IBRANI 5:13 - Allah Wene Fano Wene Hupla Inane

¹³ Yenggerugwi inagaisalak ineilak enek nenggarek andi re, inebe yenggerugwi atma, wene yi fano, yi weak, iluk penesu inonggot welagaikharek andi nen aro.

IBRANI 5:13 ပူးပေါင်းရင်းမြစ်များ

MAZMUR 119:123

Haren an nagap telogo lebetnabi wesuageluk nenangot hiugu werek kwelek enek he neil mondogat oueri'lago, an he Haren lologo wulak hobagagin iluk abok yaganetigin mene a'nogo nenangotu welagi o.

YESAYA 28:9

Iren An noba wene fikhi logolik yi'nogo ili'lagwi, ”Aren he, sani inoba yagaisikhi lagi iluk ili'logo? Ebe yi'nogo iluk he ap sa oba tindelogo yagasigiluk nogo? Aren anggikhi logolik nit yi re omalik eilak oan nunggu mene hangge anggili'lago a?

MATIUS 11:25

A'nogo yagaisasikhesik he, o andi sambul he, at Yesus nen samban oba eisena Allah yagati logolik he, ”Allah Neisena o! Pogot kweang eisewerek menere hararo! Wene mondogat andi re, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi hendawimo hamolo anggegendigenat yagaisegen andi nen hai wathafi lagi o, Neisena,” iluk yagatikhe.

MARKUS 10:15

Sa nen, yenggerugwi magendek mene Allah nen awe a'ma fisikherek wene andi waluk kwagarek andi hak kwigi'lek halok he, kwigin mondok lego, iluk eberogoat yagahisigi,” iluk yagaisasikhe.

ROMA 2:20

Nen, wene Allah nen komotninafikhe wene a'nogo niren fisogo welagoresi'mo re, yi wene ti wene ninelu logolik wene eberogoat mene nek yagaisogorek andi nen he, afuni inendawinggen mum mene yagaisigik, yenggerugwi mene wene yagaisigik, elok ugun o,” iluk ikhi lagep andi.

1 KORINTUS 13:11

An nebe yenggerek oba re, nane yenggerugwi inane mene igik, nendawinggen yenggerugwi inendawinggen mene welagik, nendawinggen yenggerugwi inendawimo ebetarek mene ebetik, ikhi lagagi meneat he, yogondak nebe nalue agagisik he, nobabut yenggerugwi inobabut mene andi arat herakfisasigi o.

1 KORINTUS 14:20

Nerugwi nagaila'lak. Wene hinendawimo ebeti lagep andi re, yenggerugwi inendawimo ebetarek hak ebeti logogup. We, omalik ket tago mene nen weak hilingitu inonggot welagaikharek hak logolik, hinendawinggen inalue inendawinggen hangge wurikhogo logoino.

1 KORINTUS 3:1

Nerugwi nagaila'lak. An nen attagat he, wene afuni Allah Areagun inendawimo werek mene halok yagaisagarek hak he, yagahisigi lego. A'nogo yagahisasigi lek andi re, hit Kristus hinom hunitigipsigat he, hinobabut hinetogat logolik, omalik ket tago mene hangge welagagip andi nen he, afuni inobabut a'nogo were'ma yagaisagarek hak yagahisasigi andi.

2 KORINTUS 3:9

Wene lisu palek andi higithogo hilingiti'lek oba wene ninoba fakhasugu andi. Meneat he, wene andi wogisugunem fogeratukwa meneat he, andi endebaro. At Yesus nen wene ninoba mene korogo wokhasikhesik Allahba ninambotkwe hunogo ninobagasikhe wene wo'nisasikhe andi faget enek he, hokhorogoat fogerasuguno.

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

2 TIMOTIUS 3:16

Allah ane lisu palek andi mondogat he, arenat inendawimo kagalhikhemo, lisu palogo fesukwa mene andiba, afuni ekhe wene ebe wene yagaisigik, weak hilingitunem komorinafik, inobabut hebelhik, Allah endawimo amolo anggikherek mene higithogo hilingiti logouwageluk komorinafik, ikhi logoino aro.

1 PETRUS 2:2

Yi mene ti mene enduk mikhaluk, fano agarek andi hak, ninoe Enupogot obabut fano hikhi lagep andi nen he, omalik ket tago mene eilak nele nen nunggu mondok welagaikharek andi hak, wene fano wene hinendawinggen andiba wurik asumo fanothinabuagaluk, wene andiat wanhu mondok logoino o.