IBRANI 11:36 - Allah Wene Fano Wene Hupla Inane

³⁶ Nen, ekhe re, afuni inane aik weak asegen wogisigik, yei inoatik, inenggi hele warogo kwelakfisigik,

IBRANI 11:36 ပူးပေါင်းရင်းမြစ်များ

KEJADIAN 39:20

A'mage a'nogo lagasikhesik, afuni ekhe nen Yusuf enggi hele weak-weak warogo o afuni inenggi hele warek fisagarek oba kwelakfei loageluk yagaisasikhemo, o at raja Firaun nen afuni inenggi hele warogo fisikhi lagaikheba andoma kwelakfei lagaukwa.

1RAJA-RAJA 22:24

A'nogo yagatikhemo, ap Kenaana amlogo Zedekia Allah ane yagaisikhi lagaikhe mene a'nogo ebe Mikha oba horokhogo higilha wagaikhesik yei elokhenggen lambukhogo watikhesik he, mel yagatikhe: ”Nineisena Tuhan Areagun an hera'nobagaluk, wene hat hoba yagahesi we'lep lego,” iluk wenagetikhe.

1RAJA-RAJA 22:27

Wogisa lamo re iren afuni hele warogo fisagarek oba omanogo kwelakfoumo were'ma re, an weim yabi lagain oba andoma nen selekhogo oan wagi'lek werek kwelek he, sumburu inom, i inom he we endephogo nek wogeti logoino o, iluk yagaisano,” iluk yagaisasikhe.

2 RAJA-RAJA 2:23

A'nogo hilingfuluk, at Elisa ebe wagaikhesik o Betel lagaikhe. A'nogo ebekwe lagunem, yenggerugwi inebe logalogo, o kota ekhe nen wuibi wagaukwasik inane asegen wokhikhi logolik mel yagatukwa: ”Unggulasili waganek mene yi ri! Unggulasili waganek mene yi ri! Hat hebe ya nenat lan o,” iluk inane hokhorogo yagatukwa.

2 TAWARIKH 16:10

A'nogo yagatikhemo re at nabi Hanani nen yagatikhe mene andiba re at Asa a'nogo a'mage lagasikhesik he aren nabi a'nogo o afuni hele warogo kwelaginafarek oba omanogo kwelafikhe. Andem oba re at Asa nen it afuni holhu mene fenakwe inom enggin-fenggin inoba hokhorogo fikhi lagaikheat.

2 TAWARIKH 18:26

Wogisa lamo re, iren ap hele warogo kwelaginafarek oba omanogo kwelakfembik he, an weim yabi lambik nebe oan wagi'lek kwelek andem he, sumburu inom i inom he we endebengge nek wogeti logoino,” iluk yagaisasikhe.

2 TAWARIKH 30:10

A'nogo palek engge a'nogo it lakfisasikhe mene omanogo nen waluk o kota wilayah inunggulenu Efraim mene werek kwe inom, Manasye mene werek kwe inom, lagaukwasik he abel ambolkwe utara fikhit po'lima wilayah it inunggulenu Zebulon mene werekwe andoma lagaukwama nen he, it afuni omanogo mondogaren he pilip inafi logolik he, endo yaginafukwa.

2 TAWARIKH 36:16

Oba nen he At Tuhan ane ugu mene omanogo puliabet fuluk he it nabi omanogo endo yaginafik, it Allah nen lakfisa wagu mene omanogo lalfalhogo hilinginafik ikhi lagaukwa. A'nogo hilingiti lagaukwa andiba re, At Tuhan anini inoba fikhe mene andiba nen lologo wulibi la re mondok elo'lek welagaikhe.

YEREMIA 20:2

aren ap miming inafi logolik an nebe yei warogo ebekhe hokho mene ekhe o Tuhan awi wuri'mo nen abel ambol kwe fikhit mene enu Pintu Gerbang Benyamin andiba porogo menobagauwageluk yagaisasikhe.

