Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IBRANI 4:13 - Allah Wene Fano Wene Hupla Inane

13 Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

အခန်းကိုကြည့်ပါ။ ကော်ပီ




IBRANI 4:13
37 ပူးပေါင်းရင်းမြစ်များ  

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.


It afuni inendawinggen Tuhan oba tibet fuluk hilingitu halok At Tuhan nen omame wogisagain iluk o kweangma yoma mondogat Tuhan nen eil halinafi logolik werek. Haren mondok kemburogo hilingiten ma re yogondak huli nen he ap hinom weim yabi waga logolik enek were'ma hikhi logogin o,” iluk yagatikhe.


Hat hebe pogoroba welagen oba andoma nen hesanggo holiluk inaweak honggorabethogo hilingfisano. Afuni mondogat inendawimo hilingik mene we Hat hamuat helu welagendek. Nen it Hat hagainafuri o kweang nit ninombawi inoba wogisasigin oba yoma logolik, Hat hane hologo hilingitik, Hat halong anggaluk ninailorogo welagik, hilingiti logogun nen he,


At Allah eilhanem he it afuni wa'laluk lagaikharek oba andoma re kwe hurik werek. Inebe leget fisikherek oba andoma ogo re kwe yagarek legat.


Allah nen he afuni inebe ferinarek logolik, it lagaikharekwe eilenggen welagarek.


Afuni ekhe nen, afuni wa'la'luk lagaikhare'ma o mum mondok hik-hakse'ma kwe ambe pale'ma andoma yagahetukwa mene ekhe werega?


Nane oan igi'lek werek kwelek ogore, igin mene heluat welagen.


Niren ambi Allah nit nineisena a'nogo fogerati'legengge nen, niren allah amu mene hilingfuluk fogeratarek mene omanogoba fogerati logoumo nen he,


We, Haren enek afuni inawene ayo wurogo pilinginafi lagenma re, Tuhan neisena, an he weak hilingiti le'ma re we Harenat nawene katokhogo palnobagain o.


Nit weak hilingiti lago mene a'nogo Hat helokhoma fuluk were'ma re, weak hilingitorek mene hinago werek mene re, Hat helokhoma re mondogat weinam enek werek.


Tuhan he kweangma ap wa'la'luk lagaikharek obabut hilingik mene mondogat piling palanghogo elure'ma re, afuni inendawimo wenggelhu mene re At ebe le'ma ninggini'mo hinakfou hak nogo?


At Tuhan he o yi awi ti awi mondogat eilenggen kogolhi logolik werek. A'nogo logolik he, afuni inobabut fano hilingitarek mene inom weak hilingitarek mene inom mondogat eil woginaferek.


Afuni nen yi'nogo ti'nogo hilingiri'lagwi mene andoma mondogat he Tuhan eilenggen werek. It afuni koma kwe lagunem Tuhan nen kwelaginarek mondok werek.


Nit mondogaren hilingiti lago mene andoma At Allah nen ayo wurogo pilingninabigin, Wene weak mene inom fano mene inom andi nen hinago werek mene andoma mondogat ayo wusigin.


Iren yi'nogo ti'nogo hilingiri'lagwi mene andoma An neilenggen mondogat isikhi lagi. An nelokhoma re hinago mene ekhe werek lek. Nen, it inaweak hilingiri'lagwi mene ogore An nen neilenggen mondogat isikhi lagi nego.


An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.


An he yi kwe ti kwe pogoroba inom, kweangma inom welagirek enek hilingi'mo re, ap misigen ekhe An nelokhoma nen hina'lasumo re elo'lek.


Iren weak hokhorogo afuni Israel mene were'ma nen hilingiti lagaukwa mene re; Babi lagik, Tuhan enu igisogo ineranhogo wene fagetik, hilingiti lagaukwa andiba it inoba a'nogo asigin. Iren ikhi lagaukwa mene andoma re Tuhan endawimo anggikherek mene inom agamsek hilingi'mo re, iren hilingiri'lagwi mene inobabut At mondogat elu logolik, it inomame lek hilingisogo fisageluk he At amu nen eilenggen isikhi laga. Iluk Tuhan ane mondogat igi ikhe o,” iluk palogo lakfesigi.


Arenat yi wene ti wene elonggoma hinago mene ebe yi'nogo asigin iluk mel fakhogo yagaisigik, ikherek. At ebe o selek ombak-bak oba huli'liphogo logolik yi'nogo ti'nogo o mum oba agarek mene andi re At mondok elu nek.


Hinagaisogo wogisamo re, hineisena Allah pogoroba mene afuni hinagaisogo hilingitarek mene eilenggen isikherek andi nen onggo wokhisagain o,” iluk yagaisasikhe.


A'nogo himbiret fesukwa meneat he, at Yesus onggwarek enek he, it inebe mondogat inobabut elu andi nen he, ”Eberogoat wo'nabugun,” iluk endawinggen it inoba himbiret figi'lek welagaikhe.


Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.


A'nogo yagatikhemo at Yesus nen he, mel yagatikhe: ”Hat hagun hemberek yoma wesubagaigen he, wolha lan o,” iluk yagatikhe.


Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.


A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.


A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