IBRANI 2:17 - Allah Wene Fano Wene Hupla Inane

¹⁷ A'nogo hilingitikhe andi re, yi'nogo iluk. Nit afuni weak hilingitorek mene, aren legetfisageluk, at ebe Allah eisewerek kain logolik, obabut Allah faget hombunhogo hilingitik, nit afuni endawitninafik, higirat ikhi logoigeluk, at ebe nit afuni erugwi agaila'lak hanggeat agaikhesik, nit hilingitorek mene mondogat ninobabut wanu hagat wanhikhe andi.

IBRANI 2:17 ပူးပေါင်းရင်းမြစ်များ

2 TAWARIKH 29:24

A'nogo hilingfuluk he at raja nen melalinafi logolik he, it afuni Israel mene inebe mondok faget wam inaweak legaphogo fouwageluk mene inom, wam warogo nolengge nolhu mene inom wasugun iluk yagaisasikhemo re, a'nogo higithogo, kambing omanogo watukwasik he amep he it imam omanogo nen it afuni abirengge inaweak legaphogo iluk he mezbah wurik oba a'nogo kweisal fesukwa.

YESAYA 11:5

Yi'nogo ti'nogo hilingiti logolik, Aren higithogo hilingitik, tiphogo hilingitik, ikhi logogin.

YEHEZKIEL 45:17

Arenat o linggene esin mene faget inom, tugi ket mene folelhunem inom, linggene sabat oba faget inom, linggene amu mene faget inom, ebeti logolik faget he ap enu werek andi nenat wam an nendawimo nagaiyek hoageluk warogo nolhu mene inom, gandum nolhu mene inom, nen afuni Israel mene mondogat inobaget anggur fuluk wogetu mene andoma re arenat onggo palhi logogin. Aren he afuni inunggulenu Israel mene inaweak sagalogo leget fouwageluk faget he: Inaweak legaphogo fouwageluk faget inom, lambulogo fisoageluk faget inom, gandum enggen At faget fugu mene inom, At obaget warogo nolhu mene inom, arenat fouget fikhi logogin,” iluk ikhe.

YEHEZKIEL 45:20

Nen andi hakhogo re hinenggi attak mene tanggal tujuh andiba re ap inebe lombogen weak hilingisugun inonggotse'ma nen ogo athe wenggelek le'ma nen ferekhogo hilingfuluk ogo a'nogo nek hilingiti logogun. Iren a'nogo hilingisugun oba re An Nawi Mondok Hore'ma a'nogo halogo fikhi logogun.

DANIEL 9:24

Inenggi yi teng ti teng kofokhogo wenatarek hak, 7 kali 70 tahun logogun andi ebe re, Afuni hat hinom hinunggulenu misigat mene hinebe o kota Allah onggwarek awi hat were'ma andoma logolik, Allah ane sagalogo hilingitik, weak hilingitik, ikhi lagep mene andi, Allah nen herakfisigik, sagalogo legetfisigik, higithogo hilingitu mondok logouwageluk esinet figik, ugunem he, Yi'nogo hilinglasigin, iluk habikanggo oba yethegen mene andi ebe agik, Allah onggwarek awi tegelek mondok welagaikhe mene weaget fesukwa mene andi hobuk fanot figik, igin mene faget, Allah nenat huli warogo fesikhesik hobuk ebe andi huliba hilingisigin mene faget hegenma o.

IMAMAT 14:18

A'nogo hilingfuluk amusu fena werek mene omanogo abirengge re, ap a'nogo ungguloba kweisal isikhi logogun. A'nogo hilingisugun andiba it imam en Tuhan eilhanem ap a'nogo ebeba fano horek mene logouwageluk hilingisugun.

IMAMAT 16:16

Aren a'nogo hilingisigin andiba, afuni Israel mene nen o An nonggwarek nawi hulumo a'nogo weak hilingisogo figik, it weak mondogat hilingitik, agarek mene andi hosigin o. An nonggwarek nawi su mene andi, it afuni Israel mene inawi su mene anggele'ma wurik were'ma nogo nen he, it weak hilingitarek andi nen, O Allah awi su mene wurik andi, o hulu andoma emetfaga iluk hoti logogun o.

IMAMAT 6:30

Wam inaweak legaphogo iluk hilingitu sambul faget warogo fei wagu mene andi it ninggi'legengge nol fuluk abirengge amep fena re Senggelek Hore'ma andoma waluk kugu mene faget fikhi logogun,” iluk yagatikhe.

