IBRANI 4:12 - Allah Wene Fano Wene Hupla Inane

¹² At Allah ane ikherek andi re, karok enggat abel fena-fena mago andi hangge re, lego. We, at ane andi re, eluk mene omame hokho enggat mondok melangsek logolik, inoak enggalim elema kwigik, inamonggok elema kwigik, u hak he, inendawimo inendawinggen oba fakha lagaresik he, inendawimo anggagarek mene inom, inendawinggen en inamolo anggagarek mene inom, eilenggen elok peneterek.

IBRANI 4:12 ပူးပေါင်းရင်းမြစ်များ

MAZMUR 110:2

O Sion oba andoma nen he, o haren ferinarek welagen oba a'nogo At Tuhan nen esanggo esanggo wogologo langet fagain, a'nogo hilingfoumo, haren haselei mene henggiba ferinarek logogin.

MAZMUR 119:130

Nen tindelhunem he, Haren yaganisegendek mene andi nen ninendawimo selegeraterek, afuni futfou elo'lek mene ogore elok futfagarek enek.

MAZMUR 139:2

An nobabut hilingitirek mene mondogat he Hat helu welagen, Hat hebe yatma nen he, an nen ebetirek mene futnobagakhi lagen.

MAZMUR 149:6

Iren inane fetakhogo nek Allah fogerati logouwak. Inenggiba karok enggat merengsek mene fisogo welagik,

MAZMUR 45:3

Yi afuni ti afuni mondogat werek mene andoma inanggele'ma nen he, harenek he heil alili fano pugunsek mene welagen, hane ugunem he mondok fano mene nek ikhi lagen, andiba re At Allah nen fanot hobagaikhe mene andi, a'nogoat mondok hilingik logouwak.

AMSAL 5:4

oba nen abirengge omanogo mondogat lek agunem he, we indawinggen weak agarek mene inom, ou agarek mene inom enek he logogin.

PENGKHOTBAH 12:11

Ap hebelek mene ane andoma re sige tomuk werelek mene ap domba halharek mene nen anggo tegelhi logolik fisogo welagarek andi higit. Inane agaumhogo agarek mene inom, komo wene inom kabogete mene andoma re posiemanggen omamerogo telek mene hak werek. Mondogat andoma re Allah nit nineisena Gembala we ami-amuat mene andi nenat wo'nisikherek.

YESAYA 11:4

Ap inenggi lek mene re inawene heirogo palinafik, afuni inamu nen hilingisu elo'lek mene inebikhit a'luk leberisigik, ikhi logogin. Ap weak hilingitu mene re At ane miming oba unggum wogisigik, Nen ap inobaharoba nek hilingitarek mene re inebe inoatik, ikhi logogin.

YESAYA 49:2

Aren an nane ikhi lagi mene andoma karok enggat merenghogo mago mene hangge ikhi logouwageluk hilingisogo nobagaikhe, At enggi omameba an nebe fetnarek mondok werek. Aren an nebe tok enggat werelek kabuk mene hakhogo hilingnobagaikhesik, weim yafu mene faget iluk andok herap palek mene elema kwelagaisogo nobagaikhe.

YESAYA 55:11

andi hak he, An nane ikhi lagi mene andoma re, we alomarogo ambotkwe sugulogo An noba wesigin lego, meneat he An nendawimo anggigirek mene a'nogo ambisangma higithogo hilinglagik, nen An nen a'nogo asuak anggigirek mene omanogo higithogo tip igik igin o.

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

YEREMIA 23:29

An nane andi re endu higit werek, nen helep martelu ba fouthugunem serelhigik lagarek andi hak werek.

LUKAS 8:11

A'nogo yagaisasikhesik he, hobuk ekhe mel yagaisasikhe: ”Wene oba lirogo yagahisigi a'nogo ebe yi. Feik lakfilik lagaikhe igi a'nogo re, ebe Allah ane andi aro.

YOHANES 12:48

Athe, at andi an nebe wo'nabu abirat, nen nane furogo wanu abirat andi nen wene oba fagain mene werego. Wene oba fagain andi re, o wurep oba tegelinabigin andiba, an nen wene yagahisikhi lagi andibaat wene oba asigin o, iluk a'nogo yagahisikhi lagi andi re,

YOHANES 6:51

Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.

