IBRANI 13:4 - Allah Wene Fano Wene Hupla Inane

⁴ Ap inom, hemi inom, inobabut yanani nilik nikharek mene inom, Allah nen wene inoba fembik weagerinabigin andi nen he, aben hemi iginafarek andi, afuni mondogaren esinet fuluk, hesanggeat fakfisigi'lek hemiap waganek mene lombok inom fano nogo ikhi logogun o.

IBRANI 13:4 ပူးပေါင်းရင်းမြစ်များ

KEJADIAN 2:21

A'nogo welagaikhe le'ma, Tuhan Allah nen ap a'nogo nogo obabe lekhogo hilingfesikhemo, nogo ugunem, ap a'nogo abeloak mene lisogo wanhikhesik he, obali'mo eino mene to'mot fesikhe.

KEJADIAN 2:24

A'nogo hilingitikhe andi nen he, aben ineisena inagaisa herakfisaluk, inagagwi inom fano logolik, inebe pire meneat he, misik a'luk logouwago.

2 RAJA-RAJA 22:14

A'nogo lakfisasikhemo, ap Hilkia inom, Ahikham inom, Akhbor inom, Safan inom, Asaya inom, omanogo he enu Hulda, ebe o Yerusalem sili ekhe ket wutukwaba andoma logolik, Allah ane yagaisikhi lagaikhe mene a'nogo oba lagaukwa. At he andi, ap Harhas omba Tikwa amlogo enu Salum, afuni Tuhan awi wuri'mo At faget hilingiti logolik su labeti logogun mene faget hilingiti lagaikhe agun andi agwe. He andi wene yagasi lagaukwa mene omanogo esanggo holhikhesik,

AYUB 31:12

Weak a'nogo hilingiti lagimo halok, endu aik en yi mene ti mene leget fisikherek andi hak, an mene nangge yi mene ti mene andoma re felelenghogo endu noagaro.

YESAYA 8:3

A'nogo yaganetesik oba nen eil misik were'ma nen he an nagwe omalik a'ma agasik omalik ebe ta'lagama re, Tuhan en an noba ikhi logolik he, ”Omalik andi enu re Sorom weak-weak laluk he yi mene ti mene weak-weak telhu mene,” iluk salino.

IMAMAT 15:18

Ap ekhe hemi inom seberogo nogoluk halok, it inebe kume warogoin oba nen he inebe emerek werek kwelek enek mo ubuk ikhi logogin.

IMAMAT 18:20

Haren ap amu mene inagagwi inom sebesigin halok he, a'nogo hilingisigin andiba hebe emerogo fakhegen hanogo.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

1 KORINTUS 6:18

Pailak fakfisagarek andi mene fakfisikhi logoinogo iluk, heise pugulhi logoino o. Yi weak ti weak hilingitarek andi re, inebe endakwe yiat hilingitarek. Meneat he, pailak fakfisagarek andi nek he, inonggwarek inebeat weaget fakhagarek andi.

1 KORINTUS 6:9

Afuni weak hilingiri'lagwi mene Allah awe a'ma fisikhere'ma andi eisewerek asugun lego, iluk he, hinonggot nogo? Hinonggwaregen lalagubo. Pailak fakfisagarek mene inom, tugwi kembu oba himbirik logolik fogeratarek mene inom, ap inagagwi mene pailak fakfisagarek mene inom, aben hemi fakfisagarek hak it ap-ap fakfisagarek mene inom,

1 KORINTUS 7:38

Aben helenggerek silerik mene emberek wenago mene wanhe halok he, andi fano meneat he, wanhi'lek kamo ikhe halok he, andi fano mondogo.

1 KORINTUS 9:5

Nen, it ap ekhe Allah nen inayonggo fuluk lakfisa wagaikhe mene inom, ninoe Enupogot agoromi ombo'ne mene inom, at Petrus inom, inagagwi woginarek nikho andi hak, an enek he, nagwe Allah a'logo mene waluk nikhi logogin lek nogo?

GALATIA 5:19

Afuni kweangma yoma inobabut inetogat logolik hilingitarek mene ebe enegat yi. Pailak fakfisigik, inabit mene hilingitik, agasabu kwalek hilingitik,

GALATIA 5:21

inendawimo nen, it ekhe inagarek mene, ”Namolo e,” anggigik, i hangge naluk lugulugwi palhik, pesta seni isago naluk weak hilingitik, agarek andi inom, ekhe a'nogo hilingitarek mene mondogat inom, faget igi andi. It afuni ekhe a'nogo hilingiri'lagwi mene halok, Allah awe a'ma fisikhere'ma andoma eisewerek asugun mondok lego, iluk, wene andi faget attak yagahisasigi hak, hobuk komorogo yagahisigiat andi.

