremnogo, at raja ebe siakhogo menlagaikhesik he, weak-weak pogolema singa werek oba a'nogo lagaikhe.

DANIEL 9:16

Neisena. Haren attagat hendawirogo telninafi lagagin andi hak, yogondak ha'mage lagaluk, o kota Yerusalem inom, honggwarek handom oba inom, weaget fesigin andi hendawimo fano a'no o, neisena. Nit ninebe nen inom, ninombalagen inom, ninobabut weak hilingitik, kwanirogo hilingitik, ogorek andiba, afuni ninera'lukwe welagaikharek mene nen he, nit hagainafuri inendawimo seramet ninobagagik, nen, o kota Yerusalem inendawimo seramet figik, ili'lagwi o, neisena.

YOHANES 14:13

Nen at sa nen, yi mene ti mene an nenu hombuk palogo Allah kino yagate halok he, an amlogo nen hilingitunem, it afuni nen neisena fogerasuageluk, an nen hilingisigin o.

YOHANES 14:16

A'nogo hilingitunem, hit lebethisikhi logolik, hinom mondok logobagaigen iluk, an nen neisena kino yagasumo, aren ap ekhe pelakhisa wesigin o. At andi ebe re, Allah Areagun ebe wene yagahisikhi logogin mene. A'nogo hinoba pelakhisa wesumo, it afuni kweangma mene nen, at andi ebe inonggorat. Nen, ebe ineilenggen hogoin legat, andi nen he, ebe wanugun elo'lego. A'nogo meneat he, hit enek he, at ebe hinom logolik, hinendawimo mondok logogin andi nen he, at ebe hinelu logogun o.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

ROMA 5:10

Nit attak he, Allah ninom weim palek were'ma re, hobuk at amlogo wa'laga logolik, Allah ninom lambukhogo ninobagaikhemo welago. A'nogo were'ma, at ebe eluk logolik he, telninabigin lek nogo? Attak telninabu lek mene telninafikhesik he, yogondak ninom hundik logolik telninabigin aro.

ROMA 5:2

Nit ninendawinggen Yesus oba himbiret fesugu andibaat, at Allah obabut fano nen fanotninaferek mene andi awe a'ma ninobagaikhe andiba himbiret fuluk welago. Logolik, Allah fogeratu mondok welagaikharek andi hak, nit a'nogoat fogetninabigin o, iluk ninendawimo ninagaiyegeti lago.

ROMA 8:34

Nen, wene ninoba fembik he, sa nen weagetninabigin nogo. At Kristus Yesus wa'lagaikhemo Allah nen eluget fesikhemo re, pogoroba lagasikhesik, at era'lu enggi ebekwe kain logolik he, nit faget Allah ayonggo fugu werek.

1 KORINTUS 1:21

At Allah endawimo mondok kagalek andi nen he, mel isikhe: ”Afuni kweangma mene nen, inonggwarek inawene kagalogo agarek andi nen he, an nebe inelu asugun elo'lego. We, it ekhe nen wene ebe wene yagaisilik nugunem, it afuni kweangma mene nen anggikhi logolik he, Wene andi afuni kembu mene nen agarek hangge ili'lagwi, iluk ugu kwelegat he, it ekhe nen, wene andi eberogoat, iluk anggogoin mene halok he, an nen telinabigin aro,” iluk oba liok isikhesik onggwaregenat isikhe.

EFESUS 3:12

Nit ninendawinggen at oba eberogoat himbiret fuluk, at ninom hundik logolik, ninailo lekhogo ninendawinggen hambukhogo Allah oba kugun andi.

EFESUS 3:20

At Allah at fogerati logouwok. At ebe ninendawimo logolik omamerogo hilingninaferek andi re, mondok hokho andi nen he, niren ninendawimo ebetik, kino yagatik, ogorek mene higithogo hilingiti'lek, aren he ekhe inom mangorogo hilingninobagaikherek andi.

