IBRANI 13:20 - Allah Wene Fano Wene Hupla Inane

²⁰ Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

IBRANI 13:20 ပူးပေါင်းရင်းမြစ်များ

2 SAMUEL 23:5

”Andi hakhogo nek, afuni an nen tagomangge mene ogore, At Allah nen fanorinafi logogin, An noba wene wa'nete mene andi re agaum esigin mondok lek. Nen aren yi'nogo hilinghafi logoin iluk abok wene yaganete mene andi re ekhe pelabigin lek. Andi re mondok-mondok logogin mene faget hilingi'mo re, Allah nen hilinghafi logogin iluk yaganete mene andi ebe asuageluk he, an nalonget nobagagik, an nendawimo anggigirek mene a'nogo re higithogo nek hilingnobagagik, nane hologo hilingnobagagik, ili'lago andi o.

1 TAWARIKH 16:17

Andi nen wene andiba at Yakub inomat omamet fesikhe, e hu Wene warisasikhe mene andi re it afuni Israel mene faget mondok-mondok logogin iluk isikhe, e hu

2 TAWARIKH 30:12

At raja inom it agoromi pegawai inom he wene melalogo wulafikhe mene a'nogo, higithogo hilingisuageluk he At Allah nen he it afuni Yehuda meneba welagaukwa mene omanogo inendawinggen misik asuageluk hilingfisasikhe.

MAZMUR 23:1

At Tuhan he, an nanggembala se'narek mondok were'ma, an nelagaikhogo ekhe welagirek lek.

MAZMUR 80:1

Afuni nen wuni wulak fuluk inebe seberogo ugunem yanggulinafu mene faget wuni unggulenu Bunga bakung ebene felalek mene higithogo, Ap Asaf en fagetikhe awuni.

KELUARAN 24:8

A'nogo isukwama, at Musa nen he, mep loyang elema kwalhigik fesikhe mene omanogo wanhikhesik, it afuni Israel mene inebene wat fisikhi logolik mel isikhe: ”Nineisena Tuhan nen wene komorogo, yi'nogo hilingiti logoino, ti'nogo hilingiti logoino, iluk yaganisikhe mene andi higithogoat, Allah nen mep yiba wene warogo wokhinafe o,” iluk yagaisasikhe.

YESAYA 40:11

Ap domba halherek mene nen hilingiterek hak, Aren halinaferek mene andoma re a'nogo halinafu werek. At onggaregenat andoget fisaluk he domba eagwi omanogo agaumo felikhogo woginaferek, obabut sakhorek oba re Aren domba isa omanogo inelokhe palogo woginapluk lagarek.

YESAYA 55:3

Hit An nunggulenu mene andoma hinesanggo holini o, An nen hineluk mondok logogun mene wokhisagain enggere, An Noba waga logoni o. An nen nendawi hundik hilinghinafik, tiphogo nek hilingitu welagik, hilingiti logogin iluk Daud oba wene waretigi a'nogoba hilingi'mo re, An nen hit ninom wene mondok-mondok logogun mene wati lagi o.

YESAYA 61:8

Tuhan nen he, mel ikhe: ”An he, afuni inobabut weak logolik, yi enggin ti enggin hilinginafarek andi re mondok nabit logolik, higithogo hilingiti logogun andiat namolo welagirego. An he, nebe hit hinoba lomborogo logolik, onggo fano mene wokhisigik, wene mondok logogin mene warogo wokhinafik, ninom hundik welagik, igin o.

YESAYA 63:11

A'nogo hilingitunem he, iren o attak, at Musa Tuhan amingmingengge mene a'nogo were'ma hilinglaga lagaikhe mene omanogo ebethikhi logolik mel aga, ”Tuhan At againafuri i laut yenggelek mene palogo woginarek wagaikhe mene a'nogo re koma werek nogo? Nen At Tuhan omame it inoba wogisikhi lagaikhe mene a'nogo re koma werek?

YEREMIA 32:40

An nen wene mondok-mondok wasigin mene andi re it ninom wasugun. An nen it inoba fanorogo hilingfisugu mene andi re palfagain lek. Iren An oboget nealuk lanogoluk he inendawinggen abirengge nen An noba inailorogo welagik, esinet nobagaluk legeisogo nobagagik, hilingiti logouwageluk hilinginabigin.

YEHEZKIEL 34:23

An nen ap raja misik ekhe, An namingmingengge Daud higit mene menfoumo re, we at ami amu nen it inobaget inanggembala logolik halinafi logogin.

YEHEZKIEL 37:24

It he ap raja misik mene raja Daud hak mene a'ma sebetfisamo inenggi mondok-mondok andoma melalinafu logogin. Iren he tiphogo nek An nawene melalek omanogo hilingiti logogun. Nen inenggi mondok-mondok faget it inom iren tagomangge mene inom he kweang An nen Yakub wogotigiba it inambu inombalak welagaukwaba andoma logogun.

