IBRANI 11:16 - Allah Wene Fano Wene Hupla Inane

¹⁶ We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.

IBRANI 11:16 ပူးပေါင်းရင်းမြစ်များ

KEJADIAN 26:24

Wagaikhesik hup a'nogo sambul nineisena Tuhan at elokhoma weinam asi wagaikhesik yagati logolik, ”An nen attak namingmingengge Abraham oba wene abok wene warogo yagatigimo hat he hailo asu fuk. Heisena Abraham eisena Allah Nebe An. An nenat fetharek welagik, fanot hobagagik, hat herembul oba mene ta'lasuageluk hokhorogo wokhetik hilinghafi logogin,” iluk yagatikhe.

KEJADIAN 28:13

Abi a'nogo hugunem, Tuhan Allah kwe pela a'nogo era'lu menlagaikhesik mel yagatikhe: ”Abraham inom, Ishak inom, ineisena Tuhan Allah fogetnafarek mene a'nogo re, An aro. An nen kweang hat hebe wengik welagen oba yoma hat hebe inom, haren tagongge mene inom, wokhisagain o.

KELUARAN 3:15

Ekhe re, yi yagaisanogen yagahesik: An he, hit hinombalak Abraham inom, Ishak inom, Yakub inom, ineisena Nenupogot Allah a'nogo nen hat hayonggo figirik it inoba lakhobagagi o. An nenu re, Tuhan Allah, iluk ugu mondok logogun mene a'nogo aro. An nenu andi re, afuni hobuk ta'larik laga logogun mene mondogaren ugu mondok logoguno.

KELUARAN 3:6

Hat hombalak Abraham inom, Ishak inom, Yakub inom, ineisena Allah Anaro,” iluk yagatikhe. A'nogo yagatikhemo, at Musa eilenggen Allah yetha ailo agaikhemo, elokhe salhikhe.

KELUARAN 4:5

A'nogo hilinglagaikhemo, At Tuhan nen he, Musa mel yagatikhe: ”Afuni Israel mene nen he, ninombawi Abraham inom, Ishak inom, Yakub inom, ineisena Tuhan Allah a'nogo eberogoat Musa elokhoma menlagama higi, iluk anggoageluk it inelokhoma a'nogoat hilingisi lano o,” iluk yagatikhe.

YEREMIA 31:1

Tuhan ane ikhi logolik, ”Inenggi ekhe wesigin meneba re An he afuni Israel mene inunggulenu mondogat faget ineisena asigin, nen it he An nagainafuri asugun.

MATIUS 25:34

A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,

MARKUS 12:26

Afuni wa'lasumo Allah nen inelugerinabigin, iluk wene Musa nen lisu palhikhe mene a'nogo enu salhi'lek welagep nogo? At Musa e panggi alok mene eroma lagaikhesi'mo, Allah nen mel yagatikhe: Abraham inom, Isak inom, Yakub inom, ineisena Allah Anaro, iluk yagatikhemo lisu palhikhe mene a'nogo enu salhi'lek welagep nogo? Enu salhi lagep aro.

MARKUS 8:38

Afuni yoma inobabut weak logolik Allah ebe inom lombokhogo welagi'lek, yi weak ti weak hilingiri'lagwi mene andi hinomat logolik, it ineilhanem sa nen, ”An Yesus agot, igik, an nane andi yagaisigik, u re, ambe enggali halok he, an abat ta'lasi wagagi a'nogo hobuk neisena fogeratu mondok welagaikharek hak hilingla'luk, it malaikat Allah onggwarek faget yonggo pelakfisa wagarek mene omanogo ninom wesimbik he.

LUKAS 12:32

”Halok he, hit Allah againafuri a'luk welagep mene hinebe endebat mene yi, nerugwi nagaila'lage! Allah nen hit at awe a'ma hinobagaigeluk endawimo anggikhesik werek andi re, hinailo agubo.

LUKAS 20:37

It afuni wa'lagunem Allah nen inelugerinaferek andi faget he, at Musa nen, e panggi eroma Allah ebe eilenggen hasikhe wene andiba mel isikhe: Abraham inom, Ishak inom, Yakub inom, ineisena Allah re misigaro, iluk lisu palogo fesikhe andi.

YOHANES 14:2

An neisena awiba andoma, o hit logogun oba obalik hokhorogo selek werego. A'nogo lek logoilepma re, an o hit logogun oba tegeli lagain, iluk yagahisele lego.

KISAH PARA RASUL 7:32

Hat hombalak Abraham inom, Ishak inom, Yakub inom, ineisena Allah anaro, iluk yagatikhemo, at Musa nen ebe eilenggen furogo ha la ailo agaikhe.

FILIPI 3:20

A'nogo meneat he, nit ninawi ero pogoroba werego. Ninawi eroma andoma nen, ninoe Enupogot Yesus Kristus hobuk telninabi wesigin andi nenangorogo welago.

2 TIMOTIUS 4:18

A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.

IBRANI 10:34

it ekhe hele warogo kwelakfisugunem hinendawirinafik, ikhi lagagip andi. A'nogo hilingiti logolik hinendawimo nen he, ”Nit mene ningsek fano mondok logogin mene werego,” iluk anggikhi logolik he, hit mene yi mene ti mene helugunem hinendawimo weak agi'lek hinagaiyek anggikhi lagagip andi.

IBRANI 11:14

A'nogo ikhi lagaukwa andiba, nit ninendawimo nen he, ”It inawi eise asimbik logoun oba herati lagaukwa,” iluk enegat futfikhi lago andi.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

IBRANI 2:11

Yesus ebe, nit afuni weak hilingitorek mene hotninafikhe mene inom, nit aren horogo ninobagaikhemo welago mene inom, ninom lambukhogo re, nineisena misigat. Andi nen he, at Yesus nen enggali legat, ”It afuni andi an nerugwi nagaila'lago,” iluk ikherek andi.

WAHYU 21:2

A'nogo hilingisogo fikhesik, at onggwarek awi sili o kota Yerusalem ket mene, hemi inaguni helowogeluk inalilingge li'lukhogo wanharek andi hak, at were'ma pogoroba nen pelabi wagunem higi.