IBRANI 10:33 - Allah Wene Fano Wene Hupla Inane

³³ A'nogo logolik, hit ekhe afuni andogore'ma hinenu wiik-weakhogo weak hilinghinafunem, hit ekhe nen, ”Nit ninomat weagetninabuak,” iluk inoba kugunem hinomat weak hilinghinafik,

IBRANI 10:33 ပူးပေါင်းရင်းမြစ်များ

MAZMUR 69:9

An nogogwi nagoromi nen mene ogore it ekhe mene hangge hilingnabi'lagwi. An ninom tagongge mene nen ogore, it ekhe mene hangge hilingnabi'lagwi aro.

MAZMUR 71:7

An kagalnarek werek mene re Hat homame a'ma fetnarek welagenma re, an neluk logolik it afuni hokhorogo nen an nobabut walhigik hilingisuageluk welagi.

MAZMUR 74:22

It afuni Hat hoba inendawinggen tibet fili'lagwi lek mene andi nen Hat henu weak weakhogo nek fugu werek andi nen he, Neisena Allah, Hebe siakhogo menla'luk he, Hat hawene andi faget ili helan o!

MAZMUR 79:12

Tuhan nineisena, it afuni inunggulenu amu mene andoma nen Hat mabenaphogo sebel hobagali'lagwi andba, Haren ogo onggo it inoba henggi sabiren enek he lek oba nen, we henggi teng kofokhogo wenasu mondok elo'lekhogo hilingfisano o.

MAZMUR 89:51

Tuhan neisena. An hamingmingengge yi, noba wiik weakhogo yaganeri'lagwi andi hendawimo ebesin o. Afuni inunggulenu lombogen inane weak noba fili'lagwi andi nen he nendawimo weak welagi o.

YESAYA 51:7

Yago, hit An nunggulenu mene oma re, An nane ikhi lagi mene andi holini o, hit he eberogo mene re ninggi'nogo iluk he hinelu welagebo. An nen wene yagahisikhi lagi mene re hit hinendawimo fisogo welagebaro. Afuni nen puliat hinafu halok he hinailosu fugo, iren li'not hinafu halok he hinoba sinurogo logou fuk.

NAHUM 3:6

Hat hebe re An nen yi mene ti mene mondogat hebak nafe mene hakhogo hilinghobagambik he, An nen hat hebe ologoilong engge inom huk heagain. A'nogo hukheambik he afuni nen kumuthafi logouwageluk hilinghobagagin,

ZAKHARIA 3:8

Imam Agung Yosua ao, hesanggo holin o. Nen hit at agaila'lak imam welagep mene andoma ogo, hit he o hobuk andoma fanorogo logogun mene faget enegengge re hit welagep. Hobuk andem oba re An namingmingengge enu, ”Asimit,” andi lakfei wesigin.

1 KORINTUS 4:9

Nit andi re, afuni inapsiri mene afuni ineilhanem sele'ma inebe horoget fisaluk inenggali warogo inoatarek andi hak, nit Allah nen ninayonggo fesikhesik lakninobagai wagaikhemo wagagu mene andi, afuni inom, malaikat inom, ineilhanem a'nogoat hilingninabi'lagwi o.

2 KORINTUS 12:10

Andi nen he, an Kristus faget, nebe lebelek agi halok inom, afuni nen nabok weak palhu halok inom, wiik-weakhogo hilingnafu halok inom, yi enggin ti enggin hilingnafu halok inom, weim yafi logolik inoasuogeluk hoberisagarek hak hilingnafu halok inom, an lebelegat were'ma, andiba nen nomame agirek iluk, nendawimo nagaiyek anggigirego.

FILIPI 1:7

Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

FILIPI 4:14

Higit logou hak meneat he, an nenggi lek were'ma, hiren lebetnafi lagep andi fano mondogo.

1 TESALONIKA 2:14

Nerugwi nagaila'lak. It Allah againafuri ekhe Kristus Yesus inom hundik logolik, o Yudea andoma andogori'lagwi mene, inonggwarek inagaila'lak Yahudi mene nenat yi enggin ti enggin hilinginafi lagaukwa hagat, hit hinagaila'lak mene nenat yi enggin ti enggin hilinghinabi'lagwi o.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

IBRANI 11:26

”Hobuk Allah nen onggo wo'nesigin mene werego,” iluk anggasikhesik he, ”Yi mene ti mene fano mene afuni o Mesir inenggimo mene yi esin lego,” iluk, herakfisaluk, ”Kristus faget ninebe weak-beakhogo ninobagakhi logogun andiat fano o,” iluk anggasikhe.

IBRANI 11:36

Nen, ekhe re, afuni inane aik weak asegen wogisigik, yei inoatik, inenggi hele warogo kwelakfisigik,

IBRANI 12:4

Hit enek he, weak hilingisu hinabiren, weim inomamerogo yafarek andi hak hilingitunem, hinamep wulagaisogo hinoati'lek mene welagebo.

IBRANI 13:13

A'nogo wa'lagaikhe andi nen, nit kweangma yoma mondok logogun lek. We, nit hobuk o mondok logogun oba herati lago andi nen he, at Yesus afuni nen inane aik weak asegen wokhikhi yagati lagaukwa andi hak, nit a'nogo yaganisugu kwelek, at oba leget abel endakwe wulifi logouwogo.