IBRANI 11:9 - Allah Wene Fano Wene Hupla Inane

^9-10 Wagaikhesik, o abok yagatikhe mene andi arat wagaikhesik logoligat he, ”O yi lego. O hunogoat ekhe Allah nen ilirengge walhigik ningsek meneba wutikhe mene ekhe werego,” iluk nenangorogo mondok logolik, o su meneba ya wutik, ta wutik, ap pok higit nogolik nikhi lagaikhe. Andi hagat, ap Ishak inom, Yakub inom, inendawimo nen he, ”Allah nen, yi'nogo wokhisagain, iluk abok isikhe andi, nit ninomat yaganisasikhemo eise asugun,” iluk a'nogoat nikhi lagaukwa.

IBRANI 11:9 ပူးပေါင်းရင်းမြစ်များ

KEJADIAN 12:8

A'nogo hilingi'luk he, pikhirat i ambutmo higit tom hokho meneba o kota Betel esanggoma, mo liabi wagarek higithogo andoma wagaikhesik, o Betel en honggolek, Ai nen honggolek andoma o sabu su meneba ekhe wutikhe. O wutikheba andoma nen he, o mo ubukhogo kwikherek higit he, o Betel andi, nen, o mo liabi wagarek higit he, o Ai andi. O andoma yi mene ti mene Allah faget warogo noleti logogun oba obuluk mezbah ekhe wutikhesik Tuhan fogeratikhe.

KEJADIAN 13:18

A'nogo yagatikhemo, at Abram en o sabu wutikhe mene a'nogo waluk, e Allah agayo afuni nen Allah faget hilingiti logogun oba era'lu enu Mamre andi re, o Hebron era'lu horogatma re, andoma wusi wagaikhesik, yi mene ti mene Tuhan faget warogo noleti logogun oba obalik mezbah wutfesikhe.

KEJADIAN 13:3

A'nogo waga logolik, o Betel lagaluk, o ekhema nen ekhema kwigik wagaikhe. A'nogo waga lagaikhesik, o Betel honggolek Ai honggolek higit lagaikhesik he, attak o sabu su mene wutikhesik, yi mene ti mene Allah faget warogo endu noleti logogun oba obalik wutikheba a'nogo lagaikhesik, Allah fogeratikhe.

KEJADIAN 17:8

An nen he, kweang o Kanaan hat hebe ap pok higit welagenma yoma, hat inom, haren tagongge mene inom, wokhesigin o. Mondogat haren tagongge mene eise asimbik mondok werek kwelek, An Allah it ineisenaat asimbik logogin o,” iluk wene waretikhe.

KEJADIAN 18:6

A'nogo hai watukwama, at Abraham weak-weak aiba tenda wuri'mo a'nogo kwisikhesik he, Sara mel yagatikhe: ”Tepung fano mene su misigat kwalek mene wanimbik he, weak-weak roti hombonundek mene ekhe werasin o,” iluk yagatikhe.

KEJADIAN 18:9

Hobuk it ap pok omanogo nen he, Abraham mel yagatukwa: ”Hat hagwe Sara ebe koma werek,” iluk yagatukwama, at Abraham en he, ”At ebe o tenda wuri'mo werego,” iluk yagaisasikhe.

KEJADIAN 21:34

A'nogo hilingitikhesik at Abraham o Filistin inanggweangma andoma aninurogoat welagaikhe.

KEJADIAN 23:4

”An he, nebe pok nagun hinanggele'ma yoma welagimo re, an nagwe warek saligin oba kweang ekhe onggo paligen yagane'ni o” iluk yagaisasikhe.

KEJADIAN 25:27

It yenggerugwi aremnogo emberek inebe inalue aga logolik, at Esau sue, paik enggi puk weak watu elu mondok agaikhesik, ebe enggama mondok welagaikhe. Nen, at Yakub obabut he, yi kwe ti kwe lagi'lek aiba mondok welagaikhe.

KEJADIAN 28:4

Allah nen hat hebe fanothafik, haren tagongge mene fanorinafik, Abraham fanot fesikhe andi hak, uago. Nen, Allah nen kweang hat welagen oba yoma Abraham wogotikhe mene andi hat eise logoino o,” iluk yagatikhe.

KEJADIAN 31:25

Andem sambul at Yakub en o Gilead omanogo punu ekheba awi tenda wutikhesik werek kwelek, at Laban ori agoromi inom ogo punu ekhe abel fenakweba inawi tenda wutukwasik welagaukwa.

KEJADIAN 35:27

At Yakub a'nogo o Mamre Hebron horokhogo andoma attak he omba Abraham welagaikheba omanogo eisena Ishak were'ma ambit wagaikhe.

KEJADIAN 36:7

Laga logolik emberek minggilogo re it inangge yi mene ti mene hokhorogo welagaikhe mene omanogo emberek misi'mo werek aple elo'lek aga lagaikhemo, nen o welagaukwaba andoma ogo re engga yi mene ti mene inanggo hokhorogo welagaikhe andiba nunggu mene faget elok legat aga lagaikhemo, at Esau Yakub emberek minggilagaukwa andi.

KEJADIAN 47:9

Heinok wokhasikhemo, at Yakub en he, ”An hamingmingengge yi, o fuluk pugulogo nikhi logolik, huli yogondak nebe umur 130 tahun welagi. An nombalak o pugulogo nikhi logolik inebe umur uanat welagaukwa andi, an welagirek mene emberek walhamo re, an mondok wiik-weakhogo nikhi logolik, nebe umur horogat welagi o, noe,” iluk yagatikhe.

MAZMUR 105:12

O attak he Allah againafuri mene inebe ap pok mene hakhogo logolik, inebe we wenagongge hakhogo o Kanaan kweang oba andoma welagaukwa.

YEREMIA 35:7

Nit he yabu heligik, nineabu anggur yabu waganogo awi yakhigik ugukwe ogo ekhe logogin legat. Nen, nit nineluk logogun huli andoma re ninawi iluk ogo wurikhi logogun legat. Nit he we tenda sale'ma nek logolik o kweang yiba ap pok higit logogun.

IBRANI 6:17

A'nogo hilinglagarek andi hak, Allah nen he, ”Afuni an nendawimo anggaluk abok yagaisigirek mene halok, nane hebelogo hobuk hunogoat mene ekhe yagaisigirek lego,” iluk, it abok yagaisasikhe mene halok enek eberogoat anggoageluk he, hombuk palogo yagaisasikhe andi.