IBRANI 12:11 - Allah Wene Fano Wene Hupla Inane

¹¹ Komotninafu kwelek andemat ninendawimo fano agarek lek. We, ninendawimo weak agarek meneat he, hobuk komotninafarek andiba, komotninafunem welagorek mene halok, yi mene ti mene enggen iterek andi hak, ninobabut fano lioksek logolik higithogo nek hilingiti logogun andi.

IBRANI 12:11 ပူးပေါင်းရင်းမြစ်များ

KEJADIAN 21:11

A'nogo yagatikhe meneat he, at Ismael ogo re, at Abraham amlogo welagaikhe andi nen he, ”Wene andi weak ikhe,” iluk endawimo anggasikhe.

MAZMUR 118:18

At Tuhan nen he, yi enggin ti enggin mondok elo'lek mene an noba fikhe meneat he, Aren an nebe wa'lasuageluk hera'nobagagi'lek,

MAZMUR 119:165

Afuni Hat hawene melalek oba inendawi hundik hilingiri'lagwi mene re inailo legengge inebeba serogo logogun, it inoba kwe palek mene ekhe hilingfisogoin mondok lek.

MAZMUR 89:32

nawene melalek higithogo hilingiti logouwagaluk fesigi mene andi inendawimo seramet figik, higithogo hilingiti logoino, iluk igi mene andi sagalogo figik, hilingiti logogun halok,

AMSAL 15:10

Ap weak mene nek hilingirik lagaikharek mene andi re enggin-fenggin inoba fagain, ap komorinafunem inabit anggagarek mene andoma re hobuk wa'lasugun.

AMSAL 19:18

Hinagainafuri ineluk iaple were'ma andemat, furogo halfisikhi logoino, nen hiren halfisogoin lek halok he, it inebe hobuk weaget fisouwogeluk hilingiti lagep.

YESAYA 19:22

Tuhan nen he ap inunggulenu Mesir mene endawi hundik oba weagerinabimbigen he hobuk lagokhogo re it inoba fanorinabigin. Iren Tuhan oba inendawinggen hebelogo wagunem he, Aren it samban ugu mene inane esanggo holiluk he fanorinabigin.

YESAYA 32:17

Afuni inebe lombogen he, eberogo mene nek hilingirik lagunem he, inenggi mondok-mondok andomaba fano liokhogo mondok welagik, inagaiyekhogo nek welagik, ikhi logogun.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

2 TIMOTIUS 4:8

Afuni inawe walhugunem, inawe uan agaikharek mene onggo fano mene wogisagarek hak, an nebe arat lagunem, ninoe Enupogoren wene ninoba figik, kotik, higithogoat igin andi sambul, aren he, ”Hat higirat hilingiti lagenma,” iluk, onggo fano mene ekhe wo'nesigin werego. Mene re, an enek wo'nesigin fuk. It ekhe inendawimo nen he, ”Yesus we'nige,” iluk, inamolo nen nenangorogo welagaikharek mene halok inebe mondogat ninom wo'nisagain aro.

IBRANI 12:10

Iren he, ”Fano hilingisugun mene yi higi,” iluk elama faget we endebat komorinafarek meneat he, nineisena Allah nek he, at weak hilingiti'lek tegelek welagarek andi hak, nit ninom a'nogoat tegelek logouwageluk komotninaferek.

IBRANI 5:14

Mene re, it inaluendek enek he, inendawinggen arat wurik agaikha andi nen he, wene yi weak, yi fano, iluk penesu inelu andi nen sumburu haro mene andi re it inamburu o.

1 PETRUS 1:6

Andi nenat, yogondak ya, Allah nen hinobabut paligeluk ugunem, hinoba yi enggin ti enggin hikhi logolik, elama faget hinendawimo weak ari'logo meneat he, hinendawimo hinagaiyek hikhi logoino o.

2 PETRUS 2:14

It ap andi ineilmo re, hemi pailak fakfisogoin mene nek eberek logolik, inabit agi'lek weak hilingitu mondok logogun andi. A'nogo hilingiti logolik, afuni Allah ane kerat waluk, inendawinggen abolok werek mene lalinafi logogun andi. Inobabut he, ”Yi mene ti mene nit enek wo'niselep,” iluk ikhi logouwogeluk attagaren yanggulhukwasik he, andi meneat inelu logolik hilingiti logogun andi. A'nogo hilingiti logogun andi nen, Allah nen homan fisambik weagerinabigin werego.