IBRANI 7:21 - Allah Wene Fano Wene Hupla Inane

²¹ at Yesus enek he, Allah nen hombuk palogo menfikhi logolik he, mel yagatikhe: ”An Nenupogoren hat an eisewerek mondok-mondok logoinogeluk hombuk palogo menhobagagi andi, hobuk nane hebelogo wene hunogoat mene ekhe neranen igin lego,” iluk yagatikhe.

IBRANI 7:21 ပူးပေါင်းရင်းမြစ်များ

MAZMUR 110:4

Tuhan nen wene watheti logolik, ”Ap an eisewerek mene enu Melkisedek welagaikhe andi hak, hat hebe re, hetok mondok a'nogo logogin,” iluk wene wathetikhe mene andi re, ane oak wanigin lego.

BILANGAN 23:19

Allah re, afuni nen, Nambigen igi e, igik, ineranen wene igik, agarek andi hak ikherek mondok lego. At Allah re, An nen yi'nogo hilingisigin, iluk abok yagaisaluk he, ebe tiphogoat hilingiterego. Nen, Aren ugunem ebe arat hilinglagarek enego.

ROMA 11:29

At Allah obabut fano nen yi mene ti mene wo'nisigik, ninebe wena'ninafik, ilugen he, hobuk ane hunogoat ekhe ikherek lek.

IBRANI 5:6

Nen, ekhe re, Allah ane lisu palek ekheba yi'nogo isikhemo weregat: ”Ap Melkisedek An Allah eisewerek kain welagaikhe andi hak, hat An eisewerek kain mondok-mondok logoinogeluk menhobagagi o,” iluk yagatikhemo lisu palek werek.

IBRANI 7:20

Nen, wene andi Allah nen hombuk palogoat wulafikhe o. It afuni ekhe nen he, it ap Allah eisewerek logouwageluk hombuk palhi'lek menfisagarek meneat he,

IBRANI 7:23

Nen, wene misigat ekhe weregaro. It ap Allah eisewerek logolik higithogo hilingiti'le'ma inebe obakheba wa'lagunem yabu wurepma hilingiti lagaukwa lek, andi nen inobali'mo menfisilik wagunem inebe hokhorogoat welagaikharek andi.

IBRANI 7:28

Attak wene Allah nen komotninafikhe wene andiba re, ap we elo'lek mene Allah eisewerek menfisikhi lagaukwa meneat he, hobuk Allah nen hombuk palhikhe andiba re, at ebe amlogo nit telninaferek mene wurep kobokhogo menfesikhemo, at eisewerek kain mondok werego.

1 SAMUEL 15:29

At Allah nit afuni Israel mene nineisena fogeratorek mene andi, nit afuni higit he lego, andi nen he eranen wene igik, yi'nogo hilingisigin ilugen, hobuk hunogoat mene igik, ikherek mondok lego,” iluk yagatikhemo,