KISAH PARA RASUL 2:37

A'nogo yagaisasikhemo, inesanggo holhukwasik, wene andiba inendawinggen abolok isikhemo re, iren Petrus inom, it ekhe Yesus nen wenagaisogo inayonggo fuluk lakfisasikhe mene ekhe inom, yagaisikhi logolik he, ”Nagaila'lak. Nit ninobabut ninggi'nogo hilingisu,” iluk yagaisasukwa.

KISAH PARA RASUL 4:31

A'nogo Allah ayonggo fikhi lagaukwama re, o it andogorek welagaukwaba andi abolok isikhe. Abolok ikhi logolik he, Allah Areagun inebe mondogat inendawimo peterogo kwisikhemo, wene Allah nen isikhe mene andi afuni inailo legat yagaisikhi lagaukwa.

KISAH PARA RASUL 5:33

A'nogo yagaisasikhemo re, it ina'mage hokhorogo lagasukwasik ap Yesus nen wenagaisogo inayonggo fuluk lakfisasikhe mene omanogo inoasuogeluk isukwa.

KISAH PARA RASUL 7:38

Nen, ninombalak inom o leimo afuni le'ma andoma andogorek were'ma, tom Sinai andi a'ma malaikat Allah nen yonggo pelakfisa wagarek mene omanogo ekhe oba pi wagaikhesik he, emberek wene ane isukwa andi, at Musa aro. Ninombalak omanogo inomat were'ma, at Allah nen, wene nineluk logogun wene andi, nit yaganisoageluk yagatikhe andi, at Musa aro.

ROMA 1:16

Fano wene andi Allah omame atma re, attak afuni Yahudi mene, nen hobuk he, afuni Yunani mene, inendawinggen eberogoat Yesus Kristus oba himbiret fagarek mene halok mondogat telinaferek andi nen he, an nailo legat fano wene andi yagaisilik nigirek andi.

1 KORINTUS 1:24

A'nogo meneat he, it afuni Yahudi mene inom, Yunani mene inom, Allah nen inayonggo fesikhe mene nen he: ”Allah omame Kristus ebe andi aro. Nen, Allah awene kagalek wene, Kristus ebe andi aro,” iluk futfili'lagwi.

2 KORINTUS 2:17

It afuni ekhe inebe hokhorogoaren he, yi mene ti mene onggo ha awarik lagaikharek hak, Allah ane a'nogoat waluk lagaikharek. Meneat he, nit enek he, a'nogo lek. We, Allah nen, at ane waluk loageluk ninayonggo fesikhe andi nen, at eilhanemat ninendawinggen misigat Kristus ninom hundigat logolik, yagaisilik laga lago o.

2 KORINTUS 4:2

Nit he, afuni nen yi mene ti mene hinagaisogo weak hilingitaresik inenggali agarek andi mene herakfisasugu. A'nogo herakfisaluk, afuni lalinafik, Allah ane wene ekhe mene oba mangorogo yagaisigik, ogorek lek. Afuni yoma inendawimo lombogen futninobagauwageluk he, wene ebe wene Allah eilhanem fakhogoat yagaisilik nikhi lago.

EFESUS 5:13

Yi mene ti mene fakhogo o selek oba fugunem, enegat agarek andi.

EFESUS 5:26

At Kristus nen a'nogo hilingitikhe andi re, nit Allah againafuri mondogat ninebe ninagambut pale'lek, ninagap pulangsek lek, fano logou hak, at eilhanem wene ninoba lekhogo, fano mondok tegelek logouwageluk, ninebe ima pelakninafunem, at Aweneba sobalogo ninobagaluk, at onggwarek faget fakhasikhesik ebe wa'lagaikhe andi.

EFESUS 6:17

Inunggul oa'ma inoasinogo iluk, inunggul asu haro mene salharek hak, Allah nen telninaferek mene andiat wanimbik salino. A'nogo salimbik he, weim yabuogeluk karok inenggimo waluk lagaikharek hak, Allah ane, Areagun en wo'nisikherek andi mene waluk laga logoino o.

