IBRANI 2:9 - Allah Wene Fano Wene Hupla Inane

⁹ Meneat he, at Yesus enek he, arat kain menfesikhemo werek hikhi lago. Allah obabut fano nen, Yesus afuni mondogat faget wa'lasuageluk malaikat inenuwerek esin hangge werek kwelek, at enu lek hangge hilingisogo fesikhemo, ebe yi enggin ti enggin hilik-hilik wa'lagaikhe andiba, Allah nen at enuwerek kain menfesikhemo werek andi.

IBRANI 2:9 ပူးပေါင်းရင်းမြစ်များ

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

YESAYA 11:1

Raja Daud ambisangmangge mene re e mukfugu mene hak. Oba nen he, e ebe mukfugunem andimiba nen asimit suphogo lagaikherek andi higit hobuk Daud ambisangmangge mene nen raja ekhe weinam asigin o.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

MATIUS 16:28

Nen, hit mendek welagep yoma mene ekhe wa'lagi'lek logolik, an abat ta'lasi wagagi a'nogo kain nenupogot logoigeluk afuni mondogat nawe a'ma inobagai wagunem hineilenggen neogoinaro, iluk eberogoat yagahisigi, iluk yagaisasikhe.

MATIUS 6:28

Hit he, su hinagap oba labesugun andi fagerat nenahalok hinendawi fiti lagep. Enggen mulinggen-molanggen o leikwe iterek a'nogo futfeni. Enggen andi oan isigeluk he, set kwil-kwalhogo hilingitik, yo lalogo su hak itik, ikherek mondok lek.

MARKUS 9:1

A'nogo yagaisasikhesik he, wene ekhe mel yagaisasikhe: ”Hit ninom mendek welagep yoma mene ekhe wa'lagi'lek logolik, Allah omamerogo awe a'ma fisugunem hineilenggen arat hogoin o, iluk eberogoat yagahisigi,” iluk yagaisasikhe.

LUKAS 9:27

Nen, hit welagep mene yoma ekhe wa'lagi'lek logolik, Allah awe a'ma hinobagagin mene a'nogo fisugunem hineilenggen hogoin o, iluk eberogoat yagahisigi,” iluk yagaisasikhe.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

YOHANES 10:17

An wa'lagunem nambotkwe neluk asigeluk nebe wa'lasigin anggigirek andi nen he, Neisena nen An endawinggen hundik welagarego.

YOHANES 12:32

An nebe kweangma yoma mennobagaumo re, an nen afuni mondogat lithigik woginarek nonggwarek noba fisa wesigin o,” iluk yagaisasikhe.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

YOHANES 8:51

Nen, ap sa nen an nane hologo hilingiti logogin halok he, wa'lagi'lek eluk mondok logogin o, iluk eberogoat yagahisigi,” iluk, yagaisikhi lagaikhemo,

YOHANES 8:52

it ap Yahudi mene omanogo nen he, mel yagatukwa. ”Ap Abraham inom, ap Allah ane yagaisikhi lagaukwa mene omanogo inom, arat wa'larik lagaukwa meneat he, haren ikhi logolik, ap sa nen an nane hologo hilingiti logogin halok, wa'lagi'lek eluk mondok logogin o, iluk egen andi nen he, munggwarengge obabut weak mene eberogoat hendawimo kwikhesik werek, iluk futhobagogo.

KISAH PARA RASUL 2:33

At ebe Allah nen eluget fikhesik, era'lu kain logouwageluk menfikhemo werego. Logolik, Allah nen, Nareagun wokhisagain, iluk wene wa'nisasikhe hagat Yesus wogetemo, aren hokhorogoat nit ninoba pelakfei wagama re, nit hilingitunem hineilenggen nisigik, hinesanggo holhik, ikhi lagep andi.

KISAH PARA RASUL 3:13

Nineisena Allah andi, Abraham inom, Ishak inom, Yakub inom, ninombalak ekhe inom, ineisena Allah andi nenat he, amlogo Yesus esinet fesikhe andi. Mene re, hiren, it ekhe nen wasuageluk inenggiba fegepma re, at Pilatus nen enggi hele fikhalogo wulakfeigeluk ugunem, hiren he, Ap andi ninabiro, iluk egep a'nogo.