FILIPI 3:21

Andi ebe wesimbik he, nit ninebe ninomame lek logolik, ninagap fili agarek mene yi herakfisaluk obali'mo re at onggwarek agap hak fogeratarek mene a'nogo nirogo a'nogoat ninagap ket mene hilingninobagagin. At omameba yi mene ti mene mondogat at awe a'ma fisagain andi nen he, at ebe fogeratarek hak, nit ninebe fogetninabugun mene hilingisogo ninobagagino.

1 TIMOTIUS 2:5

Allah ebe misigaro. Nen, Allah ninom nit afuni ninom hulisanem logolik lambulninabi'logo mene ap ebe Yesus Kristus andi misigaro.

2 TIMOTIUS 1:12

A'nogo laknobagai wagaikhemo nikhi lagi andi nen, afuni nen yi enggin ti enggin hilingnafu kwelegat he, nendawinggen sa oba himbirik welagi, iluk nelu andi nen nenggali agi'lek, nendawimo hambukhogo welagi. Aren he, ”An mene yi fetnarek logoino. Fetnarek were'ma, huli an nebeat wesigin o,” iluk, noba fesikhesik nayonggo fesikhe mene andi, onggwarek omameba elok fetnarek logogin o, iluk nendawimo futfikhi lagi.

IBRANI 11:6

Afuni inendawinggen Allah oba himbiret figi'lek halok he, at endawimo fanorogo hilingisugun mondok elo'lego. Nen, at oba wesuogeluk halok, iren he, ”Allah eberogoat werek,” iluk anggigik, ”At ebe inelu asuogeluk hilingisugun halok, aren onggo ebe mene wogisikheregat,” iluk anggigik, ugun andi.

IBRANI 13:15

Andi nen he, at Yesus ninom hundik logolik, niren he, ”Allah neisena,” iluk wam warogo at faget wogeti logou hak, hundik-handik ninambeba Allah enu hokhorogo fogeratu mondok logouwogo.

IBRANI 2:18

A'nogo wanhikhemo re, at weak hilingisuageluk endawimo kagalhunem, yi enggin ti enggin arat hasikhemo andi nen he, nit afuni weak hilingisuageluk ninendawimo kagaligeluk wagunem, aren elogat lebetnisagain werego.

IBRANI 2:9

Meneat he, at Yesus enek he, arat kain menfesikhemo werek hikhi lago. Allah obabut fano nen, Yesus afuni mondogat faget wa'lasuageluk malaikat inenuwerek esin hangge werek kwelek, at enu lek hangge hilingisogo fesikhemo, ebe yi enggin ti enggin hilik-hilik wa'lagaikhe andiba, Allah nen at enuwerek kain menfesikhemo werek andi.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

IBRANI 7:16

At andi, Allah eisewerek menlagaikhesik werek andi re, afuni nen, ”Ap inunggulenu yi mene menfisagaresi'mo re, andi meneat fano logouwak,” iluk menfisagarek andi hak, menfesikhemo werek fuk. Lego. We, at faget wene yi'nogo lisu palek werek. Allah nen he, ”Ap Melkisedek an eisewerek welagaikhe andi hak, hat hebe an eisewerek mondok-mondok logoinogeluk menhobagagi o,” iluk isikhemo lisu palogo fesukwa andi hak, at Yesus hobuk wa'lagi'lek etok mondok logouwageluk menfesikhemo werek.

IBRANI 7:24

A'nogo meneat he, at Yesus enek he, Allah eisewerek eluk mondok logogin andi nen he, Allah nen, it afuni ekhe at obali'mo menfisagain lego. We, at amuat mondok logogin o.

IBRANI 7:8

It ap Allah eisewerek logolik, it afuni ekhe nen yi mene ti mene inenggi wenagaisogo fenakwe minggilogo 10 ba lagai wagunem, Allah faget fisugunem inebe afuni wa'lagaikharek mene nen wanhi lagaukwa meneat he, ap Melkisedek andi nek he, eluk welagarek mene nen a'nogo wanhikhe, iluk Allah aneba lisu palek werego.

IBRANI 9:24

at Kristus o Allah onggwarek awi iluk afuni nen oba lirogo wutukwaba andi kwisikhe fuk. Lego. We, pogot ebeba kwisikhesik Allah were'ma andoma nit faget werego.

YUDAS 1:24

Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.