IBRANI 2:2 - Allah Wene Fano Wene Hupla Inane

² Wene andi, nit ninambu ninombalak yagaisoageluk, Allah nen it malaikat inayonggo fuluk lakfisa wagaikhemo yagaisasukwa mene eberogoat hilinglagaikhe. Nen, it ekhe wene andi hologo higithogo hilingiti'lek mene, inebe lombok wene higithogoat inoba fuluk weagerinafi lagaikhe andi.

IBRANI 2:2 ပူးပေါင်းရင်းမြစ်များ

MAZMUR 68:17

Hat hebe handom punu-punungge andomaba nen, o Sion Punuba At Allah ebe werek oba iluk wenagaisogo fakhasikheba a'nogo heilenggen lourogo yerogo welagen andi re nenahalok? At Tuhan he o andoma mondok-mondok logogin o.

BILANGAN 11:33

Sue ebe nunggu kwelegat mondok hokhorogo oba saluk sik-pik isikhemo Tuhan a'mage afuni omanogo inoba fesikhesik, ou wia ou weak mene inoba lakfei wagaikhe.

BILANGAN 16:49

Andi sambul afuni wa'lagaukwa mene wenagaisogo re 14.700 nen wa'lagaukwa, andem he it hun Korah agoromi inom wene sagalogo fesukwama wa'lagaukwa mene aremnogo inom he lek.

BILANGAN 21:6

A'nogo ikhi lagaukwama, At nineisena Tuhan nen he, kisu afuni inebe inoaterek mene hokhorogo it afuni Israel mene inanggele'ma lakfei wagaikhe. A'nogo lakfei wagaikhemo, aigen afuni Israel mene palinafikhemo inebe hokhorogoat wa'lagaukwa.

BILANGAN 25:9

Palagaikheba nen he, andi hilingitu kwelek afuni wa'lagaukwa mene re inebe 24.000 nen wa'lagaukwa.

KISAH PARA RASUL 7:53

Nen, it malaikat Allah nen yonggo pelakfisa wagarek mene omanogo nen wene Allah nen komotninafikhe wene andi, hirat wokhisasukwa meneat he, hinesanggo hologo hilingisu hinabirat welagep andi,” iluk yagaisasikhe.

GALATIA 3:19

Halok he, Allah nen komotninafikhe wene andi re nenahalok wo'nisasikhe nogo? Nit afuni weak hilingitu welagagu mene andi faguageluk komotninafikhe andi. Mene re, wene andi Abraham en tagongge mene ekhe wogosigin iluk, abok yagatikhe a'nogo, at Kristus oan ta'lagi'lek werek kwelek elama faget wene komotninafikhe wene a'nogo, malaikat en Musa yagatunem at ebe hulisanem logolik afuni yagaisoageluk he, malaikat inayonggo fuluk lakfisa wagaikhe andi.

ULANGAN 17:12

Ap sa nen ekhe it imam mene omanogo ogo, at wene katokhogo palherek agun yabu hilingiti logolik werek mene a'nogo ogo inane sagalhu halok he, ap andi oba wene fuluk ebe pinggi wa'no. A'nogo hilingisugun andiba re kwanirek mene hit Israel mene hinanggele'ma hilingiri'lagwi mene andi legasigin.

ULANGAN 17:2

Hit hinesanggo holhugunemen ambi o kota misik oba ekhe, aben ogo, helime nen ogo Tuhan Allah elokhoma weak hilingiti logolik,

ULANGAN 17:5

ap kwanirogo hilingite mene andi re o kota abel endakwe fikhit waluk wulibi laluk, helep oba ebe pinggi warogo feino.

ULANGAN 27:26

’Ap ekhe nen obabut hilingituba Wene melalek inom yi'nogo ti'nogo hilingi'no iluk Allah nen ikherek mene a'nogo inom hilingite lek halok he homan ugu logouwak,’ ugunem. ’Amin!’ Ikhi logogun iluk yagaisasikhe.

ULANGAN 32:2

An nen yagahisagain mene, meiso hangge pi wesuak, nane igin mene andi lilengge hangge yenggelasuak, meiso henanggikil hangge, engga helenggaba pi wagarek hak, andi hangge hilinglasuak, Meiso kweangma yi mene ti mene, yagokwe yenggelherek hak, andi hak hilinglasuak.

IBRANI 1:1

O attagat, at Allah nen it ap at ane yagaisikhi lagaukwa mene omanogo enggi hundik-handigat wene at ekhe yagatik, at ekhe yagatik, hunogo-hunogoat yagaisugunem he, iren nit ninambu ninombalak yagaisikhi lagaukwa.

IBRANI 10:28

Wene Allah nen komotninafikhemo, at Musa nen yaganisasikhe wene andi, it afuni nen hologo higithogo hilingiti'lek sagalogo herakfisugu halok, afuni inebe pire a, henagan a, ”Nit nineilhanem iren eberogoat wene andi sagalogo herakfisaga o,” iluk fakhogo ugu halok, inendawirinafi'lek inebe mondok inoati lagaukwa anggigi.

IBRANI 10:35

Halok he, attak weak hilinghinafu kwelek hinendawimo puk welagagip mene andi kobokhogo herakfisigi'lek, yogondak ya a'nogoat logogun halok, onggo hokho mene wokhisagain andi nen he, ninghogo logoino o.

IBRANI 11:26

”Hobuk Allah nen onggo wo'nesigin mene werego,” iluk anggasikhesik he, ”Yi mene ti mene fano mene afuni o Mesir inenggimo mene yi esin lego,” iluk, herakfisaluk, ”Kristus faget ninebe weak-beakhogo ninobagakhi logogun andiat fano o,” iluk anggasikhe.

IBRANI 11:6

Afuni inendawinggen Allah oba himbiret figi'lek halok he, at endawimo fanorogo hilingisugun mondok elo'lego. Nen, at oba wesuogeluk halok, iren he, ”Allah eberogoat werek,” iluk anggigik, ”At ebe inelu asuogeluk hilingisugun halok, aren onggo ebe mene wogisikheregat,” iluk anggigik, ugun andi.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

2 PETRUS 1:19

A'nogo holhugu andi nenat, Ninendawimo nen he, ”It ap Allah ane yagaisikhi lagaukwa mene nen isukwa mene andi eberogoat,” iluk attak endebat hak anggikhi lagagu mene, hobuk ninesanggo holhugu andiba nen, mondok furogo futfesugu andi. Halok he, o mumat were'ma, afuni nen esage ibilogo fugunem, selekhogo mondok welagaikharek andi hak, wene andi hinendawinggenma eberogo mondok wanhi logoino. A'nogo wanhu were'ma, hobuk o mum mene wei ugu kwelek, hesagal wap liabi wagarek andi hak, at Kristus hinendawinggenma selegethinabi wesigino.

YUDAS 1:5

Wene yagahisagain yi, attagaren hinelu meneat he, hobuk hinendawimo ebethisagain andi. Ninoe Enupogoren againafuri Israel mene o Mesir were'ma telinafikhe meneat he, hobuk it mene ekhe inendawinggen at oba himbirik welagaukwa lek mene re inebe inoatikhe.