IBRANI 12:5 - Allah Wene Fano Wene Hupla Inane

^5-6 Ineisenalagen inagainafuri komorinafarek andi hak, hit Allah againafuri mene, aren komorinaferek wene andi hinonggot ageba? Aren ikhi logolik: ”Afuni an nendawinggen hundik mene halok inebe lombok komorinafik it an nagainafuri mene iluk, fakhogo igirek mene halok inebe lombok yei inoatik, igirek andi nen he, namlogo e. Haren he, neisena Enupogot Allah nen komotnafe, iluk hendawimo nen serametfuluk herakfisagun o. An nen, weak hilingiten, iluk yagaheti halok, hendawimo puk agi'lek logoino,” iluk isikhemo lisu palogo fesukwa.

IBRANI 12:5 ပူးပေါင်းရင်းမြစ်များ

AYUB 34:31

Ayub ao, hat haweak he Allahba mondogat fageten a? An weak ekhe inom hilingisin lek iluk he At eilhanem hane menfegen a?

MAZMUR 118:18

At Tuhan nen he, yi enggin ti enggin mondok elo'lek mene an noba fikhe meneat he, Aren an nebe wa'lasuageluk hera'nobagagi'lek,

MAZMUR 119:109

An he, nebe neiloak legasu hakhogo nek hilingiti lagi, oba nen an he Hat Hawene melalek andi re nonggorasu lek hago.

MAZMUR 119:16

Haren hawene melalek menfegen mene andomaba re an nagaiyek mene hilingnobagali'lago, nen Haren yaganeti lagen mene andoma an nen nonggot asigin lek.

MAZMUR 119:67

Oan unggum wo'neti'le'ma re an nen wene melalek taganhogo nek hilingiti lagagi, yogondak he, Haren wene yi'nogo hilingiti logoino ti'nogo hilingiti logoino iluk isigin mene a'nogo hologo hilingitu welagi.

MAZMUR 119:75

Tuhan neisena, wene Haren tegeti lagen mene andoma re we katokhogo nek tegeti lagen hilingi'mo re an mondogat nelu o, Haren we tiphogo nek hilingiti lagen a'nogoba re an wene noba fegen o.

MAZMUR 119:83

Nagap he iwak songgopnorek mene hangge ari'lago, oba nen he Haren wene menfegen mene andi re an nonggorasigin mondok lek.

MAZMUR 94:12

Tuhan neisena, afuni Haren yanggulinafi lagen mene andoma inom, Haren hawene melalek yagaisikhi lagen mene andoma inom he, inagaiyek hikhi logouwago.

AMSAL 3:1

Wene an nen yagaheti lagi mene andoma re honggorasu fugo, namlogo. An nen wene melalek yagaheti lagi mene andoma eberek mondok logogin halok he,

AMSAL 4:5

Hebe mondok hebelek mene a'luk hendawinggen kagalek mene logoino! An nen komothafirek mene andoma re herak figi'lek eberek mondok logoino,” iluk yaganeti laga.

YEREMIA 31:18

Hobuk an nesanggo holhunemen he afuni Israel mene re inendawimo heiselogo, inane ikhi logolik he, ”Tuhan nineisena, nit he wam maro eil oan wati'lek mene hangge hilingik welagagu o, oba nen he niren futfuluk hilingisuageluk he Haren yaganisasigin, nen yogondak he nit sugulogo Hat hoba wesuogeluk hilingiti lago, nineisena. Ma re, Tuhan Allah nineisena, Haren nit nekhengge wo'ninabin o.

RATAPAN 3:39

Ap weak hilingitarek onggo unggum wogetu kwelek, nenahalok limamit falhu mondok werek nogo?

LUKAS 24:6

At ebe yoma lego. Allah nen arat eluget fikhemo o.

LUKAS 24:8

it hemi omanogo hobuk wene Yesus nen yagaisasikhe mene a'nogo inendawimo ebetukwa.

1 KORINTUS 11:32

A'nogo meneat he, at Allah nen he, ”It andi afuni endakwe mene inom lambukhogo wene inoba fuluk weagerinabugun andi elo'lego,” iluk, aren ninobabut palogo nen, komotninafarek.

GALATIA 6:9

Halok he, ninomame lek agi'legat fano mene hilingiti logogun halok he, yi mene ti mene yakfuluk higit asi lagunem, ebe palharek hak, hobuk wurep oba ebe fano mene helogoin andi nen he, ninaberali agi'legat hilingiti logouwogo.

1 TIMOTIUS 1:20

It weak a'nogo hilingitarek andi, inebe ekhe re, Himeneus Aleksander emberegen Allah abok weak palhi lagaikhama, hobuk inobabut hebelasimbik weak hilingiti'lek kamo uageluk inebe Iblis wogetimo werek andi.

IBRANI 12:7

It yenggerugwi ineisugwi komorinafi'lek ekhe welagaikharek nogo? Komorinafarek enek andi nen he, Allah nen komothinafunem hiren he, ”Nit at againafuri welago andi nen komotninafe,” iluk hinafe morogo logoino o.

IBRANI 13:22

Nerugwi nagaila'lak. Wene horogat hit komorogo lisu palogo hinoba lakfei wagi andi, hinaberali agi'lek hinesanggo hologo logoino o.

YAKOBUS 1:12

Hit ekhe Iblis nen hinendawimo kagaligeluk yi enggin ti enggin hinoba fugu kwelek, hinafe morogo logogun halok, hinendawimo hinagaiyekhogo logoguno. A'nogo hinafe morogo logogun halok, Allah nen he, ”An nebe hinendawi mene halok hineluk mondok logogun mene wokhisagain o,” iluk, abok yaganisasikhe a'nogo hit hinobabut palogo nenat wokhisagain o.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.