IBRANI 5:2 - Allah Wene Fano Wene Hupla Inane

² A'nogo menfisugunem it inomame mondok lek meneat andi nen he, it afuni ekhe a'nogoat wene inonggot logolik nong-honghogo hilingitarek andi futfuluk he, inebe inendawirinapluk it faget inoba heanerogo elok hilingitarek andi.

IBRANI 5:2 ပူးပေါင်းရင်းမြစ်များ

KELUARAN 32:8

Iren An nane sagalogo herakfisagasik, hunogoat mene ekhe hilingita o. Inalilingge emas mene lebelekhogo weragaisogo tugwi kembu sapi hangge ekhe hilingitasik he, anggo warogo endu noletasik fogerata o. A'nogo fogerati logolik, mel aga: Tugwi kembu Allah hangge o Mesir en wo'ninarek waga mene ebe yi o, iluk aga.

YESAYA 29:24

Ap kembu mene re hebelagaikharek mene yanggulikhi logogun, nen it ekhe inane mul-mul hokhorogo agarek mene re yagaisugunem fanorogo helikhi logogun,” ikhe.

YESAYA 30:11

Kwe amukwe nen hinale'ma hela lani, hiren Allah Israel mene Amu Enogo welagarek mene andiba nit ninafekwe sagal-pagalhugu lego,” iluk ikhi logogun.

LUKAS 22:32

hat hendawinggen noba himbiret fuluk welagen mene andi maben asinogo iluk he, hat faget an Allah ayonggo arat figimo o. Hafe hebelagen halok he, hagaila'lak yoma haren inendawinggen ago watfisikhi logoino,” iluk yagatikhe.

2 KORINTUS 11:30

Mene re, fogerakhagain halok he, an nebe nomame lek iluk fogerakhagain o.

2 KORINTUS 12:5

Ap andi faget enek fogerati logolik, an nonggwarek faget fogerakhigi'lek, we, nebe lebelek andi faget enek fogerakhagain aro.

GALATIA 4:13

Attak an noba ou wanhigi andi nen fano wene yagahisasigi a'nogo hineluaro.

EFESUS 4:18

inendawimo mumat werek. Inendawinggen helep hangge abirengge nen he, fano wene inonggorat logolik, Allah nen afuni inelugerinaferek mene a'nogo inom hundik lek it ekhe mene welagaikharek andi.

IBRANI 12:13

A'nogo fanot fuluk, hineisok abel endenek mene hobuk hinomanggen huniti'lek fano asuageluk, kwe higithogo yagaisogo laga logoino o.

IBRANI 2:17

A'nogo hilingitikhe andi re, yi'nogo iluk. Nit afuni weak hilingitorek mene, aren legetfisageluk, at ebe Allah eisewerek kain logolik, obabut Allah faget hombunhogo hilingitik, nit afuni endawitninafik, higirat ikhi logoigeluk, at ebe nit afuni erugwi agaila'lak hanggeat agaikhesik, nit hilingitorek mene mondogat ninobabut wanu hagat wanhikhe andi.

IBRANI 2:18

A'nogo wanhikhemo re, at weak hilingisuageluk endawimo kagalhunem, yi enggin ti enggin arat hasikhemo andi nen he, nit afuni weak hilingisuageluk ninendawimo kagaligeluk wagunem, aren elogat lebetnisagain werego.

IBRANI 4:15

Nit ninoe kain Allah eisewerek welagarek andi re, nit ninomame mondok lek welago andi re, at onggot lego. At nit ninobabut wanhikhesik were'ma, weak mene a'nogo nen, nit weak hilingisuageluk ninendawinggen kagalherek andi hak, at Yesus a'nogoat yi mene ti mene faget endawimo kagali waga lagaikhe meneat he, at weak ekhe hilingiti'lek logolik ninobabut elu welagarego.

IBRANI 7:28

Attak wene Allah nen komotninafikhe wene andiba re, ap we elo'lek mene Allah eisewerek menfisikhi lagaukwa meneat he, hobuk Allah nen hombuk palhikhe andiba re, at ebe amlogo nit telninaferek mene wurep kobokhogo menfesikhemo, at eisewerek kain mondok werego.

IBRANI 9:7

A'nogo kwikhi lagaukwa meneat he, o senggelek ti'mo mene andi nek he, at Allah eisewerek inoe kain mene andi nek onggwarek weak hilingiti lagaikhe mene faget inom, againafuri Israel mene inobabut hebele'lek nong-hongsek weak hilingiti lagaukwa mene faget inom, inanggo warogo amep waluk, o mo lagagik, pigik, ugu kwelek tahun ebe lombok enggi misik faget kwikhi lagaikhe.

YAKOBUS 5:19

Nerugwi nagaila'lak. Hinerugwi hinagaila'lak ekhe ebe wene herakfisaluk kwanirogo nong asi laga halok, hit ekhe nen hobuk ambotkwe Allah oba waluk wesugun andi faget,

1 PETRUS 2:25

Hit attak he, wam domba kwe nong asi lagarek andi hak, nong asi laga lagagip meneat he, yogondak at Allah nen, ap hinebe fethinarek logolik kwelakhinarek welagarek mene oba hinambotkwe wokhinarek hinobagai wagama welagebo.

HAKIM–HAKIM 2:17

A'nogo meneat he, iren ap it inogogwi andi inane holhi'lek herakfisikhi lagaukwa. Nen, iren Tuhan oba lomborogo welagi'lek, allah amu mene oba fogerati lagaukwa. A'nogo hilingiti logolik, inombalak ineisena Tuhan nen, yi'nogo hilingiti logoino, ti'nogo hilingiti logoino, iluk yagaisasikhe mene hologo higithogo hilingiti lagaukwa andi hak, it inobabut wanhi'lek hunogoat hilingiti lagaukwa.