IBRANI 2:13 - Allah Wene Fano Wene Hupla Inane

¹³ ekhe inom ap ekhe yagati logolik he: ”An nendawinggen Allah oba himbiret fuluk logogin o,” iluk yagatikhesik he: ”Allah nen againafuri wo'netikhe mene omanogo ninom welago yi han,” iluk yagatikhe.

IBRANI 2:13 ပူးပေါင်းရင်းမြစ်များ

KEJADIAN 33:5

At Esau nen hemi inom, yenggerugwi inom omanogo isasikhesik heinok wokhikhi logolik, ”Hat hinom welagep oma sani?” iluk heinok wokhasikhe. Heinok wokhasikhemo at Yakub en yagati logolik, ”Allah endawinggen fano nen an nagainafuri oma wo'netikhemo re it oma re, an nagainafuri o,” iluk yagatikhe.

KEJADIAN 48:9

Heinok a'nogo wanhikhemo, at Yusuf en he, ”Yenggerugwi ya re, an o Mesir yoma were'ma Allah nen wo'nete mene o,” iluk yagatikhemo, at Yakub en he, ”An nen he, afuni nen nauk inoba louget tagarek hak, Allah nen fanothinafi logouwageluk yagaisagen he, inebe noba horok hogo ya fisa me o,” iluk yagatikhe.

2 SAMUEL 22:3

An nebe welagirek oba leget pa'leget omamerogo waganek mene hangge, Tuhan hebe welagen, An nebe logouwageluk helep tom eil hak he Allah hebeat welagen, nen an fano logouwagaluk Aren sing itarek hangge laberogo fetnarek werego. Nen nailo legengge logouwageluk hundik-handik fetnarek mondok werego.

MAZMUR 127:3

Nit ninagainafuri andi re At Allah nenat wo'nisikherek. At obabut fano andiba ibi-eberogo nen, onggolegat wo'nisikherek.

MAZMUR 16:1

Allah neisena, an he Hat hawea'ma kuluk welagimo re, kagalnarek logoin o, neisena.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 91:2

Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 53:10

Tuhan nen anggikhi logolik, at enggin-fenggin hoak iluk anggasikhe, nen nit ninebe mondogat ninaweak hosuageluk wam warogo nolharek hak At ebeat wasuak anggasikhe. A'nogo hilingite andiba at umur uanhogo logolik at ambisangma nen tago mene eilenggen isagain, at oba nen he Tuhan endawimo anggasikhe mene a'nogo mondogat higit aga.

MATIUS 27:43

Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.

YOHANES 10:29

Ap ekhe elo'lek meneat he, An Neisena nen nanggo domba wo'netikhe mene andi nek he, ebe omame werego. It an Neisena nen wo'netikhe mene andi, at enggiba were'ma it ap ekhe nen telogo woginabumo elo'lego.

1 KORINTUS 4:15

Hit Kristus hinom hundik were'ma re, ap wene yagahisili'lagwi mene inebe 10.000 hokhorogoat werek meneat he, hineisena re, hokhorogo fuk. We, inagainafuri taginafarek hak, an nenat wene fano wene andi yagahisa wagagisik Kristus Yesus hinom hunogo hinobagasigimo welagep andiba, hineisena nalegat agagisik welagi o.