IBRANI 3:17 - Allah Wene Fano Wene Hupla Inane

¹⁷ Nen, o mo lagagik, pigik, ugu kwelek, 40 tahun oba logolik, Allah a'mage sani inoba fikhi lagaikhe nogo? It andi re, weak hilingiti lagaukwama, o leimo afuni le'ma mondok wa'larik wagaukwa omanogoat anggigi.

IBRANI 3:17 ပူးပေါင်းရင်းမြစ်များ

MAZMUR 95:10

A'nogo hilingitu were'ma 40 tahun huli logolik he, An nen it inobaget hebak naferogo kumurisikhi lagagisik, An nen ikhi logolik he: ”Ibi eberogo nen afuni inunggulenu yi inap he inendawinggen An noba tibet fuluk hilingiri'lagwi lek! An nen yi'nogo hilingiti logoino ti'nogo hilingiti logoino iluk yagaisikhi lagi mene a'nogo sagal fuluk enek hilingiri'lagwi.

YEREMIA 9:22

A'nogo inoatunem, inebe warek he wusa yogolhi logolik engga finhigik herakfisagarek hak, athe gandum enggen palhigik hele keralhi'lek hesangge herakfisagarek andi hak, inebe yugunat wathigik lakfisamo re o ekhema-ekhema ap warek enek kabok igin o. A'nogo hilinglasigin wene andi kamo igi'lek yagaisano o, iluk Tuhan nen an yaganetemo yagahisigi o,” iluk yagaisigi.

BILANGAN 14:22

An nombak-bak mondok yararethigirek mene andiba, iren futfouwageluk, elalin mene o Mesir en hilingitunem ineilenggen higik, o leimo afuni le'ma nen hilingitunem ineilenggen higik, ili'lagwi meneat he, An nane hologo hilingisu mondok inabit logolik, iren he, omame werega? Lega, iluk nobabut paluogeluk lalnafu mondok werek andi nen, afuni it aroma mene ebe eluk ekhe inom hogo logombik, An nen o it inombalak wogisageluk wene warisasigiba andoma logoin mondok lego.

BILANGAN 14:28

Halok, iren a'nogo yagahisugu halok, hiren he, nineisena Tuhan nen mel ikhe, iluk yagaisano: An nen he, hiren yaganeti lagep andi higithogoat hilinghinabigiluk, An nonggwarek nebe netok mondok welagirek mene nenu hombuk palogo yagahisigi o, iluk, An hineisena Tuhan nen arat yagahisigi.

BILANGAN 14:29

Hiren an na'mage lagauwageluk, yigini'mo yoma nabire, iluk arat yaganetebo. A'nogo yaganetep andi nen, hit hinebe mondok wa'lasimbik, warek o leimo afuni le'ma yoma yalin-talin herakhinobagagin o. O An nen hit wokhisageluk wene wathisasigiba andoma hinebe umur 20 tahun huli abel ponggwe mene misik halok ekhe kugun mondok lego. We, it Kaleb Yosua emberek enek kugun o.

YUDAS 1:5

Wene yagahisagain yi, attagaren hinelu meneat he, hobuk hinendawimo ebethisagain andi. Ninoe Enupogoren againafuri Israel mene o Mesir were'ma telinafikhe meneat he, hobuk it mene ekhe inendawinggen at oba himbirik welagaukwa lek mene re inebe inoatikhe.