IBRANI 12:14 - Allah Wene Fano Wene Hupla Inane

¹⁴ Hit hinebe tegelogo Allah mene fisigi'lek logogun halok he, at ebe hineilenggen hogoin mondok lek andi nen he, afuni mondogat hinom fano lambukhogo logolik, hinebe at faget fisaluk weak hilingiti'lek fano tegelek mondok logouwogeluk hinomamerogo hilingiti logoino o.

IBRANI 12:14 ပူးပေါင်းရင်းမြစ်များ

KEJADIAN 32:30

A'nogo hilingitukwasik, at Yakub en he, mel isikhe: ”An Allah nemberek ambi agosik elokhe neilenggen higi meneat he, nebe wa'lagi'lek neluk welagi,” iluk isikhe andi nen, o andoma enu Peniel salhikhe.

AYUB 19:26

An nagap arat weaget nobagagin meneat he, hobuk wurep oba nareagun selokhogo Allah elokhoma lamo eilenggen hagain werego.

AYUB 33:26

Nen, aren samban ugunem he, At Allah nen endawiraterek, at agaiyek oba Allah fogeratunem he, At Allah nen at ebe hilingik mene a'nogo mondogat fanot fikhi logogin.

MAZMUR 120:6

An he it ekhe afuni inebe seberogo logolik fanorogo welagaikharek inabit mene andoma ninom mondok aninurogo welagi o.

MAZMUR 133:1

Samban uogeluk lagakhi logolik Daud en wuni ikhi lagaikhe awuni. It Allah againafuri mene inebe misik seberogo welagaikharek mene andi re, mondok fano hilingi'mo re an he nagaiyego!

MAZMUR 34:14

hiren wene weak mene ekhe igik, Hit hinambeba nen it ekhe lalinafik, ikhi logogubo.

MAZMUR 38:20

It ap an ninom minggilik logolik hilingiri'lagwi mene re inebe hokhorogo logolik inomame ogo hokhoregat, iren an nebe welagi mene faget inabit noba fili'lagwi.

MAZMUR 94:15

Andiba re wene melalek a'nogo o wene katokhogo palharek oba omanogo nen ekhe inom omamet fugunem, it afuni inobabut higithogo hilingitarek mene nen he ane legeisogo fikhi logogun.

AMSAL 15:1

Wenagisugu halok, onggo inane liokhogo yagaisugunem he, ina'mage lek agarek, oba nen onggo lagokhogoat yagaisogoin halok ina'mage lagaikherek.

AMSAL 16:7

Hiren Tuhan endawimo agaiyek mene hilingiti logogun halok he, hinom weim palek mene andoma re hinagaila'lak aga logogun.

AMSAL 17:14

Yei wene eroratarek andi re i yagare'ma hutarek higit, andi faget he wene oan palhi'lek logolik heise logoin fano.

YESAYA 51:1

Tuhan nen yi'nogo ikhe, ”Hit An nen telninaplep iluk anggikhi lagep mene inom lebetninabuageluk kino yaganeti lagep mene inom he, An nane ikhi lagi mene yi holini o. Hiren helep tom koma meneba nen serelhigik wokhinafa nogo, nen helep he koma meneba habulogo wokhinafa nogo, andoma ebe'ni o.

MARKUS 9:50

Mayu andi fano meneat he, aik lek aga halok, nena meneba aik weregerasugun anggegep. Lego. Mayu andi hinendawimo fisogo logolik, afuni ekhe hinom lambukhogo logoino,” iluk yagaisasikhe.

ROMA 12:18

Afuni mondogat hinom fano lambukhogo logouwogeluk, hit hinobabut fano hilingisu mene nek higithogoat hilingiti logoino o.

ROMA 14:19

Halok he, ninendawinggen hambukhogo logouwogeluk, nit-nit ekhe nen ekhe endawinggen wurigetfigik, ekhe nen, ekhe endawinggen wurigetfigik, ninghogo hilingiti logouwogo.

ROMA 6:22

Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.

1 KORINTUS 1:10

A'nogo meneat he, nerugwi nagaila'lak. Ninoe Enupogot Yesus Kristus enuba, wene ekhe komothinabik. Hit mondogat hinebe minggilhi'lek hai warogo logolik he, hinane misigat mene igik, hinendawinggen misigat welagik, hinendawimo nen wene misigat mene ebetik, ikhi logoino.

1 KORINTUS 13:12

Yogondak ya re, inafumak mum werek kwelek ineilenggen yethagarek hak, afumak enek mene yethikhi lago. Meneat he, hobuk ebe mene furogo yethogoin o. Yogondak he, wene ando fena nek ninelu welago. Meneat he, hobuk at Allah nen an nebe furogo elu andi hak, an nen at Ebe furogo nelu asigin o.

