IBRANI 12:7 - Allah Wene Fano Wene Hupla Inane

⁷ It yenggerugwi ineisugwi komorinafi'lek ekhe welagaikharek nogo? Komorinafarek enek andi nen he, Allah nen komothinafunem hiren he, ”Nit at againafuri welago andi nen komotninafe,” iluk hinafe morogo logoino o.

IBRANI 12:7 ပူးပေါင်းရင်းမြစ်များ

2 SAMUEL 7:14

At andi eisenare anat hilinglagik, nen athe an namlogo hilinglagik, ugun o. Halok he, at weak ekhe hilingite halok, ineisugwi nen inagainafuri inelu asuageluk wene inoba fagarek a'nogo hak, An nen at oba wene fikhi logogin.

AMSAL 13:24

Ap ekhe amlogo yei wasigin lek halok he andi abit logolik, amlogo endawi hundik logolik halok he ailo legengge yei wasigin fano.

AMSAL 19:18

Hinagainafuri ineluk iaple were'ma andemat, furogo halfisikhi logoino, nen hiren halfisogoin lek halok he, it inebe hobuk weaget fisouwogeluk hilingiti lagep.

AMSAL 22:15

Kembu-kembu aple hilingiri'lagwi mene omanogo yenggerugwi inendawimo fakhaluk hilingiri'lagwi andi re hilingisu hak, oba nen he it inobabut hilingiri'lagwi mene andi re sige tomuk oba nek he inobabut elok hebelu hak.

AMSAL 29:15

Komo wene inom, inenggali watu aple inom andoma re afuni hebelasuageluk yagaisagarek, oba nen yenggerugwi inendawimo nen anggaluk hilingitarek mene andoma re inagaisawi inenggali warogo fisagarek.

AMSAL 29:17

Haren homalik fanorogo komoti logogin halok he, andiba aren fanorogo welagaikharek mene inom, nen hat hendawimo hagaiyekhogo logouwageluk inom hilinghobagakhi logogin.

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.

1 KORINTUS 11:32

A'nogo meneat he, at Allah nen he, ”It andi afuni endakwe mene inom lambukhogo wene inoba fuluk weagerinabugun andi elo'lego,” iluk, aren ninobabut palogo nen, komotninafarek.

ULANGAN 8:5

At hineisena Tuhan Allah nen he, yenggerugwi inesugwi nen yei warogo komorinafarek andi hak hilinghinabik waga andi hinendawimo ebe'ni o.

1 SAMUEL 2:29

A'nogo meneat he, An nen he, wam a'nogo warogo nolneti logogun, iluk yagahisasigi higithogoat nagainafuri nen wam warogo nolnetarek mene andi ebe lombok nolnetunem, hagainafuri nen inalabut faget, fano mondok mene ari nit wo'nisani iluk ugu kwelek, haren, inoba lombok, iluk herakfisikhi lagen andi nenahalok? Eli, hat hobabut he, nailo e. An endebat hangge agaugwetnafi logolik, hagainafuri nek he, hokhorogo agaugwerinafi lagen andi ri!

1 SAMUEL 2:34

Wene An nen yagaheti andi mondok eberogoat iluk enegat asuageluk ebe hilinglaga logolik, hat hagainafuri inebe pire Hofni Pinehas emberek o misik sambulat wa'lasugun o.

1 SAMUEL 3:13

An nen attagat Eli yagati logolik he, hat hagainafuri An nenu weagarogo weak mondok hilingiri'lagwi andi nen, mondo'-mondok weak asuagaluk wene inoba fagain, iluk yagatigimo, at Eli nen at againafuri nen weak hilingiri'lagwi mene andi elu meneat he, aren he, hit a'nogo hilingisugun mondok lego, iluk palfouwageluk oba harorogo wenagisigi'lek herakfisili'lago andi.