IBRANI 11:25 - Allah Wene Fano Wene Hupla Inane

²⁵ An nebe fano logolik, we elama faget meneat he, anggilukhogo weak hilingiti logogin andi nabit. We, it Allah againafuri ninom yi enggin ti enggin hilingninafi logogun fano o,” iluk, endawimo anggasikhesik,

IBRANI 11:25 ပူးပေါင်းရင်းမြစ်များ

AYUB 20:5

it ap kwanirogo hilingitu mene nen inagaiyek hili'lagwi andi re we elama faget, nen ap wene sagalharek mene nen inamolorogo hilingitarek mene andi re we misigam faget hilingitarek.

AYUB 36:21

Hat hoba ou hikhi lagen andi re haren weak hilingiten mene ari herak fouwageluk hilingitemo re, haren helokhe hebekhogo afuni wene sagalfuluk hilingitarek mene inoba lagen hanogo re hafe hebelogo hilingi'no.

MAZMUR 47:9

Allah ebe re takhta hurek welagarek oba hore'ma omanogo logolik, yi afuni ti afuni inunggulenu lombok At awe a'ma fisaluk melalinafu werek.

MAZMUR 84:10

Hat neisena Allah nen he, nit ninoe raja enggiba welagorek mene, Haren wenatigin mene andi at ebe fanot fikhi logoino. Hawe a'ma fikhi logoino.

YESAYA 21:4

Nendawinggenma lebe-lebe nek ikhi logolik, hom-hombuk nobarogo re noak leigeti lagi. Hup asi wesuageluk nenangot higirek mene a'nogo re nendawinggenma abolok u hak enek hilingnabi'lago.

DANIEL 3:18

A'nogo meneat he, aren telninafi'lek halok, niren he, haren, Neisena ebe yi aro, iluk oba himbirik logolik fogerati lagen mene andi fogeratik, tugwi kembu emas mene wuten ari nineindep awi yagaisogo fogeratik, ugun legat. Andi nen he harogo helurogo logoino o, ninoe,” iluk yagatukwa.

MATIUS 13:21

wene andi inendawinggenma omanggen yati'legen he, endebat were'ma nen, afuni ekhe nen Allah ane andi faget yi enggin ti enggin inoba figik, weagerinafik, ugunem he inendawimo fageat puk agaresik wene andi herakfisaluk wulifarek andi aro.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

KISAH PARA RASUL 7:34

An nagainafuri afuni o Mesir mene nen yi enggin ti enggin hilinginafunem neilenggen isigik, inendawi ane ugunem nesanggo holhik, ikhi lagarik he, an nen telinabigeluk nebe pi wagi o. Halok, an nen hat yogondak o Mesir lakhobagaigen eme o, iluk yagatikhe.

ROMA 5:3

Andi faget enek ninendawimo ninagaiyek hikhi lago fuk. Yi enggin ti enggin hogorek andiba, ninendawinggen wurik agarek andi nen he, a'nogo weagetninafu kwelek, ninendawimo ninagaiyek hikhi lago aro.

2 KORINTUS 5:17

Afuni inebe Kristus inom hundik werek halok he, inobabut ket mene elalinafemo werego. Attak mene legat aga. Hobuk ket mene hilinglaga.

KOLOSE 1:24

An yogondak ya re, at Kristus nen he: ”Allah againafuri mondogat an nebe aro,” iluk nit faget yi enggin ti enggin hilik-hilik wa'lagaikhe andi, ekhe higi'lek mene obali'mo an nebe hit faget yi enggin ti enggin hilingnabi'lagwi andi nen nendawimo nagaiyegeti lagi.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

IBRANI 10:32

Nerugwi nagaila'lak. Hit attak Allah nen hinebe seleget hinafikhemo were'ma yi enggin ti enggin wiik-weakhogo hilinghinafu kwelek, hinafe morogo ninghogo welagagip andi hinendawimo ebe'no o.

IBRANI 11:37

helep oba tamuk-tamakhogo inoatik, gergaji oba inobakhe tegethigik, karok oba inoatik, yi enggin ti enggin hikhi logolik, su re, wam domba inom, kambing inom, agap nonggologo itik, yi mene ti mene legen inelagaik welagik, it afuni ekhe nen wiik-weakhogo hilinginafik, ikhi lagaukwa.

IBRANI 4:9

Allah nen yi mene ti mene elalhi lagaikhesigen, hobuk katokhogo enggi sabit oba set walasikhe andi hak, nit at againafuri set walogoin mene halok ninebe lombok yi mene ti mene ninonggwarek faget hilingiti lago mene arat katokhogo set walogoin mene weregaro.

YAKOBUS 1:20

Afuni ina'mage weak hilingitarek mene andi, Allah endawimo amolo anggikherek mene hilingitarek lek.

YAKOBUS 5:5

Kweangma yoma hinagarek yi mene ti mene hineilmo werek logolik, hinendawimo hinagaiyekhogo hinalawi engginhogo helikhi lagep andi ri! Wam wasugun higit asi wagunem ebe hokho asuageluk sumburu hokhorogo tatarek andi hak, hit hinebe weagethinabigin mene horok asi wagu kwelegat he, hinonggwaregen hinebe takhikhi lagep andi ri!

1 PETRUS 2:10

Hit attak he, Allah againafuri mene welagagip lek, meneat he, yogondak hinebe Allah againafuri eberogoat agebo. Nen, attak hiren he, ”Allah nen ninebe endawi werek,” iluk hinonggot welagagip meneat he, yogondak ”Ninebe Allah endawi nen wo'ninafikhemo welago,” iluk hinelu agebo.

WAHYU 18:7

At he andi onggwaregen ikhi logolik: An nebe kain logolik, afuni nawe a'ma fisaluk ferinarek logolik he, sogwe nobagagama nen nendawimo weak a'luk le aga logogin nogo? Lego, iluk yi mene ti mene oba peterogo logolik onggwaregen hokhorogo fogerakhugu mondok werek andi hagat, heinet hokhorogo wati logolik, endawimo weak a'luk le aga logouwageluk unggum wogo'no o.