IBRANI 13:22 - Allah Wene Fano Wene Hupla Inane

²² Nerugwi nagaila'lak. Wene horogat hit komorogo lisu palogo hinoba lakfei wagi andi, hinaberali agi'lek hinesanggo hologo logoino o.

IBRANI 13:22 ပူးပေါင်းရင်းမြစ်များ

KISAH PARA RASUL 13:15

Hu'lagaukwasik were'ma re, it afuni andoma mene nen, wene Allah nen komotninafikhe wene a'nogo enu salhik, wene it ap Allah ane yagaisikhi lagaukwa mene nen lisu palhukwa mene enu salhik, isukwasik he, inogogwi kaindegen Paulus lak yagaisikhi logolik: ”Nagaila'lak. Afuni yoma inendawinggen wurik asuagen he, hiren wene ekhe werek halok he, yaganisobagaigeluk hinayonggo fogo o,” iluk isukwama,

2 KORINTUS 10:1

An Paulus Kristus obabut fano enago a'nogo obabut waganogo, nonggwaregen wene ekhe komothinabik. It ekhe nen he, ”At ebe horokhogo ninom logolik he, obabut liokhogo wene yaganisikherek. Meneat he, ebe yatma logolik he, obabut ailo lek ninghogo yaganisikherek,” iluk agarek mene a'nogo hobuk hinoba wesimbik nailo legat nane ninghogo yagahisigi hanogo iluk, futfobagaigen nane liokhogo yagahisigi. It andi nen he: ”Paulus lak andi re, afuni inobabut inetogat logolik hilingitarek mene andi inobabut waganogo hilingiri'lagwi,” iluk ninabok weak pali'lagwi mene andi, nobabut nailo lek nane ninghogo wenagisa wesigin iluk menenei ebeti lagi.

2 KORINTUS 5:20

Nit he, Kristus nenat, ninayonggo fesikhesik lakninobagai wagaikhemo wagagusik he, Allah nen wene yagahisa hak, komothinafi lago andi. A'nogo komothinafi logolik, ”At Allah nen hobuk hinambotkwe lambukhogo hinobagauwagen he, at hinom lambulinio,” iluk Kristus enu hombuk palogo ninane liokhogo yagahisikhi lago.

2 KORINTUS 6:1

At Allah nen he, mel isikhemo lisu palogo fesukwama werek: ”An nen, hit hinane nesanggo holigin anggigibaat holhi o. Hinebe telhinabigin higithogoat lebethisa wagi o,” iluk isikhe andi re, Allah nen ninane esanggo holigin he, o yogondak ya aro. Nen, ninebe telninabigin he, o yogondak ya aro, iluk hinendawimo ebe'nio. Halok he, nit Allah ninom at faget hilingiti logolik he, at obabut fano nen endawithinafikhemo, at ebe wanhigip a'nogo, we tulemat alomatubo, iluk komothinafi lago andi.

GALATIA 6:11

Yogondak an nonggwarek nenggi nenat lisu amusu hokho meneba palogo hinoba lakfei wagi andi, hineilenggen enegat hano!

EFESUS 3:3

Wene at Allah endawimo hinago welagaikhe mene andi, an fakhogo yaganetikhe, iluk lisu katokhogo palogo yagahisasigi andi.

IBRANI 12:5

Ineisenalagen inagainafuri komorinafarek andi hak, hit Allah againafuri mene, aren komorinaferek wene andi hinonggot ageba? Aren ikhi logolik: ”Afuni an nendawinggen hundik mene halok inebe lombok komorinafik it an nagainafuri mene iluk, fakhogo igirek mene halok inebe lombok yei inoatik, igirek andi nen he, namlogo e. Haren he, neisena Enupogot Allah nen komotnafe, iluk hendawimo nen serametfuluk herakfisagun o. An nen, weak hilingiten, iluk yagaheti halok, hendawimo puk agi'lek logoino,” iluk isikhemo lisu palogo fesukwa.

IBRANI 13:19

Ikhi logolik, ebe esin he, an nebe Allah nen weak-weak hit hinoba nambotkwe laknobagai wesuageluk samban ikhi logobagaigeluk yagahisigi andi o.

IBRANI 2:1

Andi nenat, afuni i soba lagunem i nen woginarek lagarek andi hak, nit ebe wene andi herakfisamo ekhema wo'ninarek lanogo iluk, wene ninesanggo holhugu mene andi ninghogo fisogo logouwogo.

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

IBRANI 4:1

Andi halok he, Allah nen againafuri set waloageluk abok yagaisasikhe mene andi lek agi'lek werek kwelek hobuk nit set waloageluk wo'nisagain oba andoma hit ekhe kwigi'lek kamo inogo iluk hinailorogo logolik higithogo hilingiti logoino o.

IBRANI 4:11

It attak Allah ane hologo higithogo hilingiti'legen, set waligi'lek andi hak, nit ekhe it inobali'mo set walogo lek hanogoluk, ninomamerogo hilingiti logouwogo.

1 PETRUS 5:12

An nen wene horogat andi komorogo hinoba lakfei wesigeluk he, lisu paluageluk an nagot Allah amlogo Silas andi obabut humbunse'ma higirik he, ayonggo figimo lisu yi palhemo hinoba lakfei wagi andi. Allah obabut fano nen hilingninabi'logo mene ebe yiat iluk, an nelu logolik eberogoat yagahisigi o. Halok, hinendawinggen andibaat himbirik logolik, ninghogo mendek logoino, iluk wene lisu palogo hinoba lakfei wagi andi.