IBRANI 7:22 - Allah Wene Fano Wene Hupla Inane

²² Allah nen, ”Yi'nogo katokhogo fano hilinghinabigin,” iluk wene ket mene warogo wo'ninafikhe andi, ebe asigin iluk at Yesus ebeat menfuluk wo'nisasikhe andi aro.

IBRANI 7:22 ပူးပေါင်းရင်းမြစ်များ

KEJADIAN 43:9

Nen, at nagot ari ninambotkwe waluk wagi'lek halok, at faget hendawi lirengge re an nenat hilingisigin, an neluk logogin oba at faget wene mondok-mondok noba logogin.

KEJADIAN 44:32

Nen ekhe an hagoren neisena yagati logolik omalik ari nekhengge hondo'luk wesigin lek halok he, an neluk logogin huli andi wene an noba mondok-mondok logogin, nen abo ari faget hendawi lirengge iluk wene sikhiphogo yagatigi.

MAZMUR 119:122

It ap winik wonokhogo nek hilingiri'lagwi mene andoma nen sebelogo nobagakhi logoinogo re lebethafi logogin iluk, Haren wene wa'nom o.

AMSAL 20:16

Ap ekhe nen it ekhe ebe inonggot mene inangge palegengge an nen obali'mo fagain enggere wanin ikhe halok he hinailorogo, ap andi angge onggo obali'mo fogoin mene foukhogo fisogo logogun.

AMSAL 6:1

Namlogo e, haren ambi ap ekhe hinom wene wati logolik, hat hoba palegengge werek mene andi an nen obali'mo fagain egen halok,

YESAYA 38:14

An nane re mondogat wonghogo pilagarik omame le'lek lagunemen, sue mulugen ane nginuk ane ugunem hangge hilinglagari'mo nen. An neilenggen pogoroba liabek-liabek he neil ou nabi'logo o, Tuhan neisena enggin mene ariba nen fikhalogo nobagain o.

DANIEL 9:27

Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.

MARKUS 14:24

Noageluk sumburisikhi logolik mel yagaisasikhe: ”Yi re An namep aro. Allah nen wene warogo wokhinabigin isikhe a'nogo, afuni hokhorogoat faget namep wulagaisogo noasugun andiba, ebe asigin o.

LUKAS 22:20

arat nasukwama nen he, iwak enggen amusu hinago a'nogoat wogisikhi logolik he, ”Yi re, an namep aro. Allah nen wene ket mene warogo wokhinabigin, isikhe a'nogo afuni hokhorogoat faget namep wulagaisogo noasugun andiba, ebe asigin o,” iluk sumburogo wogisasikhesik he, mel yagaisasikhe.]

1 KORINTUS 11:25

A'nogo wogisasikhemo arat nasukwama nen he, iwak enggen amusu hinago a'nogoat enggim wanhikhesik he, mel yagaisasikhe: ”Namep wulagaisogo wa'lasigin andiba Allah nen wene ket mene warogo wokhinabigin iluk isikhe andi, namep hinago ebe yi aro. Halok, yi'nogo ninggi logolik he, hobuk an noba eberek logobagaigen, yi'nogoat ninggi logoino.

IBRANI 12:24

Yogondak Allah nen nit ninom hunesuogeluk wene ket mene warogo wo'ninafikhesik, Yesus ebe wo'nisasikhemo hulisanem werek andi inom were'ma wagebo. Andi re, Habel oe nen watikhemo amep wene weak mene hilinglagaikhe mene andi oba wagep fuk. We, Yesus ebe watukwama amep oba legeisogo figik warogo fano wene hilinglagaikhe mene oba wagebo.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

IBRANI 7:23

Nen, wene misigat ekhe weregaro. It ap Allah eisewerek logolik higithogo hilingiti'le'ma inebe obakheba wa'lagunem yabu wurepma hilingiti lagaukwa lek, andi nen inobali'mo menfisilik wagunem inebe hokhorogoat welagaikharek andi.

IBRANI 8:13

Aren, ”Wene ket mene warogo woginabigin,” iluk isikhe andi re, wene fageat mene legetfeigeluk isikhe. Yi mene ti mene fageat mene eil weak agunem weak-weak herakfisagarek andi hak, wene attak mene legetfeigeluk isikhe andi.