Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IBRANI 10:39 - Allah Wene Fano Wene Hupla Inane

39 A'nogo meneat he, nit he, it afuni ekhe alomat lasuogeluk inambotkwe wulibugun mene andi hangge welago fuk. Lego. Nit he, ninebe telninabuageluk ninendawinggen at oba himbirik welago mene welago o.

အခန်းကိုကြည့်ပါ။ ကော်ပီ




IBRANI 10:39
28 ပူးပေါင်းရင်းမြစ်များ  

Niren Hat hoba ninonggot aga lek oba nen, athe Hat ninom wene wat-wat agagu mene a'nogo taganhogo hilingito lek oba nen he, andoma mondogat he nit ninoba nek asi weri'lago.


It ap inendawimo inabit mene andi nen an heraknobagaluk wulibugun mene andi hobuk inebe wa'lagik, afuni kembu mene an nane seramet fagarek mene andi hobuk inebe alomat lagik ugun o.


Ap weak mene nen enggen weak meneat taganharek, nen ap fano mene nen enggen fano meneat taganharek.


Yagaisilik lagunem he, it afuni ekhe nen wene andi eberogoat iluk anggogoin mene ima pelaginabugun mene halok, Allah nen telinabigin meneat he, it ekhe wene andi eberogoat iluk wanugun lek mene halok, Allah nen wene inoba fembik weagerinabigin o.


hobuk ambotkwe wulibi lagaresik, munggwarengge ekhe at obabut hangge lek. Athe, inobabut mondok weak mene inebe 7 nen inayonggo lagaresik woginarek we'luk ap andi endawimo kwagaresik welagaikharego. A'nogo kuluk were'ma re, ap andi attak he, obabut fano hak welagaresik meneat he, hobuk obabut mondok weagat hilinglagarego,” iluk yagaisasikhe.


An it ninom yoma logolik he, it inebe longgoinogo iluk, hat henu mene an salnafigin a'nogoba, ferinarek were'ma, it ekhe longgo igi'lego. We, at andi longgo igin, iluk, hat hane isigin mene lisu palogo fesukwa mene a'nogo ebe asuageluk, longgo u hagat longgo ikhe.


A'nogo meneat he, lisu palek werek yi mondogat he, hiren he, Yesus andi Allah amlogo, nit afuni telninabuageluk wenagaisogo lakfei wagaikhe a'nogo eberogoat iluk futfuluk hinendawinggen at oba eberogoat himbiret fuluk At enu hombuk palhunem hineluk mondok logobagaigeniluk lisu palogo figi o.


”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.


neisena endawimo anggikherego. A'nogo anggikhi logolik, afuni nen Allah amlogo nebe yi ineilenggen niigik, inendawinggen noba eberogoat himbiret figik ugu halok, inebe lombok ineluk mondok logouwageluk, o wurep oba an nen inelugerinabuageluk endawimo anggikherego,” iluk yagaisasikhe.


Allah a'mage, nit ninoba fuluk weagetninabigeluk wena'ninafikhe lek. We, ninoe Enupogot Yesus Kristus nen telogo fanotninabuageluk wena'ninafikhe o.


Afuni ekhe nen: ”Allah ninabit,” iluk, herakfisaluk wulipluk at obabut mondok weak mene hobuk Allah nen endumo lakfisagain mene a'nogo weinam agik, a'nogo tak hilingisugun andi nen he, it ekhe nen yi'nogo igik, ti'nogo igik, ikhi logolik, lalhinabugun he, nabit.


A'nogo meneat he, afuni nen he, ”Esin uang andiat,” iluk inendawinggen tulemet fuluk he, o wurep oba yi weak ti weak hilingiri'lagwi andi, ero andi aro. It ekhe nen uang andi mene herasuogeluk, inendawinggen Allah oba himbirik welagaikharesigenat he, herakfisaluk hobuk eba salukhogo waragarek hak, it inonggwarek inendawimo wiik-weakhogo hilingiri'lagwi andi. Andi nen he, afuni ekhe nen, ”Yi mene ti mene hokhorogo helaluk ninebe kain logoilo e,” iluk anggili'lagwi andi re, paik hele fugunem ke'nokhogo wa'lagarek hak, Iblis nen inendawimo kagalhunem, yi mene ti mene inamolo anggogoin lek meneat he, weagerinabigin mene inamolo iluk anggili'lagwi andi nen he, inebe weaget fakhigik, nonget fakhigik, agarek andi.


