IBRANI 5:7 - Allah Wene Fano Wene Hupla Inane

⁷ At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

IBRANI 5:7 ပူးပေါင်းရင်းမြစ်များ

MAZMUR 22:24

Hit afuni At oba tipsek logolik hilingiti lagep mene yi sani, At enek fogerati logoni o! Hit afuni Yakub en tagongge mene mondogaren he Arenek esinet fikhi logoni o! Hit afuni Israel en tagongge mene hinebe mondogaren he ineindep awi yagaisogo At apne wanhi logoni o!

MAZMUR 69:1

Afuni nen wuni wulak fuluk inebe seberogo ugunem yanggulinafu mene faget, Wuni unggulenu Bunga Bakung ebene iluk ikhi lagaukwa mene. At Daud en felalogo watikhe.

MAZMUR 88:1

Wuni it inunggulenu Korah mene inawuni. It afuni wuni wulak fuluk ugunem yanggulinafu mene faget, wuni unggulenu: Mahalat Leanot awi Ezrahi mene andi nen yagaisikhi lagaikhe awuni.

YESAYA 49:8

Tuhan nen againafuri inoba yagaisikhi logolik, ”An nendawimo nagaiyek hit hinoba were'ma andemat An nen onggo yagahisikhi logogin o,” Linggene An nen hinagap telhinabigin sambul andi re, An nen hit lebethinabigin aro. Hit he, An nen nawe a'ma fethinarek logolik kagalhinarek logogin, An nen hit hinebe nen yi afuni ti afuni omanogo ninom wene wasugun. O sili afuni inareng mondok tiring-terengse'ma omanogore An nen ambotkwe pugunhogo fembik, kweang andoma hit eiserogo logogun oba hilingisogo fagain.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

YESAYA 53:3

At andi re yi enggin ti enggin higik, heinet weakhogo wato welagik ugu were'ma, at ebe inendawimo seramet fisigik, agaiseratik, agarek. Ap misik iluk ogo ineilenggen at oba kwelakha inabit welagaikharek. Nen niren ogore at faget ninendawimo seramet fogoregat.

IMAMAT 2:2

Nunggu mene enu warek fei waga logogun mene andi amben Tuhan endawimo fano asuageluk he, at waluk wagu mene a'nogo nen waluk we'luk it imam at Harun nen tagomangge mene omanogo inambit wogisa waga logogin. Wogisa wagunem it imam andem sambul yabu hilingiti logogun inap omanogo nen, abirengge andi mondogat Tuhan obaget fogo iluk enekhogo re tepung omanogo inenggi misigen wanu hakhogo waluk zaitun amusu a'nogo inom, kemenyan amben fano mene a'nogo inom, yugulogo amboloba omanogo nolhi logogun. A'nogo nol fugunem amben nen he Tuhan endawimo agaiyeget fikhi logogin.

MATIUS 27:46

Mum werek kwelek, jam 3 arat asi lagaikhemo re, at Yesus nen, Eisena Allah yagati logolik, nit ninaneba re, ”Allah Neisena! Allah Neisena! An nenahalok heraknobagegen,” iluk u hak it inaneba ”Eli eli lama sabakhtani,” iluk ane hokhorogoat yagatikhe.

MATIUS 27:50

A'nogo isukwama, at Yesus hobuk ane misik oba hokhorogo isikhesik he, arat lebekhogo wa'lagaikhe.

MARKUS 15:34

Mum werek kwelek, jam 3 arat asi lagaikhemo re, at Yesus nen Allah mel yagatikhe. Nit ninaneba re, ”Neisena Allah! Neisena Allah! An nenahalok heraknobagegen,” iluk u hak, it inaneba re, ”Eloi! Eloi! Lama Sabakhtani!” iluk ane hokhorogoat yagatikhe.

MARKUS 15:37

A'nogo yagaisasikhemo, at Yesus ane misigam oba hokhorogo isikhesik, arat lebekhogo wa'lagaikhe.

LUKAS 23:46

A'nogo hilingitikhemo, at Yesus ane hokhorogo Allah yagati logolik he, ”Neisena e! An nareagun selokhogo, hat henggimo waninogen, iluk yagaheti o,” iluk yagatikhesik he, arat lebekhogo wa'lagaikhe.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 11:35

At le agaikheat.

