At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.
IBRANI 3:6 - Allah Wene Fano Wene Hupla Inane6 Meneat he, at Yesus enek he, Allah ebe amlogo andi nen he, at eiseweregenat hilingiterek. Nit fanotninabigin wene andi faget ninendawinggen ninghogo oba himbirik mondok logogun halok he, Allah awi wurik andi, nit ninebe aro. အခန်းကိုကြည့်ပါ။ |
IBRANI 3:6
46 ပူးပေါင်းရင်းမြစ်များ
”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.
At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,
Halok he, fano wene hinesanggo holhigipsik he, hinendawimo nen: ”Hobuk fano asigin,” iluk, anggasigip mene andi, hinendawinggen abolok iluk kobokhogo herakfisigi'lek ninghogoat fisogo logoino. Fano wene andi, aren o yi awi ti awi afuni inebe mondogat yagaisasikhe wene andi yagaisilik nikhi logouwageluk, an Paulus nayonggo fesikhe andi.
Nerugwi nagaila'lak. Nit ninendawimo ninamolo re, hit hinendawimo nen he, ”Allah nen nit fanotninabigin,” iluk hinendawimo hinagaiyek anggikhi lagep mene andiat anggikhi logombik, huli wurep oba eise asubagaigen he, hilingiti lagep andi hagat hinebe lombok hinomamerogo hilingitu mondok logogun ninamolo anggikhi lago o.
Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.
Hiren attagat, at ebe hineilenggen higi'lek meneat he, ebe hinendawi welagep andi. A'nogo logolik, yogondak ya hineilenggen higi'lek meneat he, hinendawimo nen, ”Hobuk fano mondok hilingninabigin,” iluk hinaneba ninggi'nogo pilingisogo u heat logolik, hinendawimo hinagaiyek hokhorogo hikhi lagep andi.
A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.
A'nogo yaganetesik hobuk mel yaganete: ”An Allah amlogo neilenggen endu amulok hangge, nen, neisok he, tembaga endumo weratunem amulit papaget hikherek andi hangge a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Tiatira andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino:
Sa nen an namolo mene hilingitu mondok huli o wurep oba omame asi lagain halok he, an neisena nen afuni inunggulenu lombok, an nen ferinarek logouwageluk mennobagaluk eisewerek nobagaikhe andi hak, at omame asi lagain mene andi a'nogoat ferinarek logouwageluk menfuluk eisewerek foumo, afuni nen sige tomuk posiemanggen meneba kweang haroweak mene tamuk-tamakhogo hilingitarek andi hak, at ane omamerogo yagaisikhi logolik, ferinarek logogin o.
ကြော်ငြာတွေ