IBRANI 10:37 - Allah Wene Fano Wene Hupla Inane

³⁷ Allah aneba lisu yi'nogo palek werek: ”At wesigin andi re, eil misik logombigen wesigin. Ekhe inom logombigen wesigin lego. We, weak-weagat wesigin o.

IBRANI 10:37 ပူးပေါင်းရင်းမြစ်များ

YESAYA 26:20

Yago hit An nunggulenu mene yi, hit hinawilokwe kwi laluk he kwe yagarani o. Hit a'nogo kwi lambik werek kwelek enek he Tuhan anini nen hilingiri'logo mene andi palfagain o.

YESAYA 60:22

Nen we it afuni ineisok erokwe inebe endebengge hilingik were'ma wenagisikhi logogun oba nen, hobuk inunggulenu hokho mene asimbik inomame mene logogun, Nen inenggi ekhe higit asi wesigin oba re, An Tuhan nen weak-weak hilingisigin o,” iluk ikhe isikhe.

MATIUS 11:3

Lakfisa wagaikhemo wagaukwasik he, ”Ap ekhe wesigin iluk ikhi lagaukwa a'nogo re, harara? I a, athe, hunogoat mene ekhe yerogo logogun a?” iluk yagatukwama re,

LUKAS 18:8

Lego. Weak-weagat elele woginabigin o, iluk eberogoat yagahisigi. A'nogo hilinginabigin meneat he, an abat ta'lasi wagagi a'nogo hobuk wesimbik he, afuni kweangma mene yoma ekhe inendawinggen noba himbirik were'ma isa wesigin a? Lek he a,” iluk yagaisasikhe.

FILIPI 4:5

Ninoe Enupogot a'nogo weak-weagat wesigin andi nen, afuni mondogaren hit hinebe fut hinobagauwageluk, hinobabut liokhogo hilingiti logoino o.

IBRANI 10:25

Ninoe enggi welagi'legat wesigin iluk ninelu andi nen he, nit andogotunem it ekhe kamo agarek andi hak, nit kamo igi'lek he, oba ebet-ebet nit-nit ninendawinggen ago warogo komo-komo ikhi logouwogo.

2 PETRUS 3:8

Mene re, nerugwi nagaila'lak. Hinebe nendawi e. Wene misigat yi hinonggoragup. Ninoe Enupogot endawimo anggikhi logolik, o lingge misigat welagorek andi re, 1.000 tahun hangge anggikherek. Nen, 1.000 tahun andi re, o lingge ninenggi misigat welagorek andi hanggeat anggikherek. Mene re, emberek higit enek anggikherego.

2 PETRUS 3:9

It afuni ekhe nen he, ”Ninoe Enupogoren wene watnisasikhe wene a'nogo, ebe wagi'lek aninurogo werek,” iluk anggili'lagwi andi re, aninurogo werek fuk. Hit hinebe endawi nen, At endawimo nen he, ”It ekhe nong asinogo,” iluk afuni mondogat inobabut weak hilingiri'lagwi mene herakfisaluk inobabut hebelasuageluk, eranenat endawimo anggaluk aninurogo werek andi.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.