IBRANI 10:30 - Allah Wene Fano Wene Hupla Inane

³⁰ ”Unggulmo an nen inoatik, onggo an nen figik, igin o,” iluk isikhe andi, sa nen isikhe nogo. Allah nenat isikhe ninelu o. Nen, wene ekhe mel isikhe: ”An ineisena noba lombogen nagainafuri wene inoba figik, kotik, igin o,” iluk isikheat.

IBRANI 10:30 ပူးပေါင်းရင်းမြစ်များ

MAZMUR 50:4

Aren againafuri wene inoba figik kotik igiluk, eil werek mene faget he pogot inom kweang inom wolisikherek.

MAZMUR 94:1

Tuhan Allah nineisena, Haren he afuni nen hilingitu onggo tiphogo nek hilingfisikhi lagen, Haren onggo higithogo nek hilingfisikhi lagen mene andi inuknisan, neisena Allah.

MAZMUR 96:13

At Tuhan ebe o kweangma melalinabigiluk wagunem, Aren he afuni kweangma werek mene katokhogo nek endawi fanoba inawene pilinget fuluk higithogo ayo wurinabigin o, isikhe.

MAZMUR 98:9

At Tuhan ebere afuni o kweangma werek mene inawene pilinginabigiluk wesigin. Aren he afuni inunggulenu lombok o kweangma ekhema-ekhema welagaikharek mene mondogat inawene higithogo ayo wurinafik, heirogo tegetik, eberogo weneba hilingisigiluk wesigin.

YESAYA 59:17

Aren he katokhogo hilingitu mene inom, inagap telhu mene inom a'nogo re, su posiemanggen mene hangge hilingisogo figik, nen, unggul topi re baja mene hangge hilingisogo figik, ikhe. Aren he, it inebe hilingik mene andoma halfisigik, katokhogo hilingitu lek mene andoma unggum wogisigik, hilingisigin iluk wenggelhe.

YESAYA 61:2

An nen he afuni yagaisikhi logolik, ”Nineisena Tuhan nen fanothinabigin oba tahun arat asi waga o,” iluk yagaisigik, ”Hinaselei mene nen hinoatukwa mene inunggulmo fagain oba arat asi waga,” iluk yagaisigik, nen afuni le ari'lagwi mene inendawimo koninafik,

YESAYA 63:4

Afuni ekhe nen An nagainafuri inoatarek mene andi inunggulmo, ti sambul onggo fagain, nen tahun tiba fikhalogo inale'ma fisagain, iluk An nendawimo arat wenggelogo figirik welagi o.

YEHEZKIEL 18:30

Tuhan Lego Mondok werek mene a'nogo ane ikhi logolik, ”Yago, hit afuni Israel mene yi sani! An nen he afuni inebe lombok inobabut hilingitarek lombok higithogo ayo wurinabigin o. Hinaweak hilingiti lagep mene mondogat herak fisaluk hinendawinggen hebelini o. Hinaweak fageti'legengge herakfuluk welagep oba hinebe weaget hinabinogo.

YEHEZKIEL 34:17

Yago, hit An nandomba mene re hinesanggo fanorogo holini o! An Tuhan Lego Mondok welagirek mene nen hit hinoba nane ikhi logolik he, An nen hit hinawene hinebe lombok ayo wurogo piling hinabimbik fano mene weak mene oba nen lenogo ale'ma figik domba mene andoma kambing mene oba nen minggilogo ale'ma figik igin o.

IMAMAT 19:18

Hineisena Tuhan Anat andi nen he, afuni nen hinoba ambumet fuluk werek halok, hiren onggo figik, hinapsiri watfisigik, ugun mondok lego. We, hinonggwarek hinebe hinendawinggen hundik welagep andi hak, it afuni ekhe mene ogo inebe hinendawinggen hundik logoino o.

NAHUM 1:2

Nineisana Tuhan Allah re afuni nen At inom higirabetarek mene andi re mondok abit. Nen, ap At ane oak sagalharek mene andi re unggum helogoin werek. Nen At a'mage mondok hokho a'nogoba re, it inoba onggo lagalogo inoaterek.

ROMA 12:19

Nerugwi nagaila'lak. Hinebe nendawi e. Afuni ekhe nen hit weagethinafu halok, hinonggwaregen onggo fugubo. We, Allah a'mage lagaluk, aren hilingisuagen he, at enggiba fikhi logoino. Wene a'nogo hilingiti logogun, iluk lisu yi'nogo palek werek: ”Wurep oba an nen inoatik, onggo an nen figik, igin o, iluk Nineisena Tuhan nen ikherek,” iluk lisu palogo fesukwa.

ROMA 13:4

It pemerintah re, Allah nen menfisasikhemo, at amingmingengge logolik, hit fanorogo logouwageluk hilingiri'lagwi o. Mene re, weak hilingitep halok he, hinailorogo logoino. It sikhe waluk nikho andi, tulemat waluk nikho fuk. We, afuni weak hilingitunem he, Allah nen a'mage lagaluk wene inoba fou hak, it menfisasikhemo re, iren wene inoba fagarego.

1 SAMUEL 25:26

Hat heisena nen haselei mene inoba onggo wo'nesuageluk kino yagaisigik, inebe inoatik, ikherek mene a'nogo At Allah nen kwe palhobagaikhemo, At Tuhan Eluk Mondok Welagarek mene a'nogo enuba re an nen hombuk palhi lagi andi. Neisena hat haselei mene inom, nen it hat hebe alomat hobagagun iluk hilingiri'lagwi mene andoma inom, inoba ari'lago aple andoma re at Nabal ogo andi higit oba aga logouwago.

1 SAMUEL 26:10

Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.