IBRANI 2:3 - Allah Wene Fano Wene Hupla Inane

³ Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

IBRANI 2:3 ပူးပေါင်းရင်းမြစ်များ

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 20:6

Andem oba re, afuni i laut esanggokwe werek mene nen ikhi logolik he, ”Raja Asyur meneba nen nit ninalong palek logouwageluk inunggulenu andi mene inoba himbirik welago mene a'nogo hani. Nit he ninagap telninabu elo'lek hilinglaga andi o,” iluk ikhi logogun.

YESAYA 51:5

An nen inagap teligin oba a'nogo arat horok asi waga, An nalong asigin sambul a'nogo horogabesi waga. An namu nenat it inunggulenu ekhe mene-ekhe mene andoma melalinafi logogin. O sili yat-yatkwe werek mene andoma re An nenangotnafik, An nen mondok elalinhogo hilingiti lagi mene omanogo faget inendawinggen eberek welagik, hilingitu werek.

YESAYA 51:8

It mondogat he su eluk- elugengge nen palherek andi hak, kain domba esi mene pel-pel en palhunem hangge mondogat legasugun o. Oba nen he, inagap telhu mene An nen wogisagain mene andi re mondok-mondok logogin, nen An nen inalonget fisagain mene andi re hinerembul oba andoma mondok-mondogat logogin o,” iluk ikhe.

YESAYA 62:11

Tuhan en afuni o kweang wurep-wurep welagaikharek mene andoma inoba yagaisoageluk wene yi'nogo warogo fikhe, ”Afuni Sion werek mene inoba yi'nogo yagaisano, ’Tuhan hinagap teligin mene a'nogo weri'logo a'li hani! It afuni fikhalogo fisasikhe mene omanogo inom seberogo weri'lagwi a'li,’ iluk yagaisani,” ikhe o isikhe.

YEHEZKIEL 17:15

Oba nen he raja Yehuda mene wene oak sagalimbik ap yonggo o Mesir andoma nen no kuda inom ap tentara inom, hokhorogo wogosuageluk lakfisagain. At hobuk omame asigin a? At heise wilibuageluk herakfisogoin a? Ap wene wate mene a'nogo oak sagalhe halok unggum oba figi'lek elok wilibu hak nogo? Elo'lego!

YEHEZKIEL 17:18

Andi re aren ane hombuk palhe mene inom, wene wate mene inom, taganhogo hilingitemo re at ebe heise polokhogo wulibigin lek.

MATIUS 23:33

Hit kisu nen tagongge mene hinebe kisuat welagep yoma ri! Afuni Allah nen wene inoba fembik endu ai'mo hokhorogo lakfisugunem hit heise wulibugun nogo? Elo'lego.

MATIUS 4:17

Lagai wagaikhesik logolik, huli andi huli nen, afuni andoma yagaisikhi logolik he, ”O Allah awe a'ma hinobagagin mene a'nogo yogondak arat horogasi waga o. Halok he, weak hilingiti lagep mene herakfisaluk hinobabut hebela'ni o,” iluk yagaisilik nikhi lagaikhe.

MARKUS 1:14

Hobuk he, Yohanes a'nogo enggi hele warogo fesukwama, at Yesus o Galilea tonggwe lagai wagaikhesik he, Allah ane fano wene a'nogo yagaisilik nikhi lagaikhe.

LUKAS 1:69

Telninabuageluk he, at amingmingengge Daud en tagongge mene omame werek mene menfikhemo werek yi.

LUKAS 24:19

at Yesus nen he: ”Wene andi ninggi'nogo hilinglaga mene egen,” iluk yagatikhemo, it aremnogo nen he, mel yagatukwa: ”Ap enu Yesus, awi o Nasaret mene andi, ebe Allah ane yagaisikherek meneat logolik he, Allah eilhanem, nit afuni mondogat nineilhanem, wene yagaisigik, yi mene ti mene hilingitik, omamerogo ikhi laga meneat he,

YOHANES 15:27

Aren an nabok a'nogo ugu kwelek, hit ogo re, an hit ninom attagen welagorek andi nen he, hiren fakhogo yagaisikhi logogun aro,” iluk yagaisasikhe.

KISAH PARA RASUL 2:22

Mene re, hit Israel mene nerugwi nagaila'lak. An nane igin yi holini. Yesus aiba Nasaret mene a'nogo Allah nen ayonggo fesikhemo, ninom logolik, wene futfouwageluk hilingisu lek mene Allah nen enggi omamerogo elalinat hilingiti lagaikhe andi re, ebe Yesus nenat hilingiti lagaikhe. Halok he, Yesus Allah nen lakfei wagaikhemo, iluk enegat agaikhe andi hinelu.