IMAMAT 8:15

A'nogo yagaisasikhesik, at Musa nen wam a'nogo warogo amep fena wanhikhesik he, amep a'nogo mezbah andimuk nganok se'ma unggut fena-fena omanogo mezbah andi re Allah faget tegelek mene logouwageluk enggi tum oba yugulogo watfesikhe. Nen, mep fenakwe omanogo re mezbah a'nogo erokwe omanogo kweisal isasikhe. Obalik warogo nolhu mene faget andi re mondok horek logouwagiluk a'nogo hilingiti lagaukwa.

BILANGAN 15:25

A'nogo hilingi'luk he at imam en afuni inaweak lek hilingisogo fisoageluk inobaget hilingiti logogin. Andiba re, iren hilingisugun mene andi inendawi wenggelfuluk hilingisugun le'ma nen iren ninaweak lek hilingisogo ninobagauwageluk, Tuhan obaget nolhu mene wam waluk wesugun mene andiba re, afuni andi inaweak lek hilingisogo fisikhi logogin.

ROMA 15:17

Kristus Yesus nemberek hundik logolik he, Allah faget fano hilingiti lagi o, iluk fogerakhogoin fano.

ROMA 5:10

Nit attak he, Allah ninom weim palek were'ma re, hobuk at amlogo wa'laga logolik, Allah ninom lambukhogo ninobagaikhemo welago. A'nogo were'ma, at ebe eluk logolik he, telninabigin lek nogo? Attak telninabu lek mene telninafikhesik he, yogondak ninom hundik logolik telninabigin aro.

EFESUS 2:16

At Kristus ebe eba menfuluk watukwama wa'laga logolik, Allah ninom weak weim palek hak welagagu mene andi, sebelogo legetfisaluk he, ninebe fena mene, fena mene ninom misigat lambulogo ninobagasikhesik Allah oba wo'ninarek wagaikhe andi.

KOLOSE 1:21

Attak he, hit hinendawimo weak wene ebeti logolik, hinobabut weak hilingiti lagagip andiba, Allah hinom heksek logolik weim palek hak welagagip.

IBRANI 10:21

Yatikhesik, at ebe Allah aiba andomaat eisewerek nit faget kain welagarego.

IBRANI 2:11

Yesus ebe, nit afuni weak hilingitorek mene hotninafikhe mene inom, nit aren horogo ninobagaikhemo welago mene inom, ninom lambukhogo re, nineisena misigat. Andi nen he, at Yesus nen enggali legat, ”It afuni andi an nerugwi nagaila'lago,” iluk ikherek andi.

IBRANI 2:14

Aren he, ”Afuni andi an nagainafuri,” iluk isikhe andi re, nit afuni wa'lagorek mene faget isikhe andi nen he, at ebe wa'laga logolik, nit afuni wa'lagorek mene ero at Iblis enggiba welagarek mene andi, at Yesus nen at Iblis ebe mabenet fisigik,

IBRANI 2:16

A'nogo hilingitikhe andi re, eberogoat malaikat mene elokhoma fisaluk endawirinafikhe fuk. Lego. Allah aneba lisu palek werek higithogoat, nit ap Abraham en tagongge mene yi elokhoma ninobagaluk ninebe endawitninafikhe andi.

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

IBRANI 3:2

At Musa nen he, Allah againafuri inebe re, Allah awi wurik hangge, iluk it faget obabut hombunhogo hilingiti lagaikhe andi hak, Allah nen Yesus a'nogoat hilingisuageluk menfesikhemo obabut hombunhogo hilingiterek andi.

IBRANI 3:5

At Musa ebe Allah amingmingengge logolik, Allah againafuri inebe at awi wurik hangge iluk, it faget obabut hombunhogo hilingiti logolik, mel ikhi lagaikhe: ”Allah nen yi wene ti wene hobuk yi'nogo yaganisagain mene werek,” iluk abok yagaisikhi lagaikhe.

IBRANI 4:14

Nit ninoe kain Allah eisewerek Allah amlogo Yesus pogot pelakha wagik, pogot abel ponggwe Allah were'ma lagasikhesik nit faget werek andi nen he, nit ninendawinggen at oba himbiret fuluk ninane fakhogo ikhi lago mene andi, ninenggi ninghogo fisogo logouwogo.

