IBRANI 13:8 - Allah Wene Fano Wene Hupla Inane

⁸ At Yesus Kristus ebe re, o attagen, yogondagen, etok mondok welagarek andi hak, hobuk a'nogoat etok mondok logogin o.

IBRANI 13:8 ပူးပေါင်းရင်းမြစ်များ

KEJADIAN 21:33

A'nogo hilingitukwasik aremnogo at Abraham en e enu tamariska misik ekhe sombologo waluk o Bersyeba wagaikhesik yakfesikhe, andi huli nen obalik aremnogo Tuhan Allah Etok Mondok welagarek mene a'nogo fogeratarek oba welagaikhe.

MAZMUR 103:17

A'nogo meneat he, At Tuhan nen it afuni At oba inailorogo logolik, ”Yi'nogo hilinghinabigin,” iluk wene warisasikhe mene a'nogo, fisogo mondok logolik higithogo hilingitarek mene andi inebe hobuk ta'larik lagu kwelek, obabut fano a'nogoba, endawirinafu mondok welagarek.

MAZMUR 90:2

Haren o tom-tom inom kweang inom, yi mene ti mene kweangma welagarek mene inom, oan elalhi'lek logolik andoma re, Hat hebe hero weinam agu aple inom, herembulmo wa'lagu aple inom he legengge welagagin.

MAZMUR 90:4

Nit afuni ninendawimo nen he, 1.000 tahun welago, iluk anggogorek mene andi Hat hendawimo re, o hup misik hak wei uluk, hup agarek andi hak anggi lagen. O hubanggo, it ekhe endebat kagalek wela'luk nogo ugu kwelek, it ekhe inobulu'mo kagalek welagik agarek andi hak anggegendek.

KELUARAN 3:14

A'nogo yagatikhemo, at Allah nen he, ”An he, Anaro. Afuni Israel mene yi'nogo yagaisano: Aren he, An he, Anaro, ikherek iluk agarek mene a'nogo nen hinoba laknobagai wagama wagi o, iluk yagaisano o.

YESAYA 41:4

Mondogat andoma re, sa nen hilingiterek nogo? Ap sa nen eroma nen hilinglarik wagaikhe mene andoma faget penogo fikherek nogo? An he Tuhan, Attak mene re Anat, netok mondok werek kwelek enek o wurep kobokhogo andoma ogore Anat logogin.

YESAYA 44:6

Tuhan Omame Mondok Hokho mene, Raja Israel mene inagap telogo ferinarek welagarek mene a'nogo nen ikhe mene re yi: ”An hineisena Allah re nami-namuat welagi o, eroma nen pikhit erumbul oba we An namuat welagi.

MALEAKHI 3:6

At Tuhan nen ikhi logolik, ”An nebe agam itirek lek mene o, Tuhan a'nogo nebe re An aro. Andiba re, hit Yakub en tagomangge mene andoma weaget hinobagakhi lagi lek andi.

2 KORINTUS 1:19

At Allah amlogo Yesus Kristus, an nebe nen yagahisigik, Silas nen yagahisigik, Timotius nen yagahisigik, isugu mene a'nogo obabut he, ”Io,” ilugen, ”Lego,” iluk ikherek lek. Allah nen, ”Io. Wokhisagain,” iluk abok yaganisa hak, Yesus ebe wo'nisasikhemo werek andi.

2 KORINTUS 1:20

At Allah nen yi mene ti mene abok yaganisasikhe andi mondogat he, ”Io, wokhisagain,” iluk u hak, Yesus ebe wo'nisasikhemo werek andi nen, nit at ninom hundik logolik Allah fogerati logolik he: ”Ebe asuak,” iluk u hak, ”Amin,” iluk ikhi lago andi.

IBRANI 1:12

Kweang pogot andi, su yinggilogo fagarek andi hak, haren yinggilogo fembik, hobuk ket mene fagain meneat he, hat hebe nek he, o mo lagagik, pigik, ugu kwelek, ebe yaman agi'lek hetok mondok logogin o,” iluk yagatikhe.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

YUDAS 1:25

Nineisena Allah alegaren ninoe Enupogot Yesus Kristus hilingitikhe andiba telninafikhe mene a'nogo eisewerek omame hokho aro, iluk, at fogeratik, esinet figik, ikhi logouwogen, eroba yi mene ti mene walhigi'le'ma Allah alegat welagaikhe andiba nen, yogondak ya nen, hobuk mondok logolik, a'nogo fogeratu mondok logouwok, iluk ”Amin,” igi andi.

WAHYU 1:11

”Hat heilenggen hagain mene andi, lisu palino o. Palogo re, it Allah againafuri 7 gereja nen andogotarek mene, o enu Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba lakfeino o,” iluk yaganete.

WAHYU 1:4

An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.

WAHYU 1:8

Nineisena Allah Enupogot omame hokho andi, etok mondok logolik, endam welagaikhe, yogondak weregat, hobuk mondok logogin mene wesigin a'nogo nen ikhi logolik he, ”Ero inom, erembul inom, an aro,” iluk ili'logo o.