IBRANI 13:3 - Allah Wene Fano Wene Hupla Inane

³ It ekhe inenggi hele warek were'ma, hinendawimo nen he, ”Nit ogo re, ninomat ninenggi hele warek hangge welago,” iluk, it inoba ebetik, it ekhe yi weak ti weak hilinginafunem hit hinendawimo nen he, ”Nit ogo re, kweangma yoma oan were'ma a'nogoat hilingninabugun aro,” iluk, it inoba ebetik, ikhi logoino o.

IBRANI 13:3 ပူးပေါင်းရင်းမြစ်များ

KEJADIAN 40:23

A'nogo meneat he, at ap kain agai nunggu mene faget wene lenggalhi lagaikhe mene a'nogo Yusuf oba ebeti'lek, we, mondok onggoret fisasikhesik welagaikhe.

KISAH PARA RASUL 24:23

A'nogo yagatikhesik, at agoromi tentara kain mene ekhe nen Paulus ebe kagalek logouwageluk mel yagatikhe: ”Haren Paulus fisogo logolik, serogo nikhi logouwageluk herakfisano. Nen, afuni at mene nen yi mene ti mene at amolo mene lebethouwogeluk ugu halok he, wenagisagun o. Herakfisikhi logoino,” iluk komoratikhe.

KISAH PARA RASUL 27:3

Kwisugusik waga logolik, ohealekwe re, o Sidon wagagu. Wagagusik he, at Yulius a'nogo nen, Paulus ebe endawiratikhesik, mel yagatikhe: ”Hat yi mene ti mene ekhe lek halok he, hagaila'lagen wokhesuageluk inoba fa'larik lan o,” iluk yagatikhemo lagaikhe.

ROMA 12:15

It afuni ekhe inendawimo inagaiyegetu halok he, hit hinomat hinendawimo hinagaiyegetik, it ekhe le agu halok he, hit hinomat le agik, ikhi logoino o.

1 KORINTUS 12:26

Ninenggi nineisok yi mene ti mene ninebeba hundik welagarek mene, ekhe ou nen heinet watu halok he, ninebe abirenggeat heinet watorego. Nen, ninenggi nineisok yi mene ti mene ninebeba hundik welagarek mene, ekhe afuni nen fogeratu halok he, ninebe mondogat ninagaiyek anggogoregaro.

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

KOLOSE 4:18

Nen ekhe yi re, an Paulus nonggwarek nenggi nen lisu palogo hai wathinafi o. Hiren he: ”Paulus enggi hele warek werek,” iluk noba eberek mondok logoino o. Allah obabut fano a'nogo nen fethinarek logouwago.

IBRANI 10:34

it ekhe hele warogo kwelakfisugunem hinendawirinafik, ikhi lagagip andi. A'nogo hilingiti logolik hinendawimo nen he, ”Nit mene ningsek fano mondok logogin mene werego,” iluk anggikhi logolik he, hit mene yi mene ti mene helugunem hinendawimo weak agi'lek hinagaiyek anggikhi lagagip andi.

IBRANI 11:37

helep oba tamuk-tamakhogo inoatik, gergaji oba inobakhe tegethigik, karok oba inoatik, yi enggin ti enggin hikhi logolik, su re, wam domba inom, kambing inom, agap nonggologo itik, yi mene ti mene legen inelagaik welagik, it afuni ekhe nen wiik-weakhogo hilinginafik, ikhi lagaukwa.

1 PETRUS 3:8

Wene andi wurep kobokhogo mel yagahisak. Hit hinebe mondogat hinendawimo nen he, ”Ninebe Allah againafuri ninerugwi ninagaila'lak ninom,” iluk, hinendawinggen hundik logolik, hinendawimo misigat mene anggigik, hinendawinggen misigat mene ebetik, ikhi logoino. A'nogo ikhi logolik, hinonggwaregen fogerakhigi'lek, hinendawinggen seberogo logolik, hit-hit nendawi-hendawirogo hilingiti logoino.