YOHANES 11:42

An nen hat kino yagahetunem, nane hesanggo holhi lagen a'nogo, an nelu meneat he, it afuni yoma nen, haren an laknobagai wagagin andi nebe futnobagauwageluk yagaheti o, neisena,” iluk a'nogo isikhesik,

YOHANES 17:1

At Yesus nen wene a'nogo yagaisasikhesik he, at ot legeisogo eilenggen pogoroba liakhasikhesik he, mel isikhe: ”Neisena. An hilingnabugun a'nogo arat horogasi waga o. Haren attagat afuni ekhe wo'netigin mene halok inebe lombok an hamlogo nen hilinginabumo ineluk mondok logouwageluk afuni mondogat nenggiba fesigin andi nen he, hat hebe esinet hobagaigen, an hamlogo esinet nobagaime o, neisena.

ROMA 8:3

Attak he, Allah nen komotninafikhe wene a'nogo, nit afuni ninobabut lebelek andi nen he, fano hilingninabu elo'lek agaikhe. Elo'lek agaikhemo re, nit afuni ninobabut weak hilingitu were'ma, Allah onggwarek amlogo nit hangge hilingla'luk, nit weak hilingitorek mene andi wene oba fesikhesik sebelfisoageluk lakfei wagaikhemo sebelfisasikhe andi.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

IBRANI 10:10

Nen, at Yesus Kristus Allah endawimo amolo mene andi hilingiti logolik, at ebe misigam faget wa'laga logolik, Allah wogetikhe andiba, nit ninebe Allah faget mondok-mondok ninobagaikhemo welago.

IBRANI 10:5

A'nogo hilingiti lagaukwa andi nen, at Kristus kweangma pi waga logolik, Allah mel yagatikhe: ”Hat he, afuni nen wam wathetik, yi mene ti mene wokhetik, agarek andi mene wokheti logogun habit andi nen he, an nebe afuni hangge hilingisogo nobagagin yi o.

IBRANI 11:7

At Nuh ogo re, endawinggen Allah oba himbiret fuluk, yi wene ti wene hobuk hilinglasigin mene Allah nen husumbi yagatikhemo ebe eilenggen higi'lek meneat he, ”Eberogoat hilinglasigin mene yaganete higi,” iluk Allah ane hologo logolik, e so ekhe at againafuri inom telinabigin mene faget wutikhe. A'nogo wutikhemo, Allah nen afuni wene inoba fesikhesik inebe inoatikhe meneat he, at Nuh alegat enek he, endawinggen eberogo nen Allah oba himbiret fesikhe andiba, Allah nen, ”At fano,” iluk telhikhe.

IBRANI 12:28

A'nogo abologet hagain meneat he, nit enek he, Allah awe a'ma ninobagaikherek oba abolok igin mondok lek mene wo'nisasikhemo eise agosik welago andi nen he, ”Allah neisena,” iluk hai wati logouwogo. Nen, at Allah ebe re, endu nen yi mene ti mene ninggerek andi hagatma, nit a'nogo weagetninabinogo iluk, at ebe ninailorogo hilingitik, agaukhogo hilingitik, ikhi logolik, at ane hologo endawimo amolo mene hilingiti logolik, fogerati logouwogo.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

IBRANI 2:14

Aren he, ”Afuni andi an nagainafuri,” iluk isikhe andi re, nit afuni wa'lagorek mene faget isikhe andi nen he, at ebe wa'laga logolik, nit afuni wa'lagorek mene ero at Iblis enggiba welagarek mene andi, at Yesus nen at Iblis ebe mabenet fisigik,

1 YOHANES 4:3

A'nogo meneat he, it ekhe nen Yesus faget wene a'nogo fakhogo agarek lek mene nen ugu halok, hiren he, ”It andi inendawimo Allah Areagun werek fuk. Hunogoat mene werego,” iluk futfisikhi logogun aro. It andi faget wene Allah nen fageat yaganisikhi logolik, ”At ekhe Kristus emberek mondok weak mene wesigin a'naga o,” iluk yaganisasikhe mene, hinesanggo holhigip a'naga, yogondak kweangma yoma inebe arat weinam agaikhasik werek andi aro.

2 YOHANES 1:7

A'nogo hilingiti logogun andi re, it afuni inebe hokhorogoaren, ”Yesus Kristus andi abat ta'lasi wagi'lek,” iluk, lalinafarek mene inebe weinam agaikhasik kweangma o yi awi ti awi mondogat sagarek andi nen, nendawi-hendawirogo hilingiti logogun igi andi o. It andi inebe re, Kristus inom mondok weak logolik afuni lalinafarek mene a'nogo aro.