Ebe wene Allah ane yaganisasukwa mene ninelu logoligat he, nineranenat wene andi sagalogo herakfisaluk weak mondogat hilingiti logogun halok he, nit hobuk ninanggo Allah faget waresumo ho'ninabigin mondok legaro.


At wesigin andi, oan wagi'lek werek kwelek, it an nagainafuri wene inoba korogo an ninom hunogo inobagagi mene halok inebe lombok, inendawinggen noba himbiret fuluk logogun oba ineluk logogun. Meneat he, afuni it mene ekhe inambotkwe wulibugun mene halok inebe lombok, it andi inoba an nen nagaiyek welagi lek. andi nen an nabiro,” iluk isikhemo lisu palogo fesukwa.


Inendawinggen Allah oba himbirik welagaikharek andi ebe re, yi'nogo. ”Fano asigin,” iluk eberogoat anggigik, ”Yi mene ti mene nineilenggen higi'lek meneat he, eberogoat werego,” iluk futfigik, agarek andi aro.


Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.


Mene re, pogot andi inom, kweang andi inom, hobuk enduba weagetfeigeluk Allah ane andibaat elama faget fisogo logombik he, afuni Allah ebe inabit logolik inobabut weak hilingiri'lagwi mene andi, wene inoba fuluk weagerinafik, kweang pogot weagetfigik, misik sambulat hilingisigeluk eranenat enggi fisogo werego.


It afuni ekhe weak mondok hilingitaresik he, inobabut oba inebe mondok-mondok wa'lasugun mene werek andi faget, hiren Allah ayonggo fogoin, iluk yagahisigi lego. Athe, inobabut higithogo hilingisu mene werek kwelegat he, kwanirogo weak hilingitarek andi mondogat enu weak meneat he, it ekhe nen weak hilingitunem inobabut oba inebe mondok-mondok wa'lasugun lek mene hilingitarek mene weregaro. Mene re, hit Allah againafuri mene hinerugwi hinagaila'lak ekhe weak hilingitunem obabut oba ebe mondok-mondok wa'lasugun lek mene hilingite halok, at faget Allah ayonggo foumo, aren nabulal-habulal ebe mene wogosigin werego.


Afuni inobabut inetogat logolik weak hilingitarek mene mabenetfisaluk inomame agaikharek andi sani nen nogo? Andi re, niren, ”At Yesus andi Allah amlogo,” iluk ninendawinggen at oba himbiret fogorek mene nen aro.


Mene olomene hangge attak welagaikhe meneat he, elokhe lek andi ebe re, kaindek inebe 7 nen omanogo arat kobokhogo pilik-pilik waga lagaikhasik, it 7 nen andi mene ekhe hobuk ambotkwe kain a'luk, inenggi wenagaisogo 8 hangge hilinglasimbik, hobuk Allah nen weagetfagain, mene hegen o.


Mene olomene hangge hegen andi attak welagaikhe meneat he, yogondak elokhe lek hegen andi re, kweang a'ma nen lagai wesigin o. Lagai waga halok, Allah nen alomat fagain o. Nen, Allah nen kweang pogot oan elalhi'lek logolik, suesingga it afuni ineluk mondok logouwageluk fanorinabigin mene halok inenu lisu palek andiba, it ekhe inenu lisu palek lek mene nen, mene olomene hangge andi ineilenggen hasukwasik, iren he, mene olomene hangge yi, attak welagaikhesigen, elokhe lek agaikhe meneat he, hobuk weinam aga yi, nailo e, iluk fogerasugun o.


”At Saul An hera'nobagaluk wulifesik, An nen, yi'nogo hilingi'no, iluk yagati mene nane hologo hilingiti'lek andi nen, afuni Israel mene inoe raja menfigi andi nambigen e, iluk anggigi o,” iluk yagatikhemo, at Samuel endawimo weak agaikhesik he, hundik-handik nineisena Tuhan oba limamit falogo yagatu mondok welagaikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