IBRANI 11:12 - Allah Wene Fano Wene Hupla Inane

¹² A'nogo takhasikhe andi nen, agun Abraham ebe yaman agaikhesik wa'lasu hak welagaikhe meneat he, at ebe misigat mene nen tago mene inebe hesagal pogoroba hokhorogo welagarek andi hak inom, ial i laut yenggelek esanggokwe welagarek andi hak inom, hokhorogo inenggi wenasu mondok elo'lekhogo wialagaukwa andi.

IBRANI 11:12 ပူးပေါင်းရင်းမြစ်များ

KEJADIAN 15:5

A'nogo yagatikhesik, At Tuhan nen Abram ebe waluk olulu wulifikhesik he, mel yagatikhe: ”Heilenggen pogoroba liakhambik he, hesagal henggi higit wenasigin a? Lega? Walhan o. Walhamo re, haren tagongge mene re, hesagal hokhorogo liakhegen andi hangge sik-pik ugun o,” iluk yagatikhe.

KEJADIAN 22:17

An nen hobugalep hokhorogoat fanothafik, haren tagongge mene inebe hesagal pogoroba hokhorogo welagarek andi hangge inom, i al i laut yenggelek era'lukwe welagarek andi hangge inom, mondok sik-pikhogo hilinglasuageluk hilinghafik, iren tagomangge mene o inaselei mene welagaikharekwe andoma mabenetfisaluk logouwageluk hilinginafik, igin o.

KEJADIAN 26:4

Hat hamlogomi inom, hombawi inom he pogoroba hesagalenggen hokhorogo werek andi hakhogo wokhetik, nen haren tagomangge mene inoba kweang yi abirengge it wogisigik, igin. Nen at Abraham An nane holfuluk nawene melalek inom, yi'nogo hilingi'no ti nogo hilingi'no iluk melalhu mene inom, tiphogo hilingiti lagaikhemo at alisikhogo re hat fanot hobagagin. A'nogo hilinghafunem neambik, it yi afuni ti afuni inunggulenu lombogen yaganeti logolik he, Abraham Ishak inombawi fanot fisikhi lagagin hak, nirogo higithogoat fanotninabin iluk yaganesugun,” iluk yagatikhe.

KEJADIAN 32:12

Haren he, An nen yi mene ti mene fano hilinghafi logolik, haren tagongge menere, inebe mondok hokhorogo, afuni inenggi wenasu mondok elo'lek mene, ial laut yenggelek esanggokwe welagarek andi hak wokhesigin, iluk wene wa'netigin a'nogo hendawimo ebesin o, neisena,” iluk samban isikhe.

2 SAMUEL 17:11

Andi nen he, an nendawimo anggigi mene yagahesik: Haren ap Israel mene inawi o yi awi ti awi welagaikharek mene mondogat andogorinabimbik he, inebe mondok hokhorogo ial laut yenggelek esanggokwe welagarek andi hak agu halok, noe hat hebe nenat woginarek weim yabi lano o.

1RAJA-RAJA 4:20

Afuni Israel mene inom Yehuda mene inom inebe re ial i laut esanggokwe hilingik andoma hak hilingik welagaikhe. A'nogo hilingik logolik he it inebe re inamburu inom inagai inom he higithogo nek were'ma it inebe inagaiyekhogo nek welagaukwa.

1 TAWARIKH 27:23

At Tuhan nen abok wene Daud yagati logolik, ”Afuni Israel mene inebe hesagalenggen pogoroba werek andoma hak hilingfagain o,” iluk yagatikhemo nogo nen he, at raja Daud en he ap inebe umur 20 tahun a'ma fikhit hilingik mene re inenu palogo wenaginafukwa lek.

NEHEMIA 9:23

Haren iren tagomangge nit nineisenalak mondok hokhorogo, hesagal pogoroba welagarek andi hangge hilinginafigin andi. Haren he, ninombawi yagaisikhi logolik, o andoma hit wokhisagain o, iluk wene warisasigin mene andi, ebe o yoma logouwagaluk arat wogisasigin andi.

KELUARAN 32:13

Hat hamingmingengge Abraham inom, Ishak inom, Yakub inom, wene hombuk palogo warisikhi logolik he, hiren tagomangge mene hesagal pogoroba hokhorogo andi hangge hilinglasugun. Nen, o wokhisagain iluk abok yagahisigimo andoma mondogat hiren tagomangge mene eise asimbik mondok-mondok logogun, iluk wene warisasigin andi hendawimo ebesin o,” iluk yagatikhe.