2 KORINTUS 6:17

Nineisena Enupogot a'nogo nenat, ekhe mel isikhe: ”Hit hinebe it afuni ekhe inanggelekwe, welagep andi herakfisaluk he, andogorogo wulibi we'ni o. Wulibi wagunem he, an nen wokhinabumo, hobuk weak mene andi hinenggi fakha lagubo.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

GALATIA 3:21

Halok he, wene Allah nen Abraham, ”Wokhesigin,” iluk, abok yagatikhesigen, hobuk komotninafikhe mene andi re, afuni ekhe inom limamit palharek hak hilinglasigin ugun nogo? Mondok lego. Wene komotninafikhe wene a'nogoba ninelugetninabigeluk wo'niselepma re, wene andibaat wene ninoba mene korogo wokhaluk, Allah ninom hobuk ninambotkwe hunogo ninobagailep andi.

EFESUS 5:5

It afuni pailak fakfisagarek mene inom, inenggali lek weak hilingitarek mene inom, ”Yi mene ti mene an mene nek logoilep,” iluk inendawimo nen anggaluk hilingitarek mene andi, tugwi kembuba himbirik logolik hilingitarek hagat hilingitu halok, Kristus Allah emberek inawe a'ma fisugunem welagaikharek oba andoma eisewerek asugun mondok lego, iluk, fanorogo hinendawimo ebe'ni o.

FILIPI 3:12

Menere, an yogondak ya, nendawinggen mondok wurik agik, ebe fano mene andi arat heligik, igi fuk. Oano. Fano mene andi an heloageluk, Yesus Kristus nen nebe wo'nafikhe andi nen, ebe hela lageluk nomamerogo hilingiti lagi.

1 TESALONIKA 3:13

A'nogo hilinghinafi logombik he, ninoe Enupogot Yesus onggwarek agoromi inom at wagunem he, hinebe nineisena Allah onggwarek faget fisaluk, at eilhanem wene hinoba lek fano tegelek were'ma hisa wesuagen, hinendawinggen wurigethinafi logouwago.

1 TESALONIKA 4:7

Allah nen, nit weak hilingiti logouwageluk ninayonggo fesikhe lego. We, ninebe at onggwarek faget fisaluk, horek logolik, higithogo hilingiti logouwageluk ninayonggo fesikhe andi.

1 TESALONIKA 5:15

Afuni nen hit ekhe weaget hinafunem, onggo-onggo weagerinafi'lek logolik, hit-hit faget inom, afuni mondogat faget inom, inobabut fanorogo hilingitarek andi meneat esinet fikhi logoino o.

1 TIMOTIUS 6:11

It a'nogo hilingitarek meneat he, hat he, hebe Allah amlogo welagen andi nen, andi mene hilingiti'lek herakfisaluk logoino. A'nogo logolik, Allah endawimo anggikherek mene higithogo hilingitik, awe a'ma kuluk, at faget hilingitik, hendawinggen at oba himbirik welagik, afuni hendawirinafik, hafe morogo welagik, hobabut enago welagik, ikhi logoigeluk, andi meneat esinet fikhi logoino.

2 TIMOTIUS 2:22

Andi nen he, hat he, it ap alage mene nen inoba aigage lagaluk weak hilingiri'lagwi mene andi herakfisaluk, heise laga logoino. It afuni ekhe inendawinggen fano misigat logolik, ninoe Enupogot ayonggo fili'lagwi mene andi hinom lambulogo logoino. Hinomat he, higithogo hilingitik, Allah oba hundik welagik, afuni inebe hinendawirogo welagik, afuni inom liokhogo welagik, agarek andi meneat murok laga logoino.

IBRANI 12:10

Iren he, ”Fano hilingisugun mene yi higi,” iluk elama faget we endebat komorinafarek meneat he, nineisena Allah nek he, at weak hilingiti'lek tegelek welagarek andi hak, nit ninom a'nogoat tegelek logouwageluk komotninaferek.

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.

1 PETRUS 3:13

Hit he, fano hilingiti logouwogeluk anggilukhogo hilingiti lagep halok he, sa nen weagethinabigin nogo? Weagethinabigin lego.

2 PETRUS 3:11

Yi mene ti mene mondogat a'nogo legasigin andi nen, hit hinobabut ninggi'nogo hilingiti logogun anggegep? Allah nen hilingisigin andi sambul pogot endu foumo re, amulogen felelenghogo ninggik, yi mene ti mene ero inom tamuk-tamakhogo ninggik, igin andi nen, weak hilingiti'lek tegelek logolik, hinebe Allah faget fisaluk, at ebe nenangorogo logolik, ebe weak-weak wesuageluk anggilukhogo hilingiti logoino o.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.

3 YOHANES 1:11

Nagailage, hebe nendawi. Haren he, it afuni inobabut weak hilingitarek mene andi, inobabut wanhuno. We, it inobabut fano hilingitarek mene halok, inobabut wanhi logoino o. Sa nen obabut fano nek hilingiterek mene andi ebe Allah againafuri meneat he, sa nen obabut weak enek hilingiterek mene halok, aren Allah ebe eilenggen hikherek lek, onggoraro.

HAKIM–HAKIM 11:14

A'nogo isukwama, at Yefta nen ap yonggongge ekhe raja Amon meneba wene onggo yi'nogo yagasi loageluk lakfisikhi logolik he,