IBRANI 4:15

Nit ninoe kain Allah eisewerek welagarek andi re, nit ninomame mondok lek welago andi re, at onggot lego. At nit ninobabut wanhikhesik were'ma, weak mene a'nogo nen, nit weak hilingisuageluk ninendawinggen kagalherek andi hak, at Yesus a'nogoat yi mene ti mene faget endawimo kagali waga lagaikhe meneat he, at weak ekhe hilingiti'lek logolik ninobabut elu welagarego.

IBRANI 5:1

It ap Allah eisewerek inogogwi kaindek inebe lombok andi re, afuni Allah againafuri nen, ap it mene ekhe Allah faget hilingiti logolik, it mene yi mene ti mene fugunem, Allah wogetik, weak hilingitarek mene faget inanggo waluk wagunem waretik, ikhi logouwageluk wenagaisogo menfisagarek.

IBRANI 5:10

A'nogo hilingisogo fesikhesik, aren he, ”At Melkisedek hilingiti lagaikhe andi hak, hat hebe an eisewerek kain logoino,” iluk menfesikhe andi.

IBRANI 5:2

A'nogo menfisugunem it inomame mondok lek meneat andi nen he, it afuni ekhe a'nogoat wene inonggot logolik nong-honghogo hilingitarek andi futfuluk he, inebe inendawirinapluk it faget inoba heanerogo elok hilingitarek andi.

IBRANI 5:5

At Kristus a'nogoat, ”An Allah eisewerek kain logogin,” iluk onggwaregen wenagaisogo menfakhigi'lek. We, at Allah nenat wenagaisogo menfesikhesik wene mel yagatikhe: ”Hat An namlogo o. Hebe yogondak takhafi,” iluk yagatikhe andi.

IBRANI 6:20

At Yesus nit faget kwe ebekwe yatikhesik o andoma kwisikhesik, ap Melkisedek Allah eisewerek logolik hilingiti lagaikhe andi hak, mondok-mondok hilingiti logogin mene Allah eisewerek kain agaikhesik welagarek andi.

IBRANI 7:26

Nit ninendawimo nen he, ”Ap ekhe Allah eisewerek nit faget fano katokhogo yi'nogo kain logolik hilingiti logoilebe,” iluk anggogorek mene, Allah nen ninoe Yesus andiat menfesikhemo werego. At obabut he, weak ekhe hilingiti'lek, fano tegelek mondok were'ma, afuni weak hilingitarek mene inendawimo nen tegelogo pogot abel ponggwe po'lima liakfesikhemo nit faget werego.

IBRANI 7:28

Attak wene Allah nen komotninafikhe wene andiba re, ap we elo'lek mene Allah eisewerek menfisikhi lagaukwa meneat he, hobuk Allah nen hombuk palhikhe andiba re, at ebe amlogo nit telninaferek mene wurep kobokhogo menfesikhemo, at eisewerek kain mondok werego.

IBRANI 8:1

Nit wene ikhi lago andi esin he yi o, nit ninoe kain Allah eisewerek ogo andi higit werek. At ebe re, nineisena Enupogot Allah welagarek oba era'lu kainat werek.

IBRANI 8:3

It ap Allah eisewerek inogogwi kaindek inebe lombok menfisagarek andi re, yi mene ti mene Allah wogetik, inanggo waretik, ikhi logouwageluk menfisagarek andi hak, nit ninoe kain Allah eisewerek andi re, yi mene ti mene ekhe nit faget Allah wogosuageluk werego.

IBRANI 9:11

It a'nogo hilingiti lagaukwa meneat he, Allah nen, ”Yi mene ti mene hobuk yi'nogo fano hilinglasigin,” iluk abok isikhe andi ebe re, at Kristus Allah eisewerek inoe kain asi wagaikhe andi. A'nogo wagaikhesik he, it attak yi mene ti mene Allah nen elalhikhe mene kigilogo o wutukwaba andi kwisikhe fuk. Lego. We, o ebe mene hokho fano wuri'mo enggi misigam faget kwisikhesik, o hulu kweba herakfisaluk pikhit o senggelek ti'mo mene obalik mondok hore'ma Allah onggwarek aiba andoma kwisikhe. A'nogo kwisikhe andi re, kambing inom, sapi inom, amep waluk kwisikhe fuk. Lego. We, nit hele warek hangge were'ma fikhalek mondok logouwageluk, ninonggo palogo wa'lagaikhesik, onggwarek amep waluk andoma kwisikhesik, nit faget werego.