IBRANI 4:1 - Allah Wene Fano Wene Hupla Inane

¹ Andi halok he, Allah nen againafuri set waloageluk abok yagaisasikhe mene andi lek agi'lek werek kwelek hobuk nit set waloageluk wo'nisagain oba andoma hit ekhe kwigi'lek kamo inogo iluk hinailorogo logolik higithogo hilingiti logoino o.

IBRANI 4:1 ပူးပေါင်းရင်းမြစ်များ

AMSAL 14:16

Ap hebelek mene nen he hundik ogal fakhikhi logolik weak mene herakfisagarek, oba nen ap kembu mene nen he ina'mage lagagu mene a'nogo hilingfuluk enek he inoba lombuk ikherek.

AMSAL 28:14

Hineisena Tuhan legeisogo fikhi logogun halok, ambisangma fano logogun. Nen haren At ane oak sagaligin halok, hat hebe alomat lasigin.

YEREMIA 32:40

An nen wene mondok-mondok wasigin mene andi re it ninom wasugun. An nen it inoba fanorogo hilingfisugu mene andi re palfagain lek. Iren An oboget nealuk lanogoluk he inendawinggen abirengge nen An noba inailorogo welagik, esinet nobagaluk legeisogo nobagagik, hilingiti logouwageluk hilinginabigin.

BILANGAN 14:34

Hit o andoma hineil peneti logolik, hinenggi 40 hari welagepsik wagep mene andi, weak hilingiti lagep andi nen wene 40 tahun oba logolik weak hikhi logogun aro. Hinenggi welagep mene andi, misik sambul welagep faget, tahun misigat mene emberek higit aga iluk wenasugun o. Hiren An heraknobagaluk ninom weim kagalhi lagep andi nen, wene hirat hinoba agunem hinelu asigin o.

MATIUS 24:48

Meneat he, at amingmingengge mene andi, obabut weak halok he, endawimo nen, ”Noe a'nogo weak-weak weri'logo lek. Logombigen wesigin higi,” iluk,

KISAH PARA RASUL 3:19

Andi nen he, hit weak hilingiti lagep mene andi, nineisena Tuhan Allah nen sebelogo legetfisaluk, hinendawinggen faget hineilenggen fanorogo hilinghinabi wagik, aren he, Kristus hinebe telhinaferek mene hinoba lakfei wesigin, iluk wene warisasikhe a'nogo ebe Yesus andiat hinoba hobuk lakfei wagik, uagen he, hinobabut hebelasimbik hinelokhe Allah wogo'no o.

ROMA 11:20

A'nogo higirat anggikhi lagep meneat he, hinendawimo ebe'ni. It inendawinggen Allah oba himbiret figi'legen palogo lakfisasikhe. Mene re, hit enek he, hinendawinggen Allah oba himbiret fesigip andi nen wokhinafikhemo welagep andi. Halok he, hinonggwaregen fogerakhigi'lek, hinailorogo logoino.

ROMA 3:23

Nit afuni mondogat attagaren weak hilingitorek andiba, Allah ebe fogeratu mondok welagaikharek mene andi herakfisaluk ninale'ma yatma asi lagagusik welago.

1 KORINTUS 10:12

Andi nen he, hat ekhe hendawimo nen: ”An nendawinggen wurik, mendek welagi o,” iluk anggegen halok he, sanokhogo lagi hanogoluk hafe hebelogo logoino.

2 KORINTUS 6:1

At Allah nen he, mel isikhemo lisu palogo fesukwama werek: ”An nen, hit hinane nesanggo holigin anggigibaat holhi o. Hinebe telhinabigin higithogoat lebethisa wagi o,” iluk isikhe andi re, Allah nen ninane esanggo holigin he, o yogondak ya aro. Nen, ninebe telninabigin he, o yogondak ya aro, iluk hinendawimo ebe'nio. Halok he, nit Allah ninom at faget hilingiti logolik he, at obabut fano nen endawithinafikhemo, at ebe wanhigip a'nogo, we tulemat alomatubo, iluk komothinafi lago andi.

GALATIA 5:4

Hit ekhe nen he, ”Wene Allah nen komotninafikhe wene andiba futfuluk, aren he, wene ninoba mene korogo wokhaluk, ninom hobuk ninambotkwe hunogo ninobagauwak,” iluk hilingiti lagep halok he, Kristus hinom heget lagepsik he, at Allah obabut fano nen wo'nisikherek mene a'nogo herakfisaluk wulifep andi.

2 TIMOTIUS 2:13

Mene re, At onggwaregen, ”An nobabut attak welagi mene andi lego, iluk hunogoat munenagarek lek andi nen, nit At oba hundik logogun lek halok, aren nit ninoba hundik mondogat welagarego,” iluk, agarek andi eberogo aro.

IBRANI 12:15

Afuni hit mene ekhe Allah obabut fano nen wo'nisikherek mene andi herakfisaluk wulifunem he, awingge awi ale weak mene fulelek were'ma, fano mene oba a'luk alet fikherek andi hak, at andi nen afuni mondogat weagerinabinogo iluk hineilenggen fanorogo logoino o.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

IBRANI 13:7

Hinogogwi attak kwelakhinarek welagaukwa mene nen, Allah ane yagahisasukwa mene andi, inoba eberek logoino o. It inendawinggen Allah oba himbiret fuluk, inebe ineluk logolik inom, wa'lasuogeluk inom, hilingiti lagaukwa mene andi futfuluk, hit it inobabut waganogo hinendawinggen Allah oba himbiret fikhi logoino o.

IBRANI 3:11

an na'mage lagaikhesik hombuk palogo wenagisikhi logolik, An nen, Hit set walogoin, iluk abok yagahisasigi a'nogo, set ebe walogoin mondok lego, iluk yagaisasigi,” iluk isikhemo Allah Areagun en yagaisasikhemo lisu palogo fesukwa.

IBRANI 4:11

It attak Allah ane hologo higithogo hilingiti'legen, set waligi'lek andi hak, nit ekhe it inobali'mo set walogo lek hanogoluk, ninomamerogo hilingiti logouwogo.

IBRANI 4:9

Allah nen yi mene ti mene elalhi lagaikhesigen, hobuk katokhogo enggi sabit oba set walasikhe andi hak, nit at againafuri set walogoin mene halok ninebe lombok yi mene ti mene ninonggwarek faget hilingiti lago mene arat katokhogo set walogoin mene weregaro.

1 SAMUEL 2:30

An hit afuni Israel hineisena Tuhan Allah nen attagat wene wathisikhi logolik: Hit hinagainafuri inom, iren tagomangge mene inom, inebe An eisewerek a'luk mondok logogun o, iluk wene warisasigi andi. A'nogo meneat he, afuni An agaugwetnabugun mene halok An nen it agaugwerinafirek, nen inendawimo seramet nobagagu mene halok An nen seramet fisigiregat, andi nen he yogondak An nen wene warisasigi mene andi herakfisagain o.