IBRANI 10:8 - Allah Wene Fano Wene Hupla Inane

⁸ At Kristus nen wene attagat yagatikhe andi re, ”Afuni nen hat wam wathetik, yi mene ti mene wokhetik, endumo nolhetik, weak hilingitarek mene horinabinogeluk wam wathetik, agarek andi, hat habiraro,” isikhe andi, Allah nen komotninafikhe wene andi higithogo hilingiti lagaukwa mene faget isikhe.

IBRANI 10:8 ပူးပေါင်းရင်းမြစ်များ

MAZMUR 40:6

Tuhan neisena, Haren elalin mene hokhorogo hilingninafi lagen. Neisena Tuhan Allah, Hat hinom higit mene re ekhe werek lego. Haren yi'nogo ti'nogo elalin mene nit faget hilingninobagagin mene mondok hokhorogo melalogo fegenma werek. Niren wene andoma mondogat pilingisumo re, elo'lego.

MARKUS 12:33

Halok he, at Allah anggo warogo ebe abirengge endumo noletik, yi mene ti mene at faget fisigik, ikhi logogun elo'lek hak, mene re, ninendawinggen inom, ninebe inom, ninomame inom, misigat a'luk, at Allah ebe ninendawinggen hundik logolik he, it afuni ekhe ninom welagorek mene ninonggwarek ninebe hangge ninendawinggen hundik logogun andi esin aro” iluk yagatikhemo,

ROMA 8:3

Attak he, Allah nen komotninafikhe wene a'nogo, nit afuni ninobabut lebelek andi nen he, fano hilingninabu elo'lek agaikhe. Elo'lek agaikhemo re, nit afuni ninobabut weak hilingitu were'ma, Allah onggwarek amlogo nit hangge hilingla'luk, nit weak hilingitorek mene andi wene oba fesikhesik sebelfisoageluk lakfei wagaikhemo sebelfisasikhe andi.

IBRANI 10:5

A'nogo hilingiti lagaukwa andi nen, at Kristus kweangma pi waga logolik, Allah mel yagatikhe: ”Hat he, afuni nen wam wathetik, yi mene ti mene wokhetik, agarek andi mene wokheti logogun habit andi nen he, an nebe afuni hangge hilingisogo nobagagin yi o.