EFESUS 5:5

It afuni pailak fakfisagarek mene inom, inenggali lek weak hilingitarek mene inom, ”Yi mene ti mene an mene nek logoilep,” iluk inendawimo nen anggaluk hilingitarek mene andi, tugwi kembuba himbirik logolik hilingitarek hagat hilingitu halok, Kristus Allah emberek inawe a'ma fisugunem welagaikharek oba andoma eisewerek asugun mondok lego, iluk, fanorogo hinendawimo ebe'ni o.

ULANGAN 22:22

Ap misik ekhe nen ogo ap amu mene agwe inom hilingitunem isaga halok he, iren hilingisugun onggo inebe pirenet pinggi inoasugun. Hiren a'nogo hilingisugun andiba re weak mene a'nogo leget fisogoin andi.

1 TESALONIKA 4:6

Andi mene faget higithogo hilingiti logolik he, hinerugwi hinagaila'lak ineil salogo inagagwi inaguni mene pailak fakfisogoin lego,” iluk Allah endawimo nen a'nogo anggaluk yaganisikherek andi. A'nogo ikherek andi nen, attagat niren ikhi logolik he: ”It afuni pailak a'nogo fakfisagarek mene halok, ninoe Enupogoren wene inoba fagain werego,” iluk, ninghogo komothinafugu andi.

1 TIMOTIUS 3:12

It ap Allah againafuri ekhe leberisugu mene logogun andi re, inagagwi misigat waganek logolik, inagainafuri inom, inagoromi inom, fanorogo tegelogo ferinarek welagaikharek mene halok menfisogoino.

1 TIMOTIUS 3:2

Andi nen, ap Allah againafuri kwelaginarek logouwageluk halok inobabut he, yiginik mene menfisogoin. Afuni ekhe nen, ”At weak,” iluk wene oba figi'lek mene halok, agwe misigat mene halok, weak hilingisuageluk endawimo kagalhunem elok sebelhaluk werek mene halok, endawinggen uan ebeterek mene halok, hilingisu mene higithogo hilingiterek mene halok, ap pok inonggot mene wagunem woginaferek mene halok, wene furogo yagaisikherek mene halok,

1 TIMOTIUS 3:4

onggwaregen againafuri mene fano tegelogo ferinarek were'ma re, at againafuri nen ineisena awe a'ma logolik agaukhogo yagatik, ane ugunem hologo hilingitik, agarek mene halok, inobabut ariginik mene halok Allah againafuri ferinarek logoguno.

1 TIMOTIUS 4:3

Iren wene ikhi logolik he, Hemi woginabugun mondok lek, igik, Yi mene ti mene nenggarek mene andi, ekhe yi mene wesa. Ninggi logogun lek, igik, ikhi logogun,” iluk, Allah Areagun nen yaganisasikhe higithogo ili'lagwi andi. Meneat he, nenggarek mene andi, Allah nen nit ninendawinggen at oba himbirik logolik, ebe wene andi futfogo halok he, hai warogo ninggi logouwageluk elalhikhe mene faget ili'lagwi andi.

1 TIMOTIUS 5:14

Halok he, it hemi sogwe ekhe Iblis ombo'ne kwanirogo hela lagaikha andi nen, it ekhe nit Allah againafuri ninom weim palek hangge mene nen ninabok weak palinogo iluk, it hemi sogwe tugum mene andi, inaguni lombok woginapluk he, ineagwi tagaisogo fanorogo tegelogo ferinarek logouwageluk igi andi.

TITUS 1:6

Afuni Allah againafuri ekhe kwelaginarek logouwageluk menfisogoin andi re, inobabut he, yi hangge mene menfisogoin. Afuni ekhe nen, ”At weak,” iluk wene oba fili'lagwi lek mene halok, agwe misigat waganek mene halok, againafuri inendawinggen Allah oba himbirik welagaikharek mene halok, it ekhe nen ikhi logolik, ”Ap yi againafuri komorinabi'logo lek hesanggeat hilingiri'lagwi andi ninabit,” iluk, abok pali'lagwi lek mene halok, menfisogoino.

IBRANI 12:16

At Esau sumburu nele nen, mel isikhe: ”Manggusa tago re, anatma, an eise asigin mene andi esin he, lek. Nagot eise asuak,” iluk sumburu piring misik earek mene faget, agot oba onggo wanhikhe andi hak, hit ekhe pailak fakfisigik, ebe mene esinet figi'lek hinendawimo seramet figik, ikhi logogubo.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.