1 TESALONIKA 2:13

Niren wene Allah ane a'nogo yagahisasugumo, hiren he, ”Wene andi afuni inane mene lego. We, Allah ane aro,” iluk wanhigip andi re, eberogoat Allah aneat wanhigibo. Andi nen nit kamo igi'lek Allah hai wato mondok welago. At Allah nen hit hinendawinggen Kristus oba himbiret fesigip mene halok hinendawimo kagalhu mondok welagarego.

1 TESALONIKA 5:23

A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.

IBRANI 13:7

Hinogogwi attak kwelakhinarek welagaukwa mene nen, Allah ane yagahisasukwa mene andi, inoba eberek logoino o. It inendawinggen Allah oba himbiret fuluk, inebe ineluk logolik inom, wa'lasuogeluk inom, hilingiti lagaukwa mene andi futfuluk, hit it inobabut waganogo hinendawinggen Allah oba himbiret fikhi logoino o.

YAKOBUS 1:18

Yi mene ti mene elalhikhe mene mondogat manggusa hangge re, nirat logouwageluk, at onggwarek endawimo anggaluk ane ebe wene andibaat ta'ninafikhemo welago.

1 PETRUS 1:23

Allah nen hobuk takhinafikhe andi, afuni wa'lagaikharek mene nen taginafarek andi hak takhinafikhe fuk. We, Allah eluk mondok logolik ane lek agi'lek logogin meneba takhinafikhe o.

WAHYU 1:16

Nen, enggi ebekwe re, hesagal ebe 7 nen fisogo welaga. Nen, ambelema nen karok enggat fena-fena mago mene wulibi waga laga. Elokhonggen amulit he, o lingge tulem mo tilelek-walelek yaterek andi hak were'ma neilenggen higi o.

WAHYU 19:15

At a'nogo nikhi logolik, afuni inunggulenu lombok mondogat mabenetfisagain mene, karok enggat hokho mene ambelema nen wulabi waga laga higi. A'nogo mabenetfisaluk sige tomuk posiemanggen omame hokho andi hak, at ane omameba afuni fakfisaluk, eisena Allah omame mondok hokho yi mene ti mene hilingisu hagenek a'nogo a'mage lagaluk, wene inoba fugunem anggur enggen amusu keraluogeluk obuluk oba sagalharek andi hak, at eisogen al perelinabigin mene higi.

WAHYU 19:21

A'nogo yerisikhi logolik, afuni it inagoromi mondogat herakfisaluk lagaikha mene, at wam kuda amboroba hurek nikhi laga a'nogo ambelema nen karok wulabi waga logolik inoati laga. A'nogo inebe warogo fisikhemo yi rue ti rue mondogat wagaikhasik, ineino inalabut ninghogo ninggi lagaikha isigi.

WAHYU 2:16

Nabit anggikhi lagi andi nen he, hit weak hilingiti lagep mene andi herakfisaluk hinobabut hebela'no o. A'nogo hebelagi'lek halok he, hit an karok nambeba mene nen hinoasigiluk weak-weagat wesigin o.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

WAHYU 20:4

A'nogo higiri'mo nen, ombo'ne re, ap kaindek inobuluk hokho were'ma andoma inebe hokhorogoat kain logolik, afuni ekhe inawe a'ma fisaluk ferinarek logolik wene inoba figik, kotik, ikhi logouwageluk eisewerek fisagama isigi. Nen, ekhe higi re, it afuni mene olomene hangge hokho mene a'nogo inom, ilirengge at ebe hangge hilingitarek a'nogo inom, fogerinafi'lek, enu hangge lisu palek a'nogo inendawinggen wenggelogo inelhaba hea? Inenggiba hea, wanhi'lek herakfisaluk, Yesus hilingiti lagaikhe mene yagaisilik nikharek mene faget inom, Allah ane faget inom, inalonggop palogo inoatukwa mene arat inambotkwe inelugetfisaluk menfisikhesik, at Kristus inom afuni ekhe inawe a'ma fisaluk ferinarek, mo lagagik pigik ugu kwelek 1.000 tahun welagaikha isigi.

HAKIM–HAKIM 3:16

Linggene misik sambul at Ehud en he pisok ekhe enggat fena-fena felfelenggerogo magaisogo ambisang merenghogo uanhogo re setengah meter hilingisogo fougetikhe. Fougetikhesik he, pisok a'nogo ouwa'ma enggi pikhit fikhit asu laberek mene nen salogo kwelakfesikhe.