IBRANI 6:17 - Allah Wene Fano Wene Hupla Inane

¹⁷ A'nogo hilinglagarek andi hak, Allah nen he, ”Afuni an nendawimo anggaluk abok yagaisigirek mene halok, nane hebelogo hobuk hunogoat mene ekhe yagaisigirek lego,” iluk, it abok yagaisasikhe mene halok enek eberogoat anggoageluk he, hombuk palogo yagaisasikhe andi.

IBRANI 6:17 ပူးပေါင်းရင်းမြစ်များ

KEJADIAN 26:28

Heinok wogisasikhemo iren onggo yagati logolik, ”Hat Allah nen fetharek a'nogo yogondak nit ninelu ari'lagoma, ninom seberogo wene wat-wat uogeluk anggikhi lago o.

MAZMUR 110:4

Tuhan nen wene watheti logolik, ”Ap an eisewerek mene enu Melkisedek welagaikhe andi hak, hat hebe re, hetok mondok a'nogo logogin,” iluk wene wathetikhe mene andi re, ane oak wanigin lego.

MAZMUR 33:11

A'nogo meneat he At Tuhan nen, ”Yi'nogo hilingisigin,” iluk endawimo anggikherek mene andi re, legetfoumo re mondok elo'lek. Yi tahun ti tahun mondok-mondok welagarek.

MAZMUR 36:8

Neisena Allah, Haren hendawi hundik hilingninafi lagen mene andi re onggo mondok hokho mene hangge hilingi'mo re, afuni nen Hat hogolabi a'ma hina'lasi kugunem he inagap telek werek.

KELUARAN 22:11

wene andi faget he, wene kabogeri'lagwiba omanogo lambik, ap kulhi logogin mene a'nogo nen he, an nen kulhi logouwageluk noba fikhe mene andi re an nen hinati lego, iluk Tuhan enu hombuk palogo igin. Nen eberogo aren herate lek halok he, alomat laga mene andi faget he, onggwarek agun andi oba lombok, nen at kulhi laga mene andi nen onggo feinogo.

AMSAL 19:21

Afuni nen hilingirik logoin mene faget wene hokhorogo ayo palogo fagarek, meneat he ebe hilinglagarek a'nogo re Tuhan nen anggikherek mene nek hilinglagarek.

KIDUNG AGUNG 5:1

Nagot ninom lombolek mene yi, an he neabumo omanogo waga lagi, wagiresik he mur inom, amben-ambenengge fano mene inom kaboget fuluk, an nen kin amusu inom awingga sap palek mene andi inom ninggik, susu inom anggur agai inom ninggik ikhi lagi. Sumburu ninggik, i ninggik, ikhi logoni nerugwi, a'nogo nunggu werek kwelek enek he hinoba aik age lagambik ap lugu-lugwi palharek hak hilingisugun.

YESAYA 14:24

Tuhan Omame Mondok Hokho mene a'nogo nen ane hombuk yi'nogo palhe, ”An nen wene mondogat kagalogo figi mene andoma re eberogo nen he higithogo nek hilingisigin.

YESAYA 46:10

An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.

YESAYA 55:11

andi hak he, An nane ikhi lagi mene andoma re, we alomarogo ambotkwe sugulogo An noba wesigin lego, meneat he An nendawimo anggigirek mene a'nogo ambisangma higithogo hilinglagik, nen An nen a'nogo asuak anggigirek mene omanogo higithogo tip igik igin o.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

MALEAKHI 3:6

At Tuhan nen ikhi logolik, ”An nebe agam itirek lek mene o, Tuhan a'nogo nebe re An aro. Andiba re, hit Yakub en tagomangge mene andoma weaget hinobagakhi lagi lek andi.

YOHANES 10:10

Nen, it ap yogot wanharek mene wagaikharek andi, domba yogothinatik, inoatik, inebe mondok legetfisigik, hilingisuogeluk wagaikharek meneat he An wagagi andi nek he, it afuni yi mene ti mene hokhorogo oba heilarogo welagaikharek andi hak, inebe ineluk mondok logouwageluk inelugerinafunem, ebe mene oba heilarogo logouwageluk wagagi o.

ROMA 11:29

At Allah obabut fano nen yi mene ti mene wo'nisigik, ninebe wena'ninafik, ilugen he, hobuk ane hunogoat ekhe ikherek lek.