YEREMIA 20:7

Tuhan neisena, Haren an konafi lagenma an konek mene welagi. An nebe mabensek kwelek Hat enek he homame mene hilingik welagenma a'luk he an sebelogo nobagegenma welagi. A'nogo were'ma afuni inebe lombogen ineilenggen nen senggel nabi'lagwi, huberen pikhit hu'mokwe huli li'not nafu mondok werek.

YEREMIA 29:26

”Tuhan nen he hat hebe imam logouwageluk at Yoyada obali'mo menhobagaikhe o. Nen yogondak he hat o Tuhan aiba a'nogo yabu lego mene hilingiti lagen, hat heabu re ap lugu-lugwi palik mene nen an nabi welagi iluk ugu mene omanogo inalonggopma hele posiemanggen meneba homak fisugu mene welagen.

YEREMIA 32:8

Andiba re Tuhan nen ane ikhe mene higithogo re, Hanameel a'nogo nen an nebe raja awi istana solombonma omanogo were'ma nen wagasik he aren an noba kweang andi onggo palin iluk mimingnafe. Andiba re nendawimo nen he Tuhan nen ane eberogoat an noba ikhe anggigi.

YEREMIA 36:6

Enggere, linggene afuni sumburu ninggi'lek werek oba a'nogo asi wagu halok hat hebe andoma lambik he hane hokhoba an nen naneba yagaheti mene andoma pilingisumo re Tuhan nen an yaganete mene andoma inesanggo holugun. Hat hebere ap Tuhan Awi wuri'mo werek mene andoma inom, nen o kota amukwe nen weri'lagwi mene andoma inomen hane ugunem fanorogo holuba halok menla'luk yagaisano.

YEREMIA 38:28

An a'nogo o ap raja awi istana senggelek ambe hokho meneba omanogo hele warogo nobagai lagaikhama were'ma nen enek he o Yerusalem a'nogo ap selei mene nen telasukwa.

YEREMIA 39:15

An nebe hele warogo o raja awi senggelek ambe hokho meneba omanogo werek kwelek andoma re Tuhan nen an mimingnafi logolik,

DANIEL 11:33

Afuni inendawinggen wenggelek mene nen melalinafarek mene re afuni hokhorogo nen futfuluk hilingiti logouwageluk hilingiti logogun. Oba nen we inenggi miren hakhogo wela'lugen he it andem inanggele'ma nen fena endu oba hea, athe weim ambisangma nen hea, inoasugun, nen fena ekhe re inebe fakfisambik hele warogo woginarek logoin.

MATIUS 20:19

Wene noba fembik he, it ap endakwe mene nen inane asegen yaganetik, yei lambisogengge noatik, imbik he, nebe eba mennobagambik noasuageluk wogisogoin o. Nen, arat noatunem, nenggi pire warek logombik he, henaganek he neisena Allah nen neluget nabigin o,” iluk, yagaisasikhe.

MATIUS 21:35

Mene re, it ap kwalogo welagaukwa mene omanogo nen, ap anggweang eisewerek mene amingmingengge enggen wani wesuageluk lakfisa wagaikhe mene omanogo inebe fakfisaluk he, fena yei inoatik, fena inebe mondok inoatik, fena helep oba inoatik, isukwa.

MATIUS 23:34

Halok hinesanggo fanorogo holini. An nen ap Allah ane yagaisagarek mene inom, inendawimo kagalek mene inom, Allah ane lisu palek eisewerek mene inom, lakfisa wesigin mene andi, hiren fena eba menfisaluk inoatik, fena o hit samban ikhi lagep kwe kuluk yei wiik-weakhogo inoatik, fena mugusogo-magaisogo o kota ekhema-ekhema lakfisigik, hilinginabugun o.

MATIUS 27:26

at Barabas a'nogo enggi hele fikhalogo wogisikhi logolik he, at Yesus enek he, yei lambisok warogo re, eba menfuluk wasuageluk wogisasikhe.

MARKUS 10:34

A'nogo nobagaumo re, iren inane asegen yaganetik, wesi nobagagik, yei lambisok noatik, imbik he, nebe arat noasugun o. Noatunem he, nenggi pire warek logombigen, nenggi ekheba neluk asigin o,” iluk yagaisasikhe.

