IBRANI 11:38 - Allah Wene Fano Wene Hupla Inane

³⁸ It andi mondogat inobabut fano a'nogo hilingiti lagaukwa andi nen, afuni inom kweangma yoma logogun he, elo'lego. It andi inawi wurik hangge le'ma re, pugulogo o leimo afuni le'ma inom, tom ebene inom, nikhi logolik, oumokwe inom, kweang anggwe folelekwe inom, welagaukwa.

IBRANI 11:38 ပူးပေါင်းရင်းမြစ်များ

1RAJA-RAJA 17:3

”O yoma herakfisaluk he, i Yordan palogo, o mo lagai wagarek higit a'lima lambik, i endep mene Kerit a'nogo era'lu andoma hinago logoino o.

1RAJA-RAJA 18:13

He Izebel en ap nabi-nabi Tuhan ane yagaisikhi lagaukwa mene inoati lagaikhemo, an nen ap it andi mene inebe 100 mene fena minggilogo 50 nen oumo ekhema hinakfisigik, nen fena 50 nen oumo ekhema hinakfisigik, isigisik, inamburu inom inagai inom wogisikhi lagagi andi haren nabok holhi lagagin lek nogo?

1RAJA-RAJA 18:4

Aren he Izebel en ap nabi-nabi Tuhan ane yagaisikhi lagaukwa mene omanogo inebe mondok inoatunem, at Obaja andi nen he, it ap andi mene inebe 100 mene re, 50 fena minggilogo oumo ekhema hinakfisigik, nen 50 fena oumo ekhema hinakfisigik, isikhesik inamburu inom, inagai inom, wogisikhi lagaikhe.)

1RAJA-RAJA 19:9

Andoma lagaikhesik, oumo nogo isikhe. A'nogo nogo ugunem, at Tuhan nen mel yagatikhe: ”Elia, hat he yoma ningginhi lagen,” iluk yagatikhe.

YESAYA 57:1

Ap fanorogo hilingitarek mene inom higithogo hilingitarek mene wa'lagunem he, ap ekhe nen futfisigik halfisigik agarek lek. It mondogat wa'la'luk he enggin-fenggin meneba nen ogal fakhaluk inoba fanorogo set walikhi logolik werek.

YEREMIA 41:9

Pogole andi re, ele hokho mene hun raja Asa nen he, raja Israel mene Baesa a'nogo nen weim sineli kwi wagu nen habulhikhe meneba pelaginabi lagaikhe.

HAKIM–HAKIM 6:2

A'nogo logolik he afuni Israel mene afuni Midian mene inoba mondok inailo nen he oumokwe inom, tomkwe inom afuni nen ineilenggen isa lekwe inom andoma hinago welagaukwa.

1 SAMUEL 22:1

Andi nen at Daud a'nogo o kota Gat herakfisaluk o Adulam horokhogo oumo omanogo lagaikhesik hinago welagaikhe. A'nogo were'ma at ogogwi agaila'lak inom, at eisok erokwe mene inom omanogo nen inesanggo holhukwasik he it inebe at were'ma andoma andogosi lagaukwa.

1 SAMUEL 23:15

Ariginik oba nen he at Saul en Daud wasigin iluk hilingiti lagaikhe andi nen he at Daud ogo ailo welagaikheat. Inenggi ekhe sambul he at Daud a'nogo re o Hores Sif leimo andoma welagaikhe.

1 SAMUEL 23:19

A'nogo were'ma it afuni Sif mene inebe miren hakhogo, at Saul o Gibea were'ma andoma eluet fei laga logolik yi'nogo yagatukwa, ”At Daud a'nogo re nit ninawi abel ambolkwe tom Hakhila oba nen abel selatan fikhit o Yehuda leimo o Hores horokhogo helep elekwe andoma hinago logolik werego.

1 SAMUEL 23:23

Lambik he at ebe hinago welaga kwe helep elekwe andoma fanorogo hera'luk he, nekhengge an noba yi'nogo hilingik iluk yaganesi we'no. A'nogo yaganesi wagep halok enek he an nebe hit ninom seberogo logoin o, lambik he o Yehuda ba andoma ilak-pulakhogo hilingfikhi logolik mene ogore, at ebe o kweang andiba werek halok he ibi-eberogo nenat an nen herasigin o!” iluk yagaisasikhe.

1 SAMUEL 26:1

Inenggi ekheba re it afuni o Zif mene nen he at Saul ebe o Gibea were'ma oba lagaukwasik yagati logolik he, ”Daud a'nogo re tom Hakhila ba o Yehuda leimo nen esanggoma aremnogo hinago logolik werek,” iluk yagasi lagaukwa.