IBRANI 7:24 - Allah Wene Fano Wene Hupla Inane

²⁴ A'nogo meneat he, at Yesus enek he, Allah eisewerek eluk mondok logogin andi nen he, Allah nen, it afuni ekhe at obali'mo menfisagain lego. We, at amuat mondok logogin o.

IBRANI 7:24 ပူးပေါင်းရင်းမြစ်များ

YOHANES 12:34

A'nogo isikhemo, it afuni hokhorogo omanogo nen he, mel yagatukwa: ”Wene Allah nen komotninafikhe wene andiba re, nit afuni telninabuageluk Allah nen ap ekhe lakfei wesigin andi ebe wesimbik he, eluk mondok logogin. Iluk isikhemo ninesanggo holhorek meneat he, haren ikhi logolik he, An abat ta'lasi wagagi a'nogo afuni nen kweangma yoma mennobagagagun iluk egen andi re, ap ekhe abat ta'lasi wesigin isikhe andi ebe sa faget isikhemo nen egen,” iluk yagatukwa.

ROMA 6:9

At Kristus arat wa'lagaikhemo Allah nen eluget fesikhemo andi nen he, hobuk wa'lasigin lek, iluk ninelu o. Halok he, wa'lagaikharek ero andi nen hobuk Yesus ebe awe a'ma fagain mondok elo'lego.

ROMA 9:5

Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.

IBRANI 13:8

At Yesus Kristus ebe re, o attagen, yogondagen, etok mondok welagarek andi hak, hobuk a'nogoat etok mondok logogin o.

IBRANI 7:28

Attak wene Allah nen komotninafikhe wene andiba re, ap we elo'lek mene Allah eisewerek menfisikhi lagaukwa meneat he, hobuk Allah nen hombuk palhikhe andiba re, at ebe amlogo nit telninaferek mene wurep kobokhogo menfesikhemo, at eisewerek kain mondok werego.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

1 SAMUEL 2:35

It a'nogo wa'lasumo nen enek he, ap hunogoat mene ebe An eisewerek logolik, obabut hombunhogo An noba lomboksek logolik, An nen, yi'nogo hilingi'no, iluk yagatunem nane hologo hilingiti logogin mene ekhe wenagaisogo menfagain o. A'nogo menfembik, aren tagomangge mene inebe An eisewerek logolik, ap kaindek inenupogot An nen wenagaisogo menfisagain mene ineilhanem An faget hilingiti logouwageluk eisewerek fisagain o.