LUKAS 18:32

Nebe noasuageluk, yonggo lambik it ap enda'ma mene inenggiba nobagagun o. Nobagaumo, inane asegen wo'niigik, endo ya'nafik, wesi nobagagik,

LUKAS 23:11

Fugunem he, Herodes agoromi tentara mene omanogo inomen, Yesus ebe inendawimo inabiret fuluk, inane asegen hokhorogo wokhikhi lagaukwasik he, su fano mondok kaindek labetarek mene ekhe labetfesukwasik, ambotkwe Pilatus oba lakfei wagaukwa.

LUKAS 23:36

Nen, it ap tentara mene omanogo oba horokhogo wagaukwasik, anggur enggen amusu ale weak mene a'nogo hegethasukwasik he, inane asegen wokhikhi logolik, ”Hat afuni Yahudi mene inoe kain henupogot eberogoat halok he, honggwaregen telan he,” iluk yagatukwa.

KISAH PARA RASUL 21:33

Herakfesukwama ap tentara inoe kain a'nogo ebe Paulus oba horokhogo lagaikhesik, ebe fakfuluk he, agoromi nen posie omanggen pireba enggi hele wasuageluk yagaisasikhe. Yagaisasikhesik he, ”Ap yi sa nogo. Ninggi'nogo hilingitemo,” iluk heinok wanhikhe.

KISAH PARA RASUL 24:27

A'nogo ugu werek kwelek, mo lagagik pigik 2 tahun welagaukwasigen, hobuk Feliks obali'mo ap ekhe enu Perkius Festus gubernur asuageluk menfesukwa. Menfouwogeluk ugunem, at Feliks nen he, ”It afuni Yahudi mene inendawimo fanorogo,” iluk Paulus enggi hele waregat herakfesikhe.

KISAH PARA RASUL 4:3

Ina'mage lagasukwasik inenggi hele warogo re, o arat hubagaikhemo, o hubet inanema wanuogeluk, o afuni hele warek fisagarek oba kwelakfisasukwasik ferinarek nogo isukwa.

KISAH PARA RASUL 5:40

Inendawinggen sebelhikhemo, it ap Yesus nen inayonggo fuluk lakfisasikhe mene omanogo wolisasukwama kwisukwama re, yei inoatukwasigen, ”Yesus andi enu hombuk palogo, wene hobuk a'nogo yagaisikhi logogubo,” iluk komorogo wulakfisasukwa.

KISAH PARA RASUL 8:3

Allah againafuri a'nogo wulakfisikhi logolik, at Saulus a'nogo Allah againafuri mene weagerinabigeluk he, inawilokwe lombok ya kwigik ta kwigik nikhi logolik, ap inom, hemi inom, inenggi lisogo woginarek he, o afuni inenggi hele warogo fisagarek oba fisa laga lagaikhe.

EFESUS 3:1

Andi nen he, an Paulus hit afuni endakwe mene Kristus Yesus nen telhinabuageluk, at faget nenggi hele warogo nobagagama welagi.

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

2 TIMOTIUS 1:16

A'nogo meneat he, at Onesiforus againafuri inom enek he, hundik-handik, nendawimo fanorogo nendawinggen sebeli weri'lagwi andi nen he, ninoe Enupogoren endawirogo ferinarek logouwago. An nenggi hele warek were'ma noba wesu enggali legat,

2 TIMOTIUS 2:9

An fano wene a'nogo yagaisilik nugunem, it afuni ekhe nen, it ekhe weak hilingiri'lagwi mene hilinginabu hak, an yi enggin ti enggin hilingnafik, nenggi hele watik, ili'lagwi meneat he, Allah ane andi hele homasugun elo'lego. We, hele fikhalegat werek.

IBRANI 10:34

it ekhe hele warogo kwelakfisugunem hinendawirinafik, ikhi lagagip andi. A'nogo hilingiti logolik hinendawimo nen he, ”Nit mene ningsek fano mondok logogin mene werego,” iluk anggikhi logolik he, hit mene yi mene ti mene helugunem hinendawimo weak agi'lek hinagaiyek anggikhi lagagip andi.

WAHYU 2:10

At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.