YEHEZKIEL 37:26

An nen he it inebe inendawinggen serogo mondok-mondok logogun mene faget it inoba wene warisagain. An nen it inebe fanot fisigik, it inebe ekhe inom hokhoabet fisigik, igin. It inanggweang oba andoma re An nawi mondok-mondok logogin mene faget wusigin.

ZAKHARIA 9:11

An hineisena Tuhan nen nagainafuri inoba yagaisikhi logolik, An nen hit ninom wene wathisasigi mene a'nogo faget, Wene wam warogo fikhi logolik amep oba omamet fesigip oba, hit hinagainafuri hele warogo fisa lagaukwama enggin-fenggin hugu logolik ap i mogo habulik mene i ebe firitokse'ma hukhogo kwelabek logolik hilingitarek hakhogo werek mene andoma An nen fikhalogo wulaginabi wesigin.

MARKUS 14:24

Noageluk sumburisikhi logolik mel yagaisasikhe: ”Yi re An namep aro. Allah nen wene warogo wokhinabigin isikhe a'nogo, afuni hokhorogoat faget namep wulagaisogo noasugun andiba, ebe asigin o.

LUKAS 22:20

arat nasukwama nen he, iwak enggen amusu hinago a'nogoat wogisikhi logolik he, ”Yi re, an namep aro. Allah nen wene ket mene warogo wokhinabigin, isikhe a'nogo afuni hokhorogoat faget namep wulagaisogo noasugun andiba, ebe asigin o,” iluk sumburogo wogisasikhesik he, mel yagaisasikhe.]

YOHANES 10:11

Domba eisewerek logolik kwalogo welagirek mene, nobabut fano re, An nebe aro. Domba eisewerek fano mene andi re, anggo domba elelerogo wa'lasigin iluk endawimo anggikherek.

YOHANES 10:14

Domba kwalogo welagirek mene nobabut fano re, nebe Anaro. Neisena nen An elu, An nen at nelu welagorek andi hak, An nen nanggo domba nelu, nen iren an inelu welagorego. A'nogo logolik, An nanggo domba elelerogo wa'lasigiluk welagi.

KISAH PARA RASUL 13:30

Warek a'nogo kwelakfesukwa meneat he, hobuk Allah nen eluget

KISAH PARA RASUL 2:24

Watepma, at ebe heinet wati logolik wa'laga meneat he, afuni inenggi hele warogo fisagare'ma welagaikharek andi hak, at a'nogo warek mondok logogin lek andi nen he, inenggi hele fikhalogo wulakfisagarek andi hak, Allah nen eluget fikhe andi.

KISAH PARA RASUL 2:32

A'nogo isikhe higithogoat, at Yesus Allah nenat eluget fikhemo, nit ya mondogat nineilenggen hogosik nineluat welago andi.

KISAH PARA RASUL 3:15

Nineluget ninaferek mene ero ebe at meneat he, hiren watepma Allah nen he, ebe eluget fikhemo, nit nineilenggen eberogoat hogosigen yagahisikhi lago o.

KISAH PARA RASUL 4:10

Halok he, wene andi faget, hit mondogat inom, afuni inunggulenu Israel mene ekhe mondogat inom, hinelu asuageluk wene ero furogo yagahisak. At Yesus Kristus aiba Nasaret mene hiren eba menfuluk watepma Allah nen eluget fikhe mene a'nogo enuba ap yi fano agasik hineilhanem mendek fano werek yi.

KISAH PARA RASUL 5:30

Hiren Yesus ebe fakfegepsik eba menfuluk watep a'nogo, at Allah ninombalagen awe a'ma kuluk fogerati lagaukwa mene a'nogo nenat ambotkwe eluget fikhemo werego.

ROMA 10:7

Nen: ”Kweang a'ma sa pigin, iluk anggagun o,” iluk isikhe andi ebe re, Kristus wa'lagaikhemo niren eluget fembik waluk lagai wesuageluk ugun lek andi faget isikhe andi.

ROMA 15:33

Allah nen afuni inendawinggen hambuget fikherek mene a'nogo, hit mondogat fethinarek logouwageluk, ikhi logolik, ”Ebe asuak,” u hak, ”Amin,” iluk igi andi.

ROMA 16:20

At Allah afuni inendawinggen hambuget fikherek mene a'nogo nen, at Iblis andi hineisogen alperelogo herakfisoageluk weak-weagat hinawe a'ma fei wesigin werego. Ninoe Enupogot Yesus Kristus obabut fano a'nogo nen kwelakhinarek logouwago.