ROMA 8:17

Nit ninebe Allah againafuri halok he, at Kristus yi enggin ti enggin hasikhe hak, hogoin halok, Allah nen nit Kristus ninomat fogetninabigin andi nen he, Allah nen yi mene ti mene at againafuri wogisageluk abok yagaisasikhe mene andi, at Kristus ninomat wo'nisamo, eise logogun o.

GALATIA 3:29

Hit hinebe Kristus mene halok he, hinebe Abraham en tagongge mene welagep. Halok, Allah nen Abraham abok yagatikhe mene a'nogo, hit wokhisagain higiraro.

EFESUS 1:11

At Allah nen he, ”Yi'nogo hilinglasuak, ti'nogo hilinglasuak,” iluk endawimo anggikherek higithogoat yi mene ti mene mondogat hilingitunem hilinglagarek andi nen he, ”It inebe an nonggwarek nagainafuri asuageluk,” wenagaisogo wo'ninafikhemo re, eisewerek agagu andi.

IBRANI 11:7

At Nuh ogo re, endawinggen Allah oba himbiret fuluk, yi wene ti wene hobuk hilinglasigin mene Allah nen husumbi yagatikhemo ebe eilenggen higi'lek meneat he, ”Eberogoat hilinglasigin mene yaganete higi,” iluk Allah ane hologo logolik, e so ekhe at againafuri inom telinabigin mene faget wutikhe. A'nogo wutikhemo, Allah nen afuni wene inoba fesikhesik inebe inoatikhe meneat he, at Nuh alegat enek he, endawinggen eberogo nen Allah oba himbiret fesikhe andiba, Allah nen, ”At fano,” iluk telhikhe.

IBRANI 11:9

Wagaikhesik, o abok yagatikhe mene andi arat wagaikhesik logoligat he, ”O yi lego. O hunogoat ekhe Allah nen ilirengge walhigik ningsek meneba wutikhe mene ekhe werego,” iluk nenangorogo mondok logolik, o su meneba ya wutik, ta wutik, ap pok higit nogolik nikhi lagaikhe. Andi hagat, ap Ishak inom, Yakub inom, inendawimo nen he, ”Allah nen, yi'nogo wokhisagain, iluk abok isikhe andi, nit ninomat yaganisasikhemo eise asugun,” iluk a'nogoat nikhi lagaukwa.

IBRANI 6:12

Hit hinaberali weak hilingiti logogun he, ninabiro. It afuni attak inendawinggen Allah oba himbiret fuluk inaberali agi'lek, iren he, ”Eberogoat wanugun,” iluk anggikhi lagaukwaba, Allah nen he, ”Hit wokhisagain,” iluk abok yagaisasikhe mene ebe wanhukwa andi hak, hit a'nogoat it inobabut waganogo hilingiti logoino o.

IBRANI 6:16

Mene re, it afuni nen hombuk paluogeluk halok he, inonggwarek inenu elo'lek hagen he, inonggwarek inenuba hombuk palhi'lek. We, it ekhe inenuwerek esin mene inenuba hombuk palharek andi. A'nogo palhunem he, it ekhe nen wene palhi logogun mene inane lek agaikherego.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.

1 PETRUS 1:3

Ninoe Enupogot Yesus Kristus eisena Allah a'nogoat fogerati logouwok. At Allah ninebe endawi mondogen, Yesus Kristus wa'lagaikhemo nen eluget fesikhe andiba nit ninebe hobuk ninambotkwe ket ta'ninafikhe andi. Ninelugetninafikhemo logolik he, ninendawimo nen, ”Aren, hobuk fanothinabigin, isikhe andi lek asigin lek,” iluk ninendawimo ninagaiyek hikhi lago.

1 PETRUS 3:7

Nen, hit ap ogo re, Allah obabut fano nen hinagagwi hinom higithogoat hineluk mondok logouwageluk eisewerek hinobagaikhemo welagep andi nen, hit samban ugunem Allah nen hinane esanggo holhi'lek kamo inogo iluk, hinagagwi hinom fano logolik, hinendawimo nen he, ”Hemi inomame lek,” iluk futfuluk, hinane agaukhogo yagaisigik, hinendawirinafik, ikhi logoino o.”