ROMA 5:18

Wene igi andi re, mel igi anggigi. Ap ekhe nen Allah ane sebelogo weak misigamat hilingitikheba, wurep oba re, afuni mondogat wene inoba fesikhesik weagetfisasikhe andi hak, ap ekhe nen Allah ane hologo higithogo misigam faget hilingitikheba, wene afuni mondogat inoba mene korogo wokhigik, inelugerinafik, isikhe.

ROMA 5:8

A'nogo meneat he, at Allah ninebe endawi nen hilingiterek andi enegat asuageluk, nit weak hilingitu were'ma, Kristus ebe wo'nisasikhemo ninobali'mo wa'lagaikhe andi.

ROMA 8:3

Attak he, Allah nen komotninafikhe wene a'nogo, nit afuni ninobabut lebelek andi nen he, fano hilingninabu elo'lek agaikhe. Elo'lek agaikhemo re, nit afuni ninobabut weak hilingitu were'ma, Allah onggwarek amlogo nit hangge hilingla'luk, nit weak hilingitorek mene andi wene oba fesikhesik sebelfisoageluk lakfei wagaikhemo sebelfisasikhe andi.

ROMA 8:32

At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.

2 KORINTUS 5:15

Nit mondogat faget wa'lagaikhe andi re, nit ninebe ninonggwarek faget nineluk logouwageluk wa'lagaikhe fuk. We, nit ninebe at faget logouwageluk, at ebe nit faget wa'lagaikhesigen ambotkwe eluk agaikhe andi.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.

1 TIMOTIUS 2:6

At Kristus afuni mondogat weak hilingitorek andiba hele warogo fetninarek were'ma hele fikhalogo telninabigeluk onggwarek eranen, ”Nebe noasuak,” iluk wagaikhe andiba, Allah endawimo nen he: ”Afuni mondogat telinabigin,” iluk anggikherek mene andi, enegat asigin higithogoat enegat agaikhe andi.

IBRANI 1:9

Nen, hat hobabut he, higithogo nek hilingitendek andi mene hilingiti logolik, weak hilingiti logogun mene hapsiri andi nen he, hagaila'lak hinom welagep mene inawe a'ma hangge werek kwelek, hat enek he, hunggul oba amusu kweisalogo menhobagasigi andi nen he, hendawimo hagaiyek hokhorogo anggikhi logoino,” iluk yagatikhesik,

IBRANI 10:5

A'nogo hilingiti lagaukwa andi nen, at Kristus kweangma pi waga logolik, Allah mel yagatikhe: ”Hat he, afuni nen wam wathetik, yi mene ti mene wokhetik, agarek andi mene wokheti logogun habit andi nen he, an nebe afuni hangge hilingisogo nobagagin yi o.

IBRANI 11:5

At ap Henokh endawinggen Allah oba himbirik welagaikhe andiba, ebe wa'lagi'lek. We, Allah nen elugat wanhikhemo, it afuni ekhe nen ebe heratukwa meneat he, ineilenggen higi'lek. At ebe a'nogo oan wanhi'lek werek kwelek, ”At Henokh Allah endawimo fanorogo nek hilingiti lagaikhe,” iluk isukwama Allah aneba lisu palek werek.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

IBRANI 2:7

Inenggi endebat oba elama faget it malaikat mene inenuwerek esin hangge werek kwelek, nit ninenu lek hangge hilingisogo ninobagagin meneat he,

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

IBRANI 8:3

It ap Allah eisewerek inogogwi kaindek inebe lombok menfisagarek andi re, yi mene ti mene Allah wogetik, inanggo waretik, ikhi logouwageluk menfisagarek andi hak, nit ninoe kain Allah eisewerek andi re, yi mene ti mene ekhe nit faget Allah wogosuageluk werego.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

1 YOHANES 2:2

At ebe a'nogo logolik, nit yi weak ti weak hilingitorek mene sebelogo legetfisaluk, ho'ninaferek. A'nogo hilingiterek andi re, nit weak hilingitorek mene faget enek fuk. Athe, yi afuni ti afuni kweangma mene mondogat weak hilingitarek mene faget ninomat ho'ninaferego.

WAHYU 19:12

Ap andi eilenggen he, endu amulok hangge, nen unggul oba re, kware-kware ebe hokho ap kaindek inenupogot ikfisagarek andi hangge ugu. Nen, at enu salek hangge ekhe hunogo mene at ebene lisu palek were'ma afuni mondogat inonggot, we, at onggwarek enek elu mene lisu palek welaga higi.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.