ROMA 8:11

At Allah nen he, Kristus Yesus wa'lagaikhemo eluget fesikhemo re, at Areagun hinendawimo logolik he, hinebe hinagap wa'laga lagep mene yi hinelugethinabiginat. Andi re, at Areagun en Kristus ebe wa'lagaikhemo eluget fesikhe a'nogo hinendawimo welagarek andi nen hinelugethinabigin o.

1 KORINTUS 15:15

Niren Allah abok ikhi logolik he: ”Aren he, Kristus eluget fesikhemo nineilenggen hasugu,” iluk yagaisogorek. Mene re, afuni wa'lagunem Allah nen inelugerinabigin lek logoilepma re, at Kristus eluget feilep legaro. Nen, at eluget feilep le'ma re, it ekhe nen he: ”Hiren ikhi logolik, Allah nen a'nogo hilingitikhemo nineilenggen hasugu, iluk ikhi lagep andi re, hinera nenat ikhi lagep,” iluk higirat yaganiselebo.

1 KORINTUS 6:14

Allah nen he, ninoe Enupogot wa'lagaikhemo nen eluget fesikhe hak, at omameba, nit ninelugetninabiginaro.

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

2 KORINTUS 4:14

A'nogo yagaisikhi logolik, ninendawimo yi'nogo anggikhi lago. At Allah nen he, ninoe Enupogot Yesus ambotkwe eluget fesikhe andi hak, nit at ninom higithogoat nineluget ninafikhesik he, hit ninomat Yesus oba ninobagai lagain iluk ninelu.

GALATIA 1:1

Hit Allah againafuri o Galatia andogoti lagep mene nerugwi nagaila'lak. An Paulus nerugwi nagaila'lak Allah againafuri fena o yoma ninom welago mene inebe mondogat ninomen wene yi lisu palogo hinoba lakfei wago andi. An nayonggo fesikhesik laknobagai wagaikhemo wagagi andi re, ero afuni nen fuk. Ap ekhe wene oba warogo fesikhemo laknobagai wagaikhe legaro. We, at Yesus Kristus ebe wa'lagaikhemo eisena Allah nen eluget fesikhe mene a'nogo emberegenat nayonggo fesikhesik laknobagai wagaukwama wagagi andi.

FILIPI 4:9

Wene an nen yagahisugunem hinesanggo holhik, an hilingitunem hineilenggen niigik ikhi logolik, wene wanhigipsigen yanggulasigip mene a'nogo higithogoat hilingiti logoino o. A'nogo hilingitunem he, Allah ninendawinggen hambuget ninaferek mene a'nogo nen fethinarek logogino.

KOLOSE 2:12

At Kristus wa'lagaikhemo ebe warek salhukwa hak, hit ima pelakhinafi logolik, hinom hundigat salhinafukwao. Nen, at hinom hundik warek were'ma, Allah omameba eluget fesikhe, iluk, hinendawinggen at omameba himbiret fesigip andi nen, ima nen yegelogo liakhinafunem he, at hinom hundigat hineluget hinafikhe o.

1 TESALONIKA 5:23

A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.

2 TESALONIKA 3:16

Ninoe Enupogot ninendawinggen hambuget ninaferek mene a'nogo onggwaregen yi mene ti mene faget hinendawinggen hambuget hinafu mondok logolik he, hinebe mondogat fethinarek logouwago.

IBRANI 10:22

At ebe andoma were'ma, nit ninendawimo nen he, ”Nit weak hilingito,” iluk ninendawimo menenei ebetorek mene fano hotninafik, ninagap ebene i elokhonggen fano meneba sobalninafik, isikhe andi nen he, ninendawinggen misigat at oba himbiret fuluk ninailo lekhogo, at oba horokhogo kwikhi logouwogo.

IBRANI 10:29

Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.

IBRANI 9:20

A'nogo watfisikhi logolik, mel yagaisasikhe: ”Wene Allah nen komotninafikhe mene higithogo hilingiti logouwageluk, aren he, Hit wene arat warogo wokhinafi, iluk, mep watninobagaikhe yi o,” iluk yagaisasikhe.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

1 PETRUS 2:25

Hit attak he, wam domba kwe nong asi lagarek andi hak, nong asi laga lagagip meneat he, yogondak at Allah nen, ap hinebe fethinarek logolik kwelakhinarek welagarek mene oba hinambotkwe wokhinarek hinobagai wagama welagebo.

1 PETRUS 5:4

A'nogo hilingitu were'ma re, ninoe anggo eisewerek a'nogo wesimbik he, ”Fano mondok hilingiti lagepma,” iluk sa awewerek-sa awewerek lagunem onggo kware-kware ikfisagarek andi hak fogeratu mondok logogun mene wokhisagain o.