YESAYA 10:22

Yogondak afuni Israel mene inebe i laut esanggokwe ilingage hokhorogo werek andoma hak hilingik oba nen he we endebengge nek sugulogo wesugun. Tuhan nen it inoba unggum wogisagain mene andi re arat horok asi waga. Nen, it unggum wogisagain andi re it inobaburenat tiphogo hilingisigin.

YESAYA 48:19

Haren tagomangge mene re ial higit sik-pik u hagat, An nen it inobaget hilingitu were'ma, it hobuk alomat lasu lek hago,” iluk ikhe isikhe.

YEREMIA 33:22

An nen he namingmingengge Daud ambisangma mene inom, imam inunggulenu Lewi mene inom he inebe iren tagomangge mene ekhe inom sebet fisugunem he, it inebe hilingik logoggun mene re ial i laut esanggokwe welagarek andi hak inom, nen hesagalenggen pogoroba liakhugunem werek andi hak hilingi'mo inenggi wenasu mondok elo'lek logogin.

HOSEA 1:10

A'nogo yaganetesik he, ekhe mel yaganeteat: ”Meneat he, hobuk An nen he, afuni Israel mene inebe ial i laut hokho yenggelek mene era'lukwe inenggi wenatik, iwak elema kwelagaisogo kilo walhigik, u mondok elo'lek andi hak, inebe mondok hokhorogo hilingisogo fisagain o. Yogondak An nen he, Hit An nagainafuri lego, iluk yagaisigirek aro. A'nogo meneat he, hobuk, hit An Allah neluk mondok welagirek mene nagainafuri o, iluk yagaisagain oba werego.

HABAKUK 1:9

It inagoromi tentara inom esa logalogo ina'mage mondok het-pethogo waga logolik, yi afuni ti afuni mondogat mabenet fisilik wagunem he, afuni mondogat inailo a'luk ina'li'liphogo kwelagisikhi logogun. A'nogo hilinginafi logolik, inomame legetfisaluk inenggi hele warogo woginapluk laga logogun mene andoma re wenaginabu mondok elo'lek logogin.

ROMA 9:27

Nen wene ekhe Allah nen he, mel isikhe: ”Afuni kweangma mene yoma wene weak-weak inoba mondok fagain andi nen he, afuni Israel en tagongge mene i nebe ial i unggutmo laut hokho yenggelek era'lukwe welagarek andi hangge werek. Meneat he, we, inebe endebat enek telinabigin o,” iluk isikhemo Yesaya nen lisu palogo fesikhe.

ULANGAN 1:10

Hit hinebe hineisena Tuhan Allah nen hesagal pogoroba welagarek andoma hakhogo mondok hokho-bokhorogo hinobagasikhe.

ULANGAN 28:62

Hiren hineisena Tuhan Allah oba ane hologo hilingiti legep le'ma re, hinebe hokho pokhorogo hesagalenggen pogoroba welagarek hakhogo asugun oba nen he, hit hinanggele'ma nen we hinebe endebengge nek hineluk logogun.

YOSUA 11:4

Yonggo a'nogo wulafikhemo re, it raja-raja omanogo inom inagoromi tentara esa hokho-pokhorogo inebe ial higit inom wagaukwa. Nen inanggo kereta lisogo waluk weim yabi lagaikharek mene ogo hokhorogo wagaukwaat.

WAHYU 20:8

A'nogo liabi wagunem he, weim yabuogeluk, afuni inunggulenu lombok pogot ero-ero po'likwe, ma'likwe, elikwe, yikwe, welagaikharek mene lalinabigeluk inendawimo kagalik laga-laga higi. Andi re, o enu Gog mene inom, Magog mene inom, inoba weim yonggo lagasik, inebe mondok hokhorogo ial laut yenggelek esanggokwe welagarek andi hangge andogorogo fisikhemo welagaikha isigi.

HAKIM–HAKIM 7:12

Pisukwa re, ap Midian mene inom, Amalek mene inom, ap ekhe inaiba o leimo mo liabi wagarek higit andoma mene inom, omanogo inebe pulue andogorek welagarek hangge inebe tonggoma andoma ya logalek ta logalek welagaukwa. Nen, inanggo unta re, mondok hokhorogo ial i esanggokwe welagarek andi hangge welagaikheat.

1 SAMUEL 12:5

A'nogo yagatukwama, at Samuel en he, ”Hiren he, haren weak endebat ekhe hilingiti'lek, iluk egep andi, nineisena Tuhan inom, Aren hinoe raja wenagaisogo wokhisikhe mene inom, o yogondak yiba emberek ineilhanem egebo,” iluk yagaisasikhe. A'nogo yagaisasikhemo, iren he, ”Eberogoat egen. Nineisena Tuhan eilhanem ogo o,” iluk yagatukwa.