IBRANI 4:11 - Allah Wene Fano Wene Hupla Inane

¹¹ It attak Allah ane hologo higithogo hilingiti'legen, set waligi'lek andi hak, nit ekhe it inobali'mo set walogo lek hanogoluk, ninomamerogo hilingiti logouwogo.

IBRANI 4:11 ပူးပေါင်းရင်းမြစ်များ

MATIUS 11:12

At Yohanes ima pelaginafi laga andi huli nen he, yogondak ya huli, it inobabut weak asialoksek mene nen, nineisena Allah nen awe a'ma fisikherek a'nogo inabiren mabenet fisuogeluk inomamerogo walhili'lagwi.

MATIUS 7:13

A'nogo yagaisasikhesik, ekhe mel yagaisasikhe: ”Wea'ma nong akha lagaikharek andi, kwe ambe palek andi hokhoat. Nen, kwe ebe yagoba lagaikharek andi esanggo langsegatma re, afuni hokhorogoat kwili'lagwi. Andi nen he, hit kwe endebat kelokhogo yago andiba kwi lani.

LUKAS 13:24

”It afuni hokhorogoat, kwe endep kwe kuogeluk walhogoin meneat he, elo'lek asigin andi nen he, hit kwe endep kwe andiba kubagaigen he, hinomamerogo hilingiti logoino o, iluk yagahisikhi lagi.

LUKAS 16:16

”At Yohanes ima pelaginafi lagaikhe mene a'nogo oan wagi'lek werek kwelek, wene Allah nen komotninafikhe mene a'nogo inom, it Allah ane yagaisikhi lagaukwa wene a'nogo inom, wene andiat esin welagaikhe. Mene re, at Yohanes wagaikhe andi huli nen he, fano wene Allah awe a'ma fisikherek wene a'nogo yagaisilik nugunem, afuni mondogaren wene wanuogeluk inomamerogo sebelik-sebelik kwi weri'lagwi andi.

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

KISAH PARA RASUL 26:19

A'nogo yagatikhesik, ekhe mel yagatikhe: ”Andi nen, Agripa noe. Allah nen Yesus nelokhoma menlasuageluk lakfei wagaikhe mene andi, ane hologo hilingiti logoigeluk nomamerogo hilingitu mondok welagi.

EFESUS 2:2

Andi sambul he, afuni yoma inobabut inetogat logolik hilingitarek hak hilingiti lagagip. A'nogo hilingiti logolik, munggwarengge inobabut weak mene inoe kain pogot abel manggwe yoma eisewerek logolik, afuni Allah ane inabiren inesanggo holharek lek mene inendawimo kwisikhesik yogondak inendawimo kagalhoat welagarek mene a'nogo ane hologo welagagip andi.

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

FILIPI 2:12

Nerugwi nagaila'lak. Hinebe nendawi e. An ninom logolik, nane hundik-handigat ugunem hologo hilingiti lagagip andi hagat an yogondak nebe weat werek kwelek, nane andiat esinet fuluk he, hologo mondok hilingiti logoino o. At Allah nen, hiren hilingiti logobagaigeluk, hinendawinggen wenggelogo hilinghinafunem, hit hinendawimo nen he: ”I, nit a'nogo hilingiti logou ninamolo,” iluk, Allah endawimo amolo mene hilingiti lagep andi nen, at ebe hinailorogo hinoak elekwe lei'leik ikhi logolik: ”Aren telninabigin,” iluk andi fagerat hilingitu mondok logoino o.

KOLOSE 3:6

It afuni Allah ane holu inabit mene nen inobabut a'nogoat hilingitunem, Allah a'mage lagambik, weagerinabigin werego.

TITUS 1:16

It andi nen he, ”An Allah ebe nelu o,” iluk, inane fakhogo ikhi logoligat he, ”Ebe ninonggot,” iluk, u hak, komore'legat, Allah abit mene hilingiti logolik, yi mene ti mene fanorogo hilingisu re, elo'lek werek andi.

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.

IBRANI 3:12

Halok he, nerugwi nagaila'lak. Hit ekhe hinobabut weak a'luk, hinendawinggen Allah eluk mondok welagarek mene oba himbiret figi'lek logolik, at ebe herakfisaluk hinambotkwe wulibi lanogo iluk, hinobabut hebelogo logoino o.

IBRANI 3:18

Allah nen wenagisikhi logolik hombuk yi'nogo palhikhe: ”An nen, hit set walogoin, iluk abok yagahisasigi a'nogo, set walogoin mondok lego,” iluk yagaisasikhe andi sani nogo. Andi re, it afuni Allah ane hologo higithogo hilingiti'lek herakfisikhi lagaukwa mene omanogoat anggigi.

IBRANI 4:6

Omanggum he, iren fano wene andi inesanggo holhukwasigat he, hologo higithogo hilingiti'lek andi nen, Allah nen he, ”It set walogoin,” isikhe andi, set ebe waligi'lek. Andi halok he, it afuni hunogoat mene ekhe elok set walogoin, iluk futfogoin o.

IBRANI 6:11

Nerugwi nagaila'lak. Nit ninendawimo ninamolo re, hit hinendawimo nen he, ”Allah nen nit fanotninabigin,” iluk hinendawimo hinagaiyek anggikhi lagep mene andiat anggikhi logombik, huli wurep oba eise asubagaigen he, hilingiti lagep andi hagat hinebe lombok hinomamerogo hilingitu mondok logogun ninamolo anggikhi lago o.

YOSUA 7:3

inambotkwe wagaukwasik Yosua yagasi wagaukwa. Iren ikhi logolik he, ”O Ai andi re nit ninebe abirengge nen pin ku lek hak, we ap inebe dua, tiga ribu hakhogo nek lakfisogoin fano. O kota andi re we endebat hilingi'mo ap tentara mondogat lakfisa fuk.” iluk yagatukwa.

2 PETRUS 2:6

Nen andi higirat he, afuni hobuk Allah inabit a'luk weak hilingiti logogun mene inendawimo nen he, ”Nit ninobabut a'nogo hilingiti logogun halok, Allah nen herakninobagagi'lek a'nogoat ninoasigin higi,” iluk futfikhi logouwageluk, afuni o Sodom Gomora mene inom, Allah nen wene inoba fisasikhesik mondok felelenghogo enduba inoatikhe andi.