KISAH PARA RASUL 4:12

At Allah nen, nit afuni kweangma yoma mene at ekhe nen telninabuageluk enu yaganisigi'lek andi nen he, alegat mene nen telninabigin elo'lego. We, at Yesus nen telninabuageluk, at alegat enu yaganisasikhe andi,” iluk yagaisasikhe.

ROMA 11:14

An nerugwi nagaila'lak ninunggulenu misigat mene, Allah nen fena telinabuageluk, an nen a'nogo hilingiti lagi andiba, ina'mage lagaluk wene paluageluk hilingiti lagi.

ROMA 2:3

Hit nerugwi nagaila'lak yi. Hiren, it ekhe weak hilingitunem wene inoba fikhi logolik he, hinonggwarek ogore, it hilingiri'lagwi hagat hinom higirat hilingiti lagep yi ri! Hit hinendawimo nen he, ”Allah nen wene ninoba figi'lek herakninobagagin,” iluk anggikhi lageba? Wene hinoba fagain aro.

1 KORINTUS 1:21

At Allah endawimo mondok kagalek andi nen he, mel isikhe: ”Afuni kweangma mene nen, inonggwarek inawene kagalogo agarek andi nen he, an nebe inelu asugun elo'lego. We, it ekhe nen wene ebe wene yagaisilik nugunem, it afuni kweangma mene nen anggikhi logolik he, Wene andi afuni kembu mene nen agarek hangge ili'lagwi, iluk ugu kwelegat he, it ekhe nen, wene andi eberogoat, iluk anggogoin mene halok he, an nen telinabigin aro,” iluk oba liok isikhesik onggwaregenat isikhe.

1 TESALONIKA 5:3

Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.

1 TIMOTIUS 1:15

Afuni weak hilingitu were'ma Kristus Yesus nen ninebe telninabigeluk kweangma yoma pi wagaikhe iluk igi andi, afuni nen he, ”Wene andi eberogoat,” iluk furogo wanugun mene. Afuni ekhe weak endebat hak hilingitarek meneat he, an enek he, weak hokhorogo mondok hilingiti lagagi andi.

TITUS 2:11

It mondogaren a'nogo hilingiti logogun andi re, Allah obabut fano nen yi afuni ti afuni mondogat telinabigeluk ili'logo mene andi obabut enegat weinamet fesikhemo werek andi nen aro.

IBRANI 1:1

O attagat, at Allah nen it ap at ane yagaisikhi lagaukwa mene omanogo enggi hundik-handigat wene at ekhe yagatik, at ekhe yagatik, hunogo-hunogoat yagaisugunem he, iren nit ninambu ninombalak yagaisikhi lagaukwa.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

IBRANI 1:2

Meneat he, o wurep oba, nit yogondak welago yaba re, Allah nen wene andi amlogo yagatikhemo, aren nit yaganisa wagaikhe. Amlogo andi re, eroba Allah nen yi mene ti mene mondogat elalhikhe andi, ebe at amlogo nenat elalhikhemo, eisewerek logouwageluk menfesikhemo welagarek andi.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

IBRANI 4:1

Andi halok he, Allah nen againafuri set waloageluk abok yagaisasikhe mene andi lek agi'lek werek kwelek hobuk nit set waloageluk wo'nisagain oba andoma hit ekhe kwigi'lek kamo inogo iluk hinailorogo logolik higithogo hilingiti logoino o.

IBRANI 4:11

It attak Allah ane hologo higithogo hilingiti'legen, set waligi'lek andi hak, nit ekhe it inobali'mo set walogo lek hanogoluk, ninomamerogo hilingiti logouwogo.

IBRANI 5:9

A'nogo yanggulhi logolik, wurep kobokhogo hilingitikhemo nit at ane hologo logogun mene halok ninebe mondogat nineluk mondok-mondok logouwageluk at ebe telninaferek mene ero hilingisogo fesikhe andi.

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.

1 YOHANES 1:1

Wene lisu palogo hinoba lakfei wago andi ebe re, ebe wene ninelugetninaferek mene o attak eroba nen welaikhe a'nogo mene. Wene andi ebere nit arat ninesanggo holhik, nineilenggen tomok higik, yerogo welagik, ninenggi fakhigik, isugu mene a'nogo aro.

YUDAS 1:17

Menere, nerugwi nagaila'lak. Hinebe nendawi e. It ap ninoe Enupogot Yesus Kristus nen inayonggo fuluk lakfisa wagaikhe mene nen wene fageat yagahisasukwa mene andi hinendawimo ebe'no o.

WAHYU 7:10

”Nineisena Allah kain obuluk oba welagendek mene, wau waia Domba Eak hemberek, wau waia Telninaferek mene ero hirat welagep,” wau waia ue iluk endawi wati lagaikha isigi.