IBRANI 13:9 - Allah Wene Fano Wene Hupla Inane

⁹ A'nogo logogin andi nen he, it afuni ekhe nen yi wene ti wene hunogoat meneba lalhinabinogo. Nen, it afuni attagat inambe nenggarek mene faget esinet fuluk hilingiti lagaukwa andiba fano agi'le'ma re, ninendawinggen andiba wurik asugun elo'lego. We, Allah obabut fano nen wo'nisikherek andiba ninendawinggen fano wurik asugun o.

IBRANI 13:9 ပူးပေါင်းရင်းမြစ်များ

MAZMUR 112:8

It aselei mene omanogo mabenet fisagain iluk endawimo anggikhi logolik he, aren endawimo ailo anggigik, endawi hokho mene fitik, hilingiti logogin mondok lek.

MATIUS 24:4

at Yesus nen he, ”Afuni nen lalhinabinogoluk he, hinobabut hebelogo logoino o.

LUKAS 5:38

Halok he, anggur enggen amusu ket mene halok he, iwak ket meneat elema hinasugun fano o.

KISAH PARA RASUL 20:30

A'nogo weagerinafu kwelek he, ap hit mene ekhe menla'luk he, afuni Yesus ane wanhukwa mene lisogo woginabuogeluk, wene weak wene yagaisikhi logogun aro.

KISAH PARA RASUL 20:32

Wene Allah obabut fano nen wo'ninaferek wene andi hinenggi ninghogo fisogo logobagaigeluk, yagahisigi. Yogondak he, at Allah omame werek mene nen, wene andiba hinendawinggen wurigethinafik, yi mene ti mene at againafuri wogisageluk fisasikhe mene wokhisigik, elok hilingisigin mene enggiba hinobagagi o.

ROMA 14:2

It ekhe inendawinggen Allah oba himbirik logolik he, yi mene ti mene hesanggeat ninggi logogun, iluk anggaluk nenggarek. Meneat he, it ekhe inendawinggen oan mene re, sumburu inom, eremengga inom, andi nek nenggarek.

ROMA 14:6

It ekhe nen he: ”O yogondak yi sambul enek he, yi mene ti mene hilingisugun lek,” iluk agarek mene andi, At Tuhan fagerat anggagarego. Nen, it ekhe yi mene ti mene hesanggeat nenggarek mene andi re, At Tuhan fagerat ninggi logolik he, Allah hai watarek andi. Nen, it nenggarek lek mene andi, At Tuhan fagerat ninggi'lek logolik he, Allah hai wataregat andi.

1 KORINTUS 6:13

It ekhe nen yi'nogo agaregat: ”Nenggarek mene andi ninalabut faget. Nen, ninalabut andi nenggarek mene faget,” iluk agarek. A'nogo agarek meneat he, pireat he, at Allah nen hobuk legetfagain werego. Allah nen, ninebe yi re, pailak fakfisikhi logouwageluk weinamet ninafikhe fuk. Athe, ninoe Enupogot fagerat weinamet ninafikhe andi. Ninebe yi eisewerek he, ninoe Enupogot werego.

1 KORINTUS 8:8

Yi mene ti mene nenggarek mene andi nen Allah oba wo'ninarek lagain lego. Nit ninggi'lek kamo ugun halok he, nongasugun lek. Nen, nogoin halok he, ekhe saburogoin legat.

2 KORINTUS 1:21

At Allah nenat, hit inom, nit inom, Kristus oba himbirogo ninobagaikhemo welago. Ninebe at onggwarek faget hilingiti logouwageluk ninayonggo figik, silo hak ninobagagik, ikhi logolik, yi mene ti mene hobuk hokhorogo nouwogeluk attak nenggarek hak, Allah nen nit faget mondogat ninobagasikhe mene hobuk wo'nisageluk, attak Areagun tak ninendawinggenma ninobagaikhemo welago.

GALATIA 6:1

Nerugwi nagaila'lak. At ekhe weak hilingitunem hineilenggen hegep halok he, at andi ambotkwe obabut hebelasuageluk, hit Allah Areagun eberogoat hinendawimo werek mene nen hinane liokhogo komo'no o. Komotunem a'nogo, hit a'nogoat hinoba asinogo iluk, hinonggwarek hinebe hebelogo logoino.

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

KOLOSE 2:4

It ekhe ineranhogo meneat he, inane eberogo wene hak lalhinabinogo iluk yagahisigi andi.

2 TESALONIKA 2:17

A'nogo agarek mene a'nogo nenat, hit hinenggi nen fano mene hilingitik, hinaneba fano mene yagaisigik, ikhi logobagaigen iluk, hinendawimo fanothinafik, hinendawinggen wurigethinafik, ikhi logouwago.

2 TESALONIKA 2:2

Ninoe Enupogot wesigin andi sambul arat hilinglagama iluk, it afuni ekhe nen he: ”Allah Areagun en yi'nogo yaganete meneat,” iluk yagahisigik, it ekhe nen: ”Wene ebe yi'nogo meneat,” iluk yagahisigik, it ekhe nen, wene niren lisu palho mene faget: ”Ebe yi'nogo meneat,” iluk yagahisigik ili'lagwi andiba, hinendawinggen weak-weak nonghong imbik leil watep hanogoluk yagahisigi andi.

1 TIMOTIUS 6:20

Timotius namlogo e. Allah nen hayonggo fikhi logolik, ”Yi mene hilingiti logoino,” iluk, hoba fesikhe mene andiat fanorogo fisogo logolik, homamerogo hilingiti logoino. It ekhe nen Allah ane yagaisogoin mene andi igi'lek logolik, we tulemat, lek asigin mene fagerat wene palhi logolik, ”Wene ninelu,” iluk, ili'lagwi andi re inonggot logoligenat ili'lagwio. It andi nen he, ”Wene ebe mene arat futfogo,” iluk ikhi logolik, Allah ane eberogoat mene herakfisaluk nong asi wulifa andi nen, wene andi mene wanhi'lek herakfisaluk logoino o. Nagaila'lak. Allah obabut fano a'nogo nenat fethinarek logouwago.

1 YOHANES 4:1

Nerugwi nagaila'lak. Nendawilage. Afuni inebe hokhorogoaren he, ”Niren Allah ane yagahisikhi lago,” iluk ineranen ili'lagwi mene inebe arat weinam agaikhasik, o yi awi ti awi nikho andi nen he, ekhe hinoba we'luk, wene yagahisugunem, hiren he, ”Allah Areagun endawimo logolik yaganisili'logo,” iluk hinendawinggen inoba himbiret fugubo. Athe, ”Eberogoat Allah Areagun endawimo logolik ili'logo a? Hunogo mene endawimo logolik yaganisili'logo a,” iluk inobabut tak palimbigen, inebe futfisikhi logoino o.

YUDAS 1:12

Hit hinerugwi hinagaila'lak inebe hinendawi nen seni isago hinom misi'mo andogorogo nunggunem, it ap andi inenggali legat hinoba kwi wesimbik he, afuni ekhe kwelaginarek welagi'lek inonggwarek faget enek oba ebeti logolik hinom ninggi lagep andi re, weago. Su fano mola were'ma muli mene oba labulagarek andi hak, hinom weak ninggi lagep andi o. Inebe re, ohena meiso nagain lek meneat sogoien aburungweak waluk nikherek andi hak nikho o. Nen, ekhe re, e enggen iti'lek, engga mondok lek agunem, omanggen inom feisalhunem mondok puk agarek andi hak werego.

YUDAS 1:3

Nerugwi nagaila'lak. Hinebe nendawi e. Wene Allah nen hit ninomat telninafikhe a'nogo faget wene lisu palogo hinoba lakfei wesigeluk nendawinggen eberek mondok welagirik he, hobuk nendawinggen sebelu elo'lek agama re, wene mel faget lakfei wagi andi. Andi re, it afuni ekhe Allah ebe inabit mene nit ninonggot werek kwelek ninanggele'ma kwi wesimbik he, Allah obabut fano nen wo'ninaferek mene andi, iren lagakhogo wene hunogo mene yagahisikhi logolik he, ”Weak mene hesanggeat hilingiti logogun,” iluk, ninoe Enupogot Yesus Kristus omame hokho a'nogo ebe herakfisaluk, hilingiri'lagwi andi. A'nogo hilingiri'lagwi andi nen, Allah nen he, ”Wene yi'nogo inoba fagain,” iluk isikhemo fagearen lisu palogo fesukwama werek. Wene Allah nen misigam faget nit againafuri wo'nisasikhemo ninendawinggen oba himbirik welago andi mene, it andi nen legetfouwogeluk ugunem, hiren elele waganogo hinomamerogo fisogo logobagaigeluk hinendawimo kagalogo lakfei wagi andi.