IBRANI 10:6 - Allah Wene Fano Wene Hupla Inane

⁶ Hat faget wam warogo endu nolhetarek andi inom, weak hilingitarek mene horinabinogeluk wam warogo wokhetarek andi inom, habiraro.

IBRANI 10:6 ပူးပေါင်းရင်းမြစ်များ

MAZMUR 147:11

We At Tuhan he it afuni At oba inailorogo logolik hilingitarek mene andi inom, nen afuni Aren endawi hundik hilingninabuageluk oba eberek werek mene andi inom, inoba nek he agaiyek mondok werek.

MAZMUR 40:6

Tuhan neisena, Haren elalin mene hokhorogo hilingninafi lagen. Neisena Tuhan Allah, Hat hinom higit mene re ekhe werek lego. Haren yi'nogo ti'nogo elalin mene nit faget hilingninobagagin mene mondok hokhorogo melalogo fegenma werek. Niren wene andoma mondogat pilingisumo re, elo'lego.

MALEAKHI 1:10

Tuhan Omame Mondok Hokho mene a'nogo nen ikhi logolik, ”Hiren wam yi mene ti mene warogo nolneti lagep oba endu tulemat ibilogo kwelafi lagep andi nen he, a'nogo hilingitu welagep hanogoluk, hit ekhe nen An naiba andoma kwe yagatfoumo re! Hit hinebe nabirat, nen an nobaget fikhi lagep mene andi helugu aplere nabit nabi'lago.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

EFESUS 5:2

Afuni nen yi mene ti mene Allah faget fisaluk, ebe warogo endu noletunem, Allah endawimo fanorogo amben fano mene liageti lagaukwa andi hak, at Kristus nit ninebe endawitninafikhesik he, ”It faget an nebe noasuago,” iluk anggasikheba ebe watukwa andi nen Allah endawimo fano agaikhe andi hak, nit-nit nendawi-hendawirogo hilingiti logouwogo.

FILIPI 4:18

Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.

1 SAMUEL 15:22

A'nogo yagatikhe meneat he, at Samuel en he, ”At nineisena Tuhan amolore, At ane hologo hilingisugun andi esin a? Athe, wam warogo nolesugun andi esin a. At nineisena Tuhan ane hologo hilingisugun andi esin mondok meneat he, at wam warogo nolesugun andi re elo'lek hangge o. Wam asei andi re elo'lek hak oba nen he, yi'nogo hilingi'no iluk ikherek mene andi hologo hilingitu mene